ತೋತಾಪುರಿ ಒಂದು ತಿಂದಾಯ್ತು...! ಎರಡನೇ ತೋತಾಪುರಿ ಸವಿಯಲು ನೀವು ರೆಡಿನಾ..?

Totapuri part 2 Cinema Update: ‘ತೋತಾಪುರಿ-2’ ಸಿನಿಮಾದ ಪೋಸ್ಟರ್‌’ಗಳು ಹಾಗೂ ಹಾಡೊಂದು ಸದ್ದು ಮಾಡಿ ಸಿನಿಮಾ ಮೇಲಿನ ನಿರೀಕ್ಷೆ ಹೆಚ್ಚಿಸಿವೆ. ಡಾಲಿ ಧನಂಜಯ ಪ್ರೀತಿ ಪಾರ್ಟ್ 2ನಲ್ಲಿ ರಿವೀಲ್ ಆಗುತ್ತೆ ಅನ್ನೋ ಮ್ಯಾಟರ್ ಸಿನಿಮಾ ತಂಡದಿಂದ ಸಿಕ್ಕಿದೆ.

Totapuri part 2

Sandalwood New Cinema update: ತೋತಾಪುರಿ… ನವರಸನಾಯಕ ಜಗ್ಗೇಶ್ ಮತ್ತು ಅದಿತಿ ಪ್ರಭುದೇವ್ ನಟನೆಯ ಸಿನಿಮಾ. ಕಳೆದ ವರ್ಷ ತೆರೆಕಂಡು  ಸುದ್ದಿಯಾಗಿತ್ತು. ಆದರೆ ಎಲ್ಲೋ ಒಂದು ಕಡೆ ನಿರ್ಮಾಪಕರಿಗೆ ಜೇಬು ತುಂಬಲಿಲ್ಲ. ಆದರೆ ಇದೀಗ ಸಿಕ್ಕಿರೋ ಸಿಹಿಸುದ್ದಿ ಏನಪ್ಪಾ ಅಂದ್ರೆ ತೋತಾಪುರಿ 2 ಸಿನಿಮಾ ರಿಲೀಸ್ ಗೆ ಸಜ್ಜಾಗಿ ನಿಂತಿದೆ. ತೋತಾಪುರಿ ಪಾರ್ಟ್ 2 ನಿಮಗೆ ಬೇರೆಯದ್ದೇ ಲೋಕವನ್ನ ತೋರಿಸುತ್ತೆ. ಹಲವು ಅದ್ಭುತ ವಿಚಾರಗಳಿಗೆ ತೋತಾಪುರಿ ಸಾಕ್ಷಿಯಾಗುತ್ತೆ ಅನ್ನೋ ಸುದ್ದಿ ರಿಲೀಸ್ ಗೂ ಮುನ್ನ ಗಾಂಧಿನಗರದಲ್ಲಿ ಕೇಳಿಬರುತ್ತಿದೆ. ಡಾಲಿ ಧನಂಜಯ ಪ್ರೀತಿ ಪಾರ್ಟ್ 2ನಲ್ಲಿ ರಿವೀಲ್ ಆಗುತ್ತೆ ಅನ್ನೋ ಮ್ಯಾಟರ್ ಸಿನಿಮಾ ತಂಡದಿಂದ ಸಿಕ್ಕಿದೆ.

ಇದನ್ನೂ ಓದಿ: ನನಗೆ ಈಗಾಗಲೇ ಮದುವೆಯಾಗಿದೆ, ಮನಸಲ್ಲಿರೋದು ಅವನೊಬ್ಬನೇ : ರಶ್ಮಿಕಾ ಮಂದಣ್ಣ

 ‘ತೋತಾಪುರಿ-2’  ಸಿನಿಮಾದ ಪೋಸ್ಟರ್‌’ಗಳು ಹಾಗೂ ಹಾಡೊಂದು ಸದ್ದು ಮಾಡಿ ಸಿನಿಮಾ ಮೇಲಿನ ನಿರೀಕ್ಷೆ ಹೆಚ್ಚಿಸಿವೆ. ಜಗ್ಗೇಶ್-ಡಾಲಿ ಧನಂಜಯ್ ಕಾಂಬಿನೇಷನ್ ಇದೇ ಮೊದಲ ಬಾರಿಗೆ ಎಂಬುದು ಒಂದೆಡೆಯಾದರೆ, ಎರಡು ಭಾಗಗಳಲ್ಲಿ ಮೂಡಿಬಂದಿರುವ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾದಲ್ಲಿ ಕಾಣಿಸಿಕೊಂಡಿರೋದು ಮತ್ತೊಂದು ವಿಶೇಷ.

ಡಾಲಿ ಧನಂಜಯ್ ಈವರೆಗೂ ವಿಭಿನ್ನ ರೀತಿಯ ಪಾತ್ರಗಳ ಮೂಲಕ ಮಿಂಚು ಹರಿಸಿದ್ದಾರೆ. ಅವರು ನಟಿಸಿರುವ ಪಾತ್ರಗಳಲ್ಲಿ ನಾಯಕ-ಖಳನಾಯಕನಾಗಿ ಅಬ್ಬರಿಸಿದ್ದಾರೆ. ಇದೀಗ ‘ತೋತಾಪುರಿ-2’ ಸಿನಿಮಾದ ಮೂಲಕ ಮತ್ತಷ್ಟು ಸೌಂಡು ಮಾಡಲು ಸಜ್ಜಾಗಿದ್ದಾರೆ.

ನಾರಾಯಣ್ ಪಿಳ್ಳೈ ಎಂಬ ಪಾತ್ರ ನಿರ್ವಹಿಸುತ್ತಿರುವ ಡಾಲಿ, ಬೃಹತ್ ಉದ್ಯಮಿಯಾಗಿ ಕಾಣಿಸಿಕೊಂಡಿದ್ದಾರೆ. ಅವರ ಲೈಫ್‌ಸ್ಟೈಲ್, ಲವ್‌ ಸ್ಟೋರಿ ಸೇರಿದಂತೆ ಇನ್ನಿತರ ವಿಷಯಗಳನ್ನು ‘ತೋತಾಪುರಿ-2’ರಲ್ಲಿ ತೆರೆದಿಡುವ ಪ್ರಯತ್ನವಾಗಿದೆಯಂತೆ.

ಇದನ್ನೂ ಓದಿ: NRI news: ಜಗತ್ತಿನ 6 ಗಲ್ಫ್ ರಾಷ್ಟ್ರಗಳಲ್ಲಿ 88.8 ಲಕ್ಷ ಭಾರತೀಯರೇ… ಅದರಲ್ಲೂ ಹೆಚ್ಚು ವಲಸಿಗರಿರೋದು ಈ ದೇಶದಲ್ಲಿ!

ಡಾಲಿ ಜೋಡಿಯಾಗಿ ಸುಮನ್ ರಂಗನಾಥ್ ನಟಿಸಿದ್ದಾರೆ. ಹಾಗೆಯೇ ಈ ಚಿತ್ರದಲ್ಲಿ ಜಗ್ಗೇಶ್, ಅದಿತಿ ಪ್ರಭುದೇವ, ದತ್ತಣ್ಣ, ವೀಣಾ ಸುಂದರ್, ಹೇಮಾದತ್ ಸೇರಿದಂತೆ ಬೃಹತ್ ತಾರಾಗಣವೇ ಇದೆ. ವಿಜಯಪ್ರಸಾದ್ ನಿರ್ದೇಶನವಿರುವ ಈ ಚಿತ್ರವನ್ನು ಕೆ.ಎ.ಸುರೇಶ್ ನಿರ್ಮಿಸಿದ್ದಾರೆ.