7th Pay Commission: ಹೊಸ ವರ್ಷದಲ್ಲಿ ಸರ್ಕಾರಿ ನೌಕರರ ವೇತನ ವೃದ್ಧಿ... ಎಷ್ಟು? ಇಲ್ಲಿದೆ ವಿವರ

7th Pay Commission: ಕೌಶಲ್ಯರಹಿತ ಕಾರ್ಮಿಕರಿಗೆ ಮಾಸಿಕ ವೇತನವನ್ನು 15,492 ರೂ. (ದಿನಕ್ಕೆ 596 ರೂ.), ಅರೆ ಕೌಶಲ್ಯ ಹೊಂದಿದವರಿಗೆ 17,069 ರೂ. (ದಿನಕ್ಕೆ 657 ರೂ.) ಮತ್ತು ನುರಿತ ಕಾರ್ಮಿಕರಿಗೆ 18,797 ರೂ. (ಒಂದು ದಿನಕ್ಕೆ 723 ರೂ.) ವೇತನವನ್ನು ನಿಗದಿಪಡಿಸಲಾಗಿದೆ.

7th Pay Commission

ನವದೆಹಲಿ: 7th Pay Commission ಹೊಸ ವರ್ಷವು ಕೇಂದ್ರ ಸರ್ಕಾರಿ ನೌಕರರಿಗೆ ಸಾಕಷ್ಟು ಆನಂದವನ್ನು ನೀಡಲಿದೆ. ಹೌದು, 2021 ರಲ್ಲಿ ಕೇಂದ್ರ ನೌಕರರು ಹೆಚ್ಚಿನ ಸಂಬಳ ಪಡೆಯಲಿದ್ದಾರೆ. ಕೋವಿಡ್ -19 ಕಾರಣ, ಕೇಂದ್ರ ಉದ್ಯೋಗಿಗಳಿಗೆ ನೀಡಲಾಗುತ್ತಿದ್ದ ತುಟ್ಟಿಭತ್ಯೆಯನ್ನು ಈ ವರ್ಷ ನಿಷೇಧಿಸಲಾಗಿದೆ. ಕೇಂದ್ರ ನೌಕರರು ಮತ್ತು ಪಿಂಚಣಿದಾರರಿಗೆ ಶೇಕಡಾ 21 ದರದಲ್ಲಿ ತುಟ್ಟಿ  ಭತ್ಯೆ ಸಿಗುತ್ತದೆ. ಆದರೆ ಪ್ರಸ್ತುತ ಇದು ಶೇ.17 ಮಾತ್ರ ಸಿಗುತ್ತಿದೆ.

ಜೂನ್ 2021ರವರೆಗೆ ಇರಲಿದೆ ಈ ವ್ಯವಸ್ಥೆ
ಕೇಂದ್ರ ಸರ್ಕಾರವು ಜೂನ್ 2021 ರವರೆಗೆ ಈ ವ್ಯವಸ್ಥೆಯನ್ನು ಮಾಡಿದೆ. ಕರೋನಾ ಬಿಕ್ಕಟ್ಟಿನ ಹಿನ್ನೆಲೆ  ಆರ್ಥಿಕ ಚಟುವಟಿಕೆಗಳು ನಡೆಯದ ಕಾರಣ, ಕೇಂದ್ರ ಸರ್ಕಾರವು ತುಟ್ಟಿಭತ್ಯೆಯನ್ನು (Dearness Allowance) ನಿಲ್ಲಿಸಿದೆ ಎಂಬುದು ಗಮನಾರ್ಹ. ಪ್ರಸ್ತುತ, ಈ ಭತ್ಯೆಯನ್ನು ಶೇಕಡಾ 17 ದರದಲ್ಲಿ ನೀಡಲಾಗುತ್ತಿದೆ ಆದರೆ ಹೆಚ್ಚಳದ ನಂತರ ಅದನ್ನು ಪುನಃ ಶೇಕಡಾ 21 ದರದಲ್ಲಿ ನೀಡಲಾಗುವುದು ಎಂದು ಮೋದಿ ಸರ್ಕಾರ ಸ್ಪಷ್ಟಪಡಿಸಿದೆ.

50 ಲಕ್ಷಕ್ಕೂ ಹೆಚ್ಚು ನೌಕರರ ಮೇಲೆ ಪ್ರಭಾವ
2021 ರ ಜೂನ್ ನಂತರ ಸರ್ಕಾರವು ಡಿಎ ಮೇಲೆ ಪರಿಹಾರ ನೀಡಬಹುದು ಮತ್ತು ಇದು ಸಂಭವಿಸಿದಲ್ಲಿ, ವೇತನ ಮತ್ತು ಪಿಂಚಣಿ ಹೆಚ್ಚಾಗುತ್ತದೆ ಎಂದು ನೌಕರರು ಮತ್ತು ಪಿಂಚಣಿದಾರರು ನಿರೀಕ್ಷಿಸುತ್ತಿದ್ದಾರೆ. ಕೇಂದ್ರ ಸರ್ಕಾರ ಜನವರಿ 1 ಮತ್ತು ಜುಲೈ 1 ರಂದು ಡಿಎ ಹೆಚ್ಚಿಸುತ್ತದೆ. ಈ ವರ್ಷದ ಜನವರಿಯಲ್ಲಿ ಶೇ 4 ರಷ್ಟು ಹೆಚ್ಚಳ ಮಾದಲಾಗುತ್ತು. ಪ್ರಸ್ತುತ, ಇದು ನೇರವಾಗಿ 50 ಲಕ್ಷಕ್ಕೂ ಹೆಚ್ಚು ಉದ್ಯೋಗಿಗಳು ಮತ್ತು 55 ಲಕ್ಷ ಪಿಂಚಣಿದಾರರ ಮೇಲೆ ಪರಿಣಾಮ ಬೀರುತ್ತಿದೆ.

ಇದನ್ನು ಓದಿ-Coronavirus ಸಂಕಷ್ಟದ ನಡುವೆ ಸರ್ಕಾರಿ ನೌಕರರಿಗೊಂದು ಕಹಿ ಸುದ್ದಿ

ಮಾರ್ಚ್ ನಲ್ಲಿ ಶೇ.4 ರಷ್ಟು ಡಿಎ ಹೆಚ್ಚಳ
ಇದಕ್ಕೂ ಮುನ್ನ ಮಾರ್ಚ್‌ನಲ್ಲಿ ಕ್ಯಾಬಿನೆಟ್ ತುಟ್ಟಿಭತ್ಯೆಯನ್ನು  ಶೇಕಡಾ 4 ರಷ್ಟು ಹೆಚ್ಚಿಸಿತ್ತು. ಸಾಮಾನ್ಯವಾಗಿ, ಬೆಲೆ ಹೆಚ್ಚಳಕ್ಕೆ ಸರಿದೂಗಿಸಲು ಸರ್ಕಾರ ವರ್ಷಕ್ಕೆ ಎರಡು ಬಾರಿ ಡಿಎ ಪರಿಷ್ಕರಿಸುತ್ತದೆ.ಇದು ಸರ್ಕಾರದ ಖರ್ಚುಗಳನ್ನು ಕಡಿತಗೊಳಿಸುವ ಮತ್ತೊಂದು ಪ್ರಯತ್ನ. ಈ ಹಿಂದೆ ಸಚಿವರು, ಪ್ರಧಾನಿ, ಅಧ್ಯಕ್ಷರು ಮತ್ತು ಸಂಸತ್ ಸದಸ್ಯರ ವೇತನವನ್ನು 30% ಕಡಿತಗೊಳಿಸುವುದಾಗಿ ಘೋಷಿಸಲಾಗಿದೆ. COVID-19 ರ ವಿರುದ್ಧ ಹೋರಾಡಲು ಹೆಚ್ಚಿನ ಹಣವನ್ನು ಹಂಚಿಕೆ ಮಾಡಲು ಅವರ MPLAD ಯೋಜನೆಯನ್ನು ಸಹ ಎರಡು ವರ್ಷಗಳ ಕಾಲ ಸ್ಥಗಿತಗೊಳಿಸಲಾಗಿದೆ.

ಇದನ್ನು ಓದಿ-7th pay commission: ಈಗ ಹೊಸ ಸೂತ್ರದಡಿ ಸರ್ಕಾರಿ ನೌಕರರ DA ಲೆಕ್ಕಾಚಾರ

ಹೊಸ ವರ್ಷದ ಉಡುಗೊರೆ ನೀಡಿದ ದೆಹಲಿ ಸರ್ಕಾರ
ರಾಷ್ಟ್ರ ರಾಜಧಾನಿ ದೆಹಲಿಯ ಅರವಿಂದ್ ಕೇಜ್ರಿವಾಲ್ ನೇತೃತ್ವದ  ಸರ್ಕಾರ ಈ ವರ್ಷದ ಕೊನೆಯಲ್ಲಿ ಕಾರ್ಮಿಕರಿಗೆ ಉಡುಗೊರೆಯೊಂದನ್ನು ನೀಡಿದೆ. ತನ್ನ ಕೌಶಲ್ಯರಹಿತ, ಅರೆ-ನುರಿತ, ನುರಿತ ಮತ್ತು ಇತರ ವರ್ಗದ ಕಾರ್ಮಿಕರಿಗೆ ತುಟ್ಟಿಭತ್ಯೆಯನ್ನು ಹೆಚ್ಚಿಸಲು ಸರ್ಕಾರ ನಿರ್ಧರಿಸಿದೆ. ಈ ಮಾಹಿತಿಯನ್ನು ದೆಹಲಿಯ ಉಪ  ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಸ್ವತಃ ನೀಡಿದ್ದಾರೆ.