ನಾನು ಪದವಿ ಆಕಾಂಕ್ಷಿಯಲ್ಲ, ಪಕ್ಷಕ್ಕೆ ಯಾವುದೇ ಪೋಸ್ಟ್ ನೀಡುವ/ಹಿಂಪಡೆಯುವ ಹಕ್ಕಿದೆ: ಸಚಿನ್ ಪೈಲಟ್

ನಮ್ಮಲ್ಲಿರುವ ಸಮಸ್ಯೆಗಳು ಸೈದ್ಧಾಂತಿಕವೆಂದು ನಾವು ಮೊದಲಿನಿಂದಲೂ ಹೇಳಿದ್ದೇವೆ. ಇವು ಪಕ್ಷದ ಹಿತಾಸಕ್ತಿಗಾಗಿವೆ - ಸಚಿನ್ ಪೈಲಟ್

ನವದೆಹಲಿ: ರಾಜಸ್ಥಾನದ ಮಾಜಿ ಉಪಮುಖ್ಯಮಂತ್ರಿ ಸಚಿನ್ ಪೈಲಟ್ (Sachin Pilot) ಅವರು ಸೋಮವಾರ ಕಾಂಗ್ರೆಸ್ ಉನ್ನತ ನಾಯಕರನ್ನು ಭೇಟಿಯಾದ ನಂತರ ನಾನು ಯಾವುದೇ ಹುದ್ದೆಯ ಅಥವಾ ಪದವಿಯ ಆಕಾಂಕ್ಷಿಯಲ್ಲ. ಶೀಘ್ರದಲ್ಲೇ ಸಮಸ್ಯೆ ಬಗೆಹರಿಯುವ ಭರವಸೆ ಇದೆ ಎಂದು ಹೇಳಿದ್ದಾರೆ.

ಇದರೊಂದಿಗೆ ಅವರು ಮತ್ತು ಅವರ ಪೋಷಕ ಶಾಸಕರು ಎತ್ತಿದ ವಿಷಯಗಳು ಸೈದ್ಧಾಂತಿಕವಾಗಿದ್ದು, ಇವುಗಳನ್ನು ಕಾಂಗ್ರೆಸ್ ಹೈಕಮಾಂಡ್‌ಗೆ ತಿಳಿಸಲಾಗಿದೆ ಎಂದವರು ತಿಳಿಸಿದರು.

Delhi: Sachin Pilot & other MLAs supporting him held a meeting with Congress leaders Priyanka Gandhi Vadra, Ahmed Patel and KC Venugopal today pic.twitter.com/tdHVNE5VCc

— ANI (@ANI) August 10, 2020

ಕಾಂಗ್ರೆಸ್ ನ ಉನ್ನತ ನಾಯಕರನ್ನು ಭೇಟಿಯಾದ ನಂತರ ಪೈಲಟ್ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, ಸರ್ಕಾರ ಮತ್ತು ಸಂಘಟನೆಯ ಹಲವು ಸಮಸ್ಯೆಗಳಿವೆ, ಆ ವಿಷಯಗಳನ್ನು ನಾವು ಹೈಲೈಟ್ ಮಾಡಲು ಬಯಸಿದ್ದೇವೆ. ನಾವು ಎಲ್ಲದರ ಬಗ್ಗೆ ಹೈಕಮಾಂಡ್‌ಗೆ ಮನದಟ್ಟು ಮಾಡಿಸಿದ್ದೇವೆ ಎಂದರು.

'ನಮ್ಮಲ್ಲಿರುವ ಸಮಸ್ಯೆಗಳು ಸೈದ್ಧಾಂತಿಕವೆಂದು ನಾವು ಮೊದಲಿನಿಂದಲೂ ಹೇಳಿದ್ದೇವೆ. ಇವು ಪಕ್ಷದ ಹಿತಾಸಕ್ತಿಗಾಗಿವೆ ಎಂದು ನಾನು ಭಾವಿಸುತ್ತಿದ್ದೆ ಮತ್ತು ಅವುಗಳನ್ನು ಬೆಳೆಸುವುದು ಬಹಳ ಮುಖ್ಯ. ನಾವು ಈ ಎಲ್ಲ ವಿಷಯಗಳನ್ನು ಹೈಕಮಾಂಡ್ ಮುಂದೆ ಇಟ್ಟಿದ್ದೇವೆ ಎಂದು ಸಚಿನ್ ಪೈಲಟ್ ಹೇಳಿದರು.

ಇಡೀ ಸಂಚಿಕೆಯಲ್ಲಿ ಸಾಕಷ್ಟು ಮಾತುಕತೆ ನಡೆದಿತ್ತು ಮತ್ತು ನನ್ನ ಬಗ್ಗೆಯೂ ಸಾಕಷ್ಟು ಚರ್ಚೆ ಮಾಡಲಾಗಿದೆ. ವೈಯಕ್ತಿಕವಾಗಿ ಅಂತಹ ಕೆಲವು ಸಂಗತಿಗಳು ಸಂಭವಿಸಿದವು, ಅದು ನನಗೆ ಕೆಟ್ಟದ್ದಾಗಿತ್ತು. ಆದರೆ ಮಿತವಾಗಿರಬೇಕು. ವೈಯಕ್ತಿಕ ದುಷ್ಕೃತ್ಯಗಳಿಗೆ ರಾಜಕೀಯದಲ್ಲಿ ಸ್ಥಾನವಿಲ್ಲ.

ನಾವು ಐದು ವರ್ಷಗಳ ಕಾಲ ಕೆಲಸ ಮಾಡಿದ ನಂತರ ಈ ಸರ್ಕಾರವನ್ನು ರಚಿಸಿದ್ದೇವೆ. ಈ ಸರ್ಕಾರದಲ್ಲಿ ಪ್ರತಿಯೊಬ್ಬರ ಭಾಗವಹಿಸುವಿಕೆ ಇದೆ ಎಂದು ಸರ್ಕಾರ ರಚನೆಯಲ್ಲಿ ತಮ್ಮ ಪಾತ್ರದ ಬಗ್ಗೆ ಅವರು ತಿಳಿಸಿದರು.

ಇದೇ ವೇಳೆ ಪಕ್ಷದ ಅಧ್ಯಕ್ಷೆ ಸೋನಿಯಾ ಗಾಂಧಿಯವರು ನಮ್ಮ ಮಾತು ಕೇಳಿದ್ದಕ್ಕೆ ನನಗೆ ಸಂತೋಷವಾಗಿದೆ. ಪಕ್ಷದ ಹಿರಿಯ ಮುಖಂಡರಾದ ರಾಹುಲ್ ಗಾಂಧಿ, ಪ್ರಿಯಾಂಕಾ ಗಾಂಧಿ ವಾದ್ರಾ ಮತ್ತು ನಾವೆಲ್ಲರೂ ವಿವರವಾಗಿ ಚರ್ಚಿಸಿದ್ದೇವೆ. ಶಾಸಕರ ಮಾತುಗಳನ್ನು ಸೂಕ್ತ ವೇದಿಕೆಯಲ್ಲಿ ಇರಿಸಲಾಗಿದೆ. ಮೂರು ಸದಸ್ಯರ ಸಮಿತಿಯನ್ನು ರಚಿಸುವ ಮೂಲಕ ಎಲ್ಲಾ ಸಮಸ್ಯೆಗಳನ್ನು ಬಗೆಹರಿಸಲಾಗುವುದು ಎಂದು ನನಗೆ ಭರವಸೆ ನೀಡಲಾಗಿದೆ ಎಂದವರು ವಿವರಿಸಿದರು.

ಇದೇ ಸಂದರ್ಭದಲ್ಲಿ ತಾನು ಯಾವುದೇ ಹುದ್ದೆಯ ಆಕಾಂಕ್ಷಿಯಲ್ಲ ಎಂಬುದನ್ನು ಸ್ಪಷ್ಟಪಡಿಸಿದ ಪೈಲಟ್ 'ಯಾವುದೇ ಹುದ್ದೆಯನ್ನು ನೀಡುವ ಪಕ್ಷಕ್ಕೆ ಅದನ್ನು ಹಿಂಪಡೆಯುವ ಹಕ್ಕೂ ಇದೆ. ನಾನು ಪೋಸ್ಟ್ ಅನ್ನು ಹೆಚ್ಚು ಹಂಬಲಿಸುವುದಿಲ್ಲ. ಮಾತನಾಡುವ ಗೌರವ ಮತ್ತು ಸ್ವಾಭಿಮಾನವನ್ನು ಕಾಪಾಡಿಕೊಳ್ಳಬೇಕೆಂದು ನಾವು ಬಯಸುತ್ತೇವೆ. ಪಕ್ಷಕ್ಕೆ ಹದಿನೈದು ವರ್ಷಗಳಿಂದ ಮಾಡಿದ ಶ್ರಮವೂ ಪಕ್ಷಕ್ಕೆ ತಿಳಿದಿದೆ ಎಂದರು.

ರಾಜಸ್ಥಾನ ಪ್ರದೇಶ ಕಾಂಗ್ರೆಸ್ ಸಮಿತಿಯ ಮಾಜಿ ಅಧ್ಯಕ್ಷರು ನಾನು ಒಂದೂವರೆ ವರ್ಷಗಳ ಕಾಲ ಸರ್ಕಾರದಲ್ಲಿ ಕೆಲಸ ಮಾಡಿದ ನಂತರ, ಅದನ್ನು ಕಾಂಗ್ರೆಸ್ ಹೈಕಮಾಂಡ್‌ಗೆ ಕೊಂಡೊಯ್ಯಬೇಕು ಎಂಬುದು ನನ್ನ ಅನುಭವ. ಇಲ್ಲಿ ಎಲ್ಲದಕ್ಕೂ ಪರಿಹಾರ ಸಿಗುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದವರು ತಿಳಿಸಿದರು.

ಇದೇ ವೇಳೆ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಅವರ ದಾಳಿಯ ಬಗ್ಗೆ ಕೇಳಲಾದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು ನಾವು ಅವಹೇಳನಕಾರಿ ಭಾಷೆಯನ್ನು ಎಂದಿಗೂ ಬಳಸಲಿ ಎಂದು ಹೇಳಿದರು.

ನಮ್ಮ ಹೊಣೆಗಾರಿಕೆಯು ನಾವು ಭರವಸೆಗಳನ್ನು ಹೇಗೆ ಪೂರೈಸುತ್ತೇವೆ. ಪಕ್ಷ ನೀಡಿದ ಭರವಸೆಗಳನ್ನು ಹೇಗೆ ಈಡೇರಿಸಬೇಕು ಎಂಬುದಾಗಿದೆ. ಶೀಘ್ರದಲ್ಲೇ ಸಮಸ್ಯೆ ಬಗೆಹರಿಯಲಿದೆ ಎಂದು ನಾನು ಭಾವಿಸುತ್ತೇನೆ ಎಂದವರು ವಿಶ್ವಾಸ ವ್ಯಕ್ತಪಡಿಸಿದರು.

ಏತನ್ಮಧ್ಯೆ ಪಕ್ಷದ ಹಿರಿಯ ಮುಖಂಡ ಕೆ.ಸಿ.ವೇಣುಗೋಪಾಲ್ ಅವರು ಪೈಲಟ್ ಅವರ ಭೇಟಿಯ ನಂತರ ಕಾಂಗ್ರೆಸ್ ಪರಸ್ಪರ ಗೌರವದಿಂದ ಒಗ್ಗಟ್ಟಿನಿಂದ ಮುಂದುವರಿಯಲಿದೆ ಎಂದು ಹೇಳಿದರು.