ಕೇಶುಭಾಯಿ ಪಟೇಲ್ ಗೆ ಮೋದಿ ಶೃದ್ಧಾಂಜಲಿ: ಪಟೇಲ್ ನಿವಾಸಕ್ಕೆ ತೆರಳಿ ನಮನ ಸಲ್ಲಿಸಿದ ಪ್ರಧಾನಿ

Photo Courtesy: Twitter

ಗಾಂಧಿನಗರ : ಪ್ರಧಾನ ಮಂತ್ರಿ ನರೇಂದ್ರ ಮೋದಿ (Narendra Modi) ಇಂದಿನಿಂದ ಎರಡು ದಿನಗಳ ಗುಜರಾತ್ ಪ್ರವಾಸದಲ್ಲಿದ್ದಾರೆ. ಶುಕ್ರವಾರ ಬೆಳಿಗ್ಗೆ ಗಾಂಧಿನಗರ ತಲುಪಿದ ಮೋದಿ, ಗುಜರಾತ್ ನ ಮಾಜಿ ಮುಖ್ಯಮಂತ್ರಿ (Ex CM of Gujrath) ಕೇಶುಭಾಯಿ ಪಟೇಲ್ (Keshu Bhai Patel) ಅವರಿಗೆ ಶೃದ್ಧಾಂಜಲಿ ಸಲ್ಲಿಸಿದರು.

ಮೊದಲು ಕೇಶುಭಾಯಿ ಪಟೇಲ್ ಅವರ ನಿವಾಸಕ್ಕೆ ಭೇಟಿ  ನೀಡಿದ ನರೇಂದ್ರ ಮೋದಿ , ಪಟೇಲ್ ಅವರಿಗೆ ನಮನ ಸಲ್ಲಿಸಿದರು. ನಿನ್ನೆ ಪಟೇಲ್ ಅವರ ನಿಧನದ ಸುದ್ದಿ ತಿಳಿಯುತ್ತಿದ್ದಂತೆ ಮೋದಿ ಭಾವುಕಾರಾಗಿದ್ದು ವಿಡಿಯೋ ಟ್ವೀಟ್ ಮಾಡಿದ್ದರು. 

In Gandhinagar, went to the residence of late Shri Keshubhai Patel and paid tributes to him. pic.twitter.com/BVFL2w0moc

— Narendra Modi (@narendramodi) October 30, 2020

92ನೇ ವಯಸ್ಸಿನಲ್ಲಿ ಕೊನೆಯುಸಿರೆಳೆದ ಪಟೇಲ್:

ಉಸಿರಾಟದ ತೊಂದರೆ ಉಲ್ಬಣಗೊಂಡು ಕೇಶುಭಾಯಿ  ಪಟೇಲ್ ನಿನ್ನೆ ನಿಧನ ಹೊಂದಿದ್ದರು.  ಕೆಲ ದಿನಗಳ ಹಿಂದೆ ಕೇಶುಬಾಯಿ ಪಟೇಲ್ ಅವರಿಗೆ ಕರೋನಾ ಬಾಧಿಸಿತ್ತಾದರೂ, ಅದರಿಂದ ಪಟೇಲ್ ಸಂಪೂರ್ಣ ಗುಣಮುಖ ಹೊಂದಿದ್ದರು.

ನರೇಂದ್ರ ಮೋದಿ ಗುಜರಾತ್ ಮುಖ್ಯಮಂತ್ರಿಯಾಗುವುದಕ್ಕೆ ಮೊದಲು ಕೇಶುಭಾಯಿ ಪಟೇಲ್ ಈ ಜವಾಬ್ದಾರಿ ನಿಭಾಯಿಸಿದ್ದರು. ಗುಜರಾತ್ ರಾಜಕೀಯದಲ್ಲಿ ಕೇಶುಭಾಯಿ ಪಟೇಲ್ ಪ್ರಮುಖ ಪಾತ್ರ ವಹಿಸಿದ್ದರು. ಎರಡು ಬಾರಿ ಗುಜರಾತ್ ನಲ್ಲಿ ಮುಖ್ಯಮಂತ್ರಿ ಸ್ಥಾನವನ್ನು ಅಲಂಕರಿಸಿದ್ದರು. 2001ರಲ್ಲಿ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಬೇಕಾಯಿತು.