Cabinet Reshuffle: ಮತ್ತೆ ಸಚಿವರಿಗೆ ಖಾತೆ ಮರು ಹಂಚಿಕೆ ಮಾಡಿದ ಸಿಎಂ ಬಿಎಸ್ ವೈ!

ಬೆಂಗಳೂರು: ರಾಜ್ಯ ರಾಜಕೀಯದಲ್ಲಿ ಬದಲಾವಣೆಯ ಬಿರುಗಾಳಿ ಎಬ್ಬಿಸಿದ್ದ ಖಾತೆ ಅದಲು-ಬದಲು ಆಟ ಕೊನೆಗೂ ಅಂತ್ಯ ಕಂಡಿದ್ದು, ಮೂವರು ಸಚಿವರಿಗೆ ಮುಖ್ಯಮಂತ್ರಿ ಯಡಿಯೂರಪ್ಪನವ್ರು ಖಾತೆ ಮರು ಹಂಚಿಕೆ ಮಾಡಿದ್ದಾರೆ.

ಅದ್ರಂತೆ, ಸಚಿವ ಆನಂದ್‌ ಸಿಂಗ್‌ ಅವ್ರಿಗೆ ಹಜ್‌ ಮತ್ತು ವಕ್‌ ಖಾತೆಯ ಜವಾಬ್ದಾರಿ ನೀಡಲಾಗಿದ್ದು, ಸಚಿವ ಮಾಧು ಸ್ವಾಮಿಯವ್ರಿಗೆ ಪ್ರವಾಸೋದ್ಯಮ ಮತ್ತು ಪರಿಸರ ಖಾತೆ ನೀಡಿದ್ದಾರೆ. ಇನ್ನು ಉಳಿದಂತೆ ಡಾ.ಕೆ ಸುಧಾಕರ್(K Sudhakar)‌ ಅವ್ರಿಗೆ ಮೊದಲಿನಂತೆ ಆರೋಗ್ಯ ಮತ್ತು ವೈದ್ಯಕೀಯ ಶಿಕ್ಷಣ ಖಾತೆಗಳನ್ನ ನೋಡಿದ್ದಾರೆ. ಈ ಮೂಲಕ ಸಚಿವ ಸುಧಾಕರ್‌ ಬಯಸಿದಂತೆ ಎರಡು ಖಾತೆ ಪಡೆದಿದ್ದಾರೆ.

ಇನ್ನು ಈ ಖಾತೆಗಳ ಮರು ಹಂಚಿಕೆಯಿಂದ ಸಹಜವಾಗಿಯೇ ಅಸಮಾಧಾನಗೊಂಡಿರುವ ಸಚಿವ ಆನಂದ್‌ ಸಿಂಗ್‌ ಮತ್ತು ಮಾಧು ಸ್ವಾಮಿಯವ್ರು ರಾಜೀನಾಮೆ ನೀಡಲು ಚಿಂತನೆ ನಡೆಸಿದ್ದಾರೆ ಎನ್ನಲಾಗ್ತಿದೆ.