ಶೀಘ್ರವೇ ಕಾಂಗ್ರೆಸ್ ಬಜೆಟ್ ಮಂಡನೆ: ಯಾವೆಲ್ಲಾ ವಸ್ತುಗಳ ಬೆಲೆ ಏರಿಕೆ ಸಾಧ್ಯತೆ?

Karnataka Budget 2023: ಕಾಂಗ್ರೆಸ್ ಪಂಚ ಗ್ಯಾರೆಂಟಿ ಅನುಷ್ಠಾನಕ್ಕೆ ಸುಮಾರು ₹50,000 ರಿಂದ ₹60,000 ಕೋಟಿ ಅಗತ್ಯ ಇದೆ ಎಂದು ಹಣಕಾಸು ಇಲಾಖೆ ವರದಿ ನೀಡಿದೆ. ಹಣಕಾಸಿನ ಕ್ರೋಢೀಕರಣಕ್ಕೆ ಕೆಲ ವಸ್ತುಗಳ ಬೆಲೆ ಏರಿಕೆ ಆದರೆ ಮಾತ್ರ ಗ್ಯಾರಂಟಿಗಳ ಅನುಷ್ಠಾನಕ್ಕೆ ಸಾಧ್ಯವಾಗಲಿದೆ ಎಂದು ಹೇಳಲಾಗುತ್ತಿದೆ

Karnataka Budget 2023

ಬೆಂಗಳೂರು: ಕಾಂಗ್ರೆಸ್ ನೇತೃತ್ವದ ಸರ್ಕಾರ ಜುಲೈ 7ಕ್ಕೆ ಬಜೆಟ್ ಮಂಡನೆ ಮಾಡಲಿದ್ದು, ಮುಖ್ಯಮಂತ್ರಿ ಸಿದ್ದರಾಮಯ್ಯ ತಮ್ಮ 14ನೇ ಆಯವ್ಯಯ ಮಂಡನೆಯಲ್ಲಿ ಕೆಲ ವಸ್ತುಗಳ ಬೆಲೆ ಏರಿಕೆ ಮಾಡಲಿದ್ದಾರೆ ಎಂದು ಅಂದಾಜು ಮಾಡಲಾಗುತ್ತಿದೆ.

ಇದನ್ನೂ ಓದಿ: ಹೊಸಮನಿ ಸಿದ್ದಪ್ಪ ಕ್ರೀಡಾಂಗಣದಲ್ಲಿ ಯೋಗ ದಿನಾಚರಣೆ

ಕಾಂಗ್ರೆಸ್ ಪಂಚ ಗ್ಯಾರೆಂಟಿ ಅನುಷ್ಠಾನಕ್ಕೆ ಸುಮಾರು ₹50,000 ರಿಂದ ₹60,000 ಕೋಟಿ ಅಗತ್ಯ ಇದೆ ಎಂದು ಹಣಕಾಸು ಇಲಾಖೆ ವರದಿ ನೀಡಿದೆ. ಹಣಕಾಸಿನ ಕ್ರೋಢೀಕರಣಕ್ಕೆ ಕೆಲ ವಸ್ತುಗಳ ಬೆಲೆ ಏರಿಕೆ ಆದರೆ ಮಾತ್ರ ಗ್ಯಾರಂಟಿಗಳ ಅನುಷ್ಠಾನಕ್ಕೆ ಸಾಧ್ಯವಾಗಲಿದೆ ಎಂದು ಹೇಳಲಾಗುತ್ತಿದೆ.

ಪೆಟ್ರೋಲ್ -ಡೀಸಲ್ ಸೆಸ್ ಹೆಚ್ಚಳ :

ಉಕ್ರೇನ್ -ರಷ್ಯಾ ರಾಷ್ಟ್ರಗಳ ನಡುವೆ ಯುದ್ಧ ಹಿನ್ನಲೆ ಪೆಟ್ರೋಲ್ ಬೆಲೆ ಏರಿಕೆ ಆಗಿತ್ತು, ಹೀಗಾಗಿ ಅಂದಿನ ಬಿಜೆಪಿ ಸರ್ಕಾರ ಪೆಟ್ರೋಲ್ 35% ಸೆಸ್ ನನ್ನು  25.9% ಇಳಿಕೆ ಮಾಡಲಾಗಿತ್ತು. ಜೊತೆಗೆ ಡೀಸಲ್ ಮೇಲೆ ಇದ್ದ ಸುಂಕ 24% ಇಂದ 14.34% ಗೆ ಇಳಿಕೆ ಮಾಡಲಾಗಿತ್ತು. ಈಗ ಇವೆರಡರ ಮೇಲೆ ಇರುವ ಸುಂಕ ಅಥವಾ ಪೆಟ್ರೋಲ್-ಡೀಸಲ್ ಮೇಲೆ ನಿಗದಿತ ಶುಲ್ಕ ಹೆಚ್ಚಳ ಮಾಡುವ ಸಾಧ್ಯತೆ ಇದೇ ಎಂದು ಮೂಲಗಳು ತಿಳಿಸಿವೆ.

ನೋಂದಣಿ ಮತ್ತು ಮುದ್ರಾಂಕ ಶುಲ್ಕ ಹೆಚ್ಚಳ :

ರಾಜ್ಯದಲ್ಲಿ 2018ರ ಬಳಿಕ ಮಾರ್ಗಸೂಚಿ ದರ ಪರಿಷ್ಕರಣೆಯಾಗಿಲ್ಲ. ಹೀಗಾಗಿ, ಸದ್ಯದಲ್ಲೇ ಪರಿಷ್ಕರಣೆ ಮಾಡಲಾಗುವುದು ಎಂದು ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಹೇಳಿದ್ದಾರೆ, ಜೊತೆಗೆ ಮಾರ್ಗಸೂಚಿ ದರ ಪರಿಷ್ಕರಣೆ ಆಗಲಿದೆ. ಒಟ್ಟಾರೆ 10-15% ದರ ಹೆಚ್ಚಳ ಆಗಲಿದೆ ಎಂದು ಮೂಲಗಳು ತಿಳಿಸಿವೆ.

ಅಬಕಾರಿ: ಎಣ್ಣೆ ದುಬಾರಿ!

ಈಗಾಗಲೇ ಅಬಕಾರಿ ಇಲಾಖೆ ಬಿಯರ್ ಮೇಲೆ 17% ಸುಂಕ ಹೆಚ್ಚಳ ಪ್ರಸ್ತಾವನೆ ಇಟ್ಟಿದ್ದು, IMFL ಮೇಲೆ 20% ಹಾಗೂ ವಿದೇಶಿ ಮದ್ಯ ಮೇಲೆ 25% ಹೆಚ್ಚಳ ಮಾಡಲು ಸಲಹೆ ನೀಡಿದ್ದಾರೆ. ಈ ಮೂಲಕ ವಾರ್ಷಿಕವಾಗಿ ₹40,000 ಕೋಟಿ ಸಂಗ್ರಹ ಮಾಡಬಹುದು ಎಂದು ಅಂದಾಜಿಸಿದ್ದಾರೆ.

ವಿದ್ಯುತ್ ಶಾಕ್: ಕರೆಂಟ್ ಬಿಲ್ ಹೆಚ್ಚಳ

ಈಗಾಗಲೇ  ರಾಜ್ಯ ವಿದ್ಯುತ್ ನಿಯಂತ್ರಣ ಆಯೋಗವು (ಕೆಇಆರ್ ಸಿ) ವಿದ್ಯುತ್ ಬಳಕೆ ಶುಲ್ಕವನ್ನು ಪ್ರತಿ ಯೂನಿಟ್ ಗೆ 70 ಪೈಸೆಯಂತೆ ಹೆಚ್ಚಳ ಮಾಡಿ ಆದೇಶ ಹೊರಡಿಸಿದೆ. ಇದಕ್ಕೆ ರಾಜ್ಯದಲ್ಲಿ ಆಕ್ರೋಶ ವ್ಯಕ್ತವಾಗುತ್ತಿದೆ.

ಇದನ್ನೂ ಓದಿ: ಅಕ್ಕಿ ವಿತರಣೆಯಲ್ಲಿ ರಾಜಕೀಯ ಬೇಡ: ಕೇಂದ್ರ ಗೃಹ ಸಚಿವರಿಗೆ ಸಿಎಂ ಸಿದ್ದರಾಮಯ್ಯ ಮನವಿ

ಒಟ್ಟಾರೆ ಈ ಬಾರಿಯ ಬಜೆಟ್ ಕೆಲ ಬೆಲೆ ಏರಿಕೆ ಜೊತೆ ಬರಲಿದೆ, ಜನಸಾಮಾನ್ಯರು ಇದನ್ನ ಯಾವ ರೀತಿ ಸ್ವೀಕಾರ ಮಾಡಲಿದ್ದಾರೆ? ಪಂಚ ಗ್ಯಾರೆಂಟಿ ಅನುಷ್ಠಾನಕ್ಕೆ ಇದು ಸರಿ ಎನ್ನುತ್ತಾರ? ಅಥವಾ ಬೆಲೆ ಏರಿಕೆ ಜೊತೆ ಗಾಯದ ಮೇಲೆ ಬರೆ ಎಂದು ಕಿಡಿಕಾರುತ್ತಾರ ಕಾದು ನೋಡಬೇಕು.