ಪೆಟ್ರೋಲ್ ಮತ್ತು ಡೀಸೆಲ್ ದರ ಏರಿಕೆ: ಪಕೀರನನ್ನು ಪ್ರಶ್ನೆ ಕೇಳಬೇಡಿ ಎಂದ ರಾಹುಲ್ ಗಾಂಧಿ

ಪಕೀರನನ್ನು ಪ್ರಶ್ನೆ ಕೇಳಬೇಡಿ, ಕ್ಯಾಮೆರಾದಲ್ಲಿ ಹಂಚಿಕೊಂಡ ಜ್ಞಾನ, ಸುಳ್ಳಿನ ಮೂಟೆ ಹೊತ್ತು ಭಾರತ ದೇಶದ ಲೂಟಿ ಮಾಡಿದರು ಎಂದು ಪ್ರಧಾನಿ ಮೋದಿಯನ್ನು ಟೀಕಿಸಿದ್ದಾರೆ.

ಪ್ರಧಾನಿ ಮೋದಿ ವಿರುದ್ಧ ರಾಹುಲ್ ಗಾಂಧಿ ಗುಡುಗು

ನವದೆಹಲಿ: ಕಳೆದೊಂದು ವಾರದಿಂದ ಪೆಟ್ರೋಲ್ ಮತ್ತು ಡೀಸೆಲ್ ದರ(Petrol And Diesel Price)ದಲ್ಲಿ ಸತತ ಏರಿಕೆಯಾಗುತ್ತಿರುವ ಹಿನ್ನಲೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಪ್ರಧಾನಿ ಮೋದಿ(PM Modi) ನೇತೃತ್ವದ ಕೇಂದ್ರ ಸರ್ಕಾರದ ವಿರುದ್ಧ ಗುರುವಾರ ವಾಗ್ದಾಳಿ ನಡೆಸಿದ್ದಾರೆ.

ಭಾರತೀಯ ರೂಪಾಯಿಗಳಲ್ಲಿ ವಿವಿಧ ದೇಶಗಳಲ್ಲಿ ಪೆಟ್ರೋಲ್ ದರವು ಎಷ್ಟಿದೆ(Fuel Price Hike) ಎಂಬುದರ ಮಾಹಿತಿ ಹಂಚಿಕೊಂಡಿರುವ ಅವರು, ಬಿಜೆಪಿ ಸರ್ಕಾರದ ವಿರುದ್ಧ ಕಿಡಿಕಾರಿದ್ದಾರೆ. ಅಫ್ಘಾನಿಸ್ತಾನದಲ್ಲಿ 66.99, ಪಾಕಿಸ್ತಾನದಲ್ಲಿ 62.38, ಶ್ರೀಲಂಕಾದಲ್ಲಿ 72.96, ಬಾಂಗ್ಲಾದೇಶದಲ್ಲಿ 78.53, ಭೂತಾನ್‍ನಲ್ಲಿ 86.28 ಮತ್ತು ನೇಪಾಳದಲ್ಲಿ ಪೆಟ್ರೋಲ್ ದರ 97.05 ರೂ. ಇದೆ. ಆದರೆ ಭಾರತದಲ್ಲಿ 101.81 ರೂ. ಇದೆ’ ಎಂದು ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: ‘ಜನರು ತಿರಸ್ಕರಿಸುವ ಭಯವನ್ನು ಮತಯಂತ್ರದ ಮೇಲೆ ಹಾಕುವುದೇಕೆ?’

#MehangaiMuktBharat ಹ್ಯಾಶ್ ಟ್ಯಾಗ್ ಬಳಸಿರುವ ರಾಹುಲ್ ಗಾಂಧಿ(Rahul Gandhi), ‘ಪಕೀರನನ್ನು ಪ್ರಶ್ನೆ ಕೇಳಬೇಡಿ, ಕ್ಯಾಮೆರಾದಲ್ಲಿ ಹಂಚಿಕೊಂಡ ಜ್ಞಾನ, ಸುಳ್ಳಿನ ಮೂಟೆ ಹೊತ್ತು ಭಾರತ ದೇಶದ ಲೂಟಿ ಮಾಡಿದರು’ ಎಂದು ಪ್ರಧಾನಿ ಮೋದಿ(PM Modi)ಯನ್ನು ಟೀಕಿಸಿದ್ದಾರೆ.

ಭಾರತೀಯ ರೂಪಾಯಿಗಳಲ್ಲಿ ಪೆಟ್ರೋಲ್ ದರ (₹)

ಅಫ್ಘಾನಿಸ್ತಾನ: 66.99
ಪಾಕಿಸ್ತಾನ: 62.38
ಶ್ರೀಲಂಕಾ: 72.96
ಬಾಂಗ್ಲಾದೇಶ: 78.53
ಭೂತಾನ್: 86.28
ನೇಪಾಳ: 97.05
ಭಾರತ: 101.81

ಪಕೀರನನ್ನು ಪ್ರಶ್ನೆ ಕೇಳಬೇಡಿ, ಕ್ಯಾಮೆರಾದಲ್ಲಿ ಹಂಚಿಕೊಂಡ ಜ್ಞಾನ, ಸುಳ್ಳಿನ ಮೂಟೆ ಹೊತ್ತು ಭಾರತ ದೇಶದ ಲೂಟಿ ಮಾಡಿದರು.#MehangaiMuktBharat https://t.co/yFa6LdbE24 pic.twitter.com/WqfTd0bL1M

— Karnataka Congress (@INCKarnataka) March 31, 2022

ಬೆಲೆ ಏರಿಕೆ ವಿರುದ್ಧ ದೇಶವ್ಯಾಪಿ ಪ್ರತಿಭಟನೆ

ರಾಹುಲ್ ಗಾಂಧಿ(Rahul Gandhi)ಯವರ ನೇತೃತ್ವದಲ್ಲಿ ವಿಪಕ್ಷ ಕಾಂಗ್ರೆಸ್ ಬೀದಿಗಿಳಿದು ಪ್ರತಿಭಟನೆ ನಡೆಸಿದೆ. ದೆಹಲಿಯ ಸಂಸತ್ ಸಮೀಪದ ವಿಜಯ್ ಚೌಕದಲ್ಲಿ ಲೋಕಸಭೆ ಮತ್ತು ರಾಜ್ಯಸಭೆಯ ಕಾಂಗ್ರೆಸ್ ಸಂಸದರು ಪ್ರತಿಭಟನೆ ನಡೆಸಿದ್ದು, ಪೆಟ್ರೋಲ್ ಮತ್ತು ಡೀಸೆಲ್ ಹಾಗೂ ಅಡುಗೆ ಅನಿಲದ ಬೆಲೆ ಏರಿಕೆ ವಿರುದ್ಧ ದೇಶವ್ಯಾಪಿ ಪ್ರತಿಭಟನೆಗೆ ಚಾಲನೆ ನೀಡಿದ್ದಾರೆ. ಕರ್ನಾಟಕದಲ್ಲಿಯೂ ವಿಪಕ್ಷ ನಾಯಕ ಸಿದ್ದರಾಮಯ್ಯ ಮತ್ತು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್(DK Shivakumar) ನೇತೃತ್ವದಲ್ಲಿ ಕಾಂಗ್ರೆಸ್ ಬೆಲೆ ಏರಿಕೆ ಖಂಡಿಸಿ ಪ್ರತಿಭಟನೆ ನಡೆಸಿದೆ.

ಇದನ್ನೂ ಓದಿ: "ಚಪ್ಪಲಿ ಏಟು ತಿನ್ನಬಹುದು.. ಆದರೆ ದುಡ್ಡೇಟು ತಿನ್ನಲಿಕ್ಕೆ ಆಗಲ್ಲ"