ಬಿಜೆಪಿ ವಿಷಪೂರಿತ ಹಾವು, ಜನರು ಎಚ್ಚರಿಕೆಯಿಂದ ಇರಬೇಕು; ಮತ್ತೆ ಕೆಂಡಕಾರಿದ ಉದಯನಿಧಿ

Udhayanidhi Stalin on Bjp : ಸನಾತನ ಧರ್ಮವನ್ನು ನಿರ್ಮೂಲನೆ ಮಾಡಬೇಕು ಎನ್ನುವ ಕುರಿತು ತಮಿಳುನಾಡು ಸಚಿವ ಉದಯನಿಧಿ ಸ್ಟಾಲಿನ್ ಹೇಳಿಕೆ ನೀಡಿದ್ದರು. ಇದರ ಬೆನ್ನಲೇ ಬಿಜೆಪಿ ವಿರುದ್ಧ ಮತ್ತೊಂದು ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.

Udhayanidhi Stalin : ಸನಾತನ ಧರ್ಮದ ಬಗ್ಗೆ ಬಾಯಿಗೆ ಬಂದಂತೆ ಹೇಳಿ ನೀಡಿ ದೇಶದಾದ್ಯಂತ ಸಂಚಲನ ಮೂಡಿಸಿ, ಜನರ ಆಕ್ರೋಶಕ್ಕೆ ಕಾರಣವಾದ ತಮಿಳುನಾಡು ಕ್ರೀಡಾ ಮತ್ತು ಯುವಜನ ವ್ಯವಹಾರಗಳ ಸಚಿವ ಉದಯನಿಧಿ ಸ್ಟಾಲಿನ್ ಮತ್ತೆ ತಮ್ಮ ಕಾರ್ಯ ಮುಂದುವರೆಸಿದ್ದಾರೆ. 

ಸದ್ಯ ಇವರ ಹೇಳಿಕೆಗಳು ಭಾರೀ ಗದ್ದಲಕ್ಕೆ ಕಾರಣವಾಗಿದ್ದವು. ಇದರ ಬೆನ್ನಲ್ಲೇ ಮತ್ತೆ ಬಿಜೆಪಿಯನ್ನು 'ವಿಷಪೂರಿತ ಹಾವು' ಎಂದು ಕರೆದು, ತಮಿಳುನಾಡಿನಲ್ಲಿ ಬಿಜೆಪಿಗೆ ಅಡಗಿಕೊಳ್ಳಲು ಜಾಗ ಕೊಡುವ ಎಐಎಡಿಎಂಕೆ ಕೂಡಾ ವ್ಯರ್ಥ...ಎರಡು ಪಕ್ಷಗಳಿಗೆ ಜಾಗ ಕೊಡಬೇಡಿ ಎಂದು ರಾಜ್ಯದ ಜನತೆಗೆ ಕರೆ ನೀಡಿದ್ದಾರೆ. 

ಇದನ್ನೂ ಓದಿ-11-09-2023: ಸಿಂಹ ರಾಶಿಯವರಿಗೆ ಇಂದು ಸೂರ್ಯ ನಮಸ್ಕಾರದಿಂದ ಲಾಭ

ತಮಿಳುನಾಡಿನಲ್ಲಿ ಭಾನುವಾರ ನಡೆದ ನೇವೇಲಿಯಲ್ಲಿ ಡಿಎಂಕೆ ಶಾಸಕ ಸಭಾ ರಾಜೇಂದ್ರನ್ ಅವರ ವಿವಾಹ ಸಮಾರಂಭದಲ್ಲಿ ಭಾಗವಹಿಸಿದ ಅವರು ತಮ್ಮ ಅಭಿಪ್ರಾಯವನ್ನು ಹೊರಹಾಕಿದ್ದಾರೆ. ಪ್ರತಿಪಕ್ಷವಾದ ಎಐಎಡಿಎಂಕೆ ವಿರುದ್ಧ ಉದಯನಿಧಿ ವ್ಯಂಗ್ಯವಾಡಿ ಅದು 'ಹಾವುಗಳಿಗೆ ಆಶ್ರಯ ನೀಡುವ ತಾಣ' ಎಂದಿದ್ದಾರೆ. 

ನಿಮ್ಮ ಮನೆಗೆ ವಿಷದ ಹಾವು ಬಂದಾಗ ನೀವು ಅದನ್ನು ಹೊರಹಾಕಿದರೇ ಸಾಲದೂ ಅದು ಅಡಗಿಕೊಳ್ಳಲು ಸಹಾಯ ಮಾಡುವ ಮನೆಸುತ್ತಲಿನ ಪೊದೆಗಳನ್ನು ತೆಗೆದುಹಾಕಬೇಕು ಇಲ್ಲವಾದರೇ ಹಾವು ಮನೆಗೆ ಮರಳಿ ಬರುತ್ತಲೇ ಇರುತ್ತದೆ ಎಂದು ಉದಯನಿಧಿ ಸ್ಟಾಲಿನ್ ಹೇಳಿದ್ದಾರೆ.