Shocking..!! ಶೂಟಿಂಗ್‌ ವೇಳೆ ನಟಿಗೆ ಲೈಂಗಿಕ ಕಿರುಕುಳ, ಖ್ಯಾತ ಯುವ ನಟ ಅರೆಸ್ಟ್, 14 ದಿನಗಳ ನ್ಯಾಯಾಂಗ ಬಂಧನ

Prasad Behara : ಖ್ಯಾತ ಯುವ ನಟ, ಯೂಟ್ಯೂಬರ್‌ ಪ್ರಸಾದ್ ಬೆಹರಾ ಅವರ ಬಂಧನವು ಸಂಚಲನ ಮೂಡಿಸಿದೆ. ಅಸಭ್ಯ ವರ್ತನೆ ಮತ್ತು ತನ್ನ ವೆಬ್ ಸೀರಿಸ್ ನಲ್ಲಿ ಅವಕಾಶ ನೀಡುವುದಾಗಿ ಭರವಸೆ ನೀಡಿ ಯುವತಿಯ ಮೇಲೆ ಲೈಂಗಿಕ ಕಿರುಕುಳ ನೀಡಿರುವ ಪ್ರಕರಣದಲ್ಲಿ ಅವರನ್ನು ಬಂಧಿಸಲಾಗಿದೆ.. ಈ ಕುರಿತು ಹೆಚ್ಚಿನ ಮಾಹಿತಿ ಇಲ್ಲಿದೆ..

Prasad Behara arrest : ವೆಬ್ ಸರಣಿಯಲ್ಲಿ ಅವಕಾಶ ನೀಡುವುದಾಗಿ ಹೇಳಿ ತನ್ನ ಗೆಳತಿಗೆ ಕರೆ ಮಾಡಿ ಲೈಂಗಿಕ ಕಿರುಕುಳ ನೀಡಿದ ಆರೋಪದ ಮೇಲೆ ಪ್ರಸಾದ್‌ ಬೆಹರಾನನ್ನು ಬಂಧಿಸಲಾಗಿದೆ. ಯುವತಿಗೆ ಕಿರುಕುಳ ನೀಡಿದ ಪ್ರಕರಣದಲ್ಲಿ ಯೂಟ್ಯೂಬ್ ಸ್ಟಾರ್ ಪ್ರಸಾದ್ ಬೆಹರಾ ಅವರನ್ನು ಹೈದರಾಬಾದ್ ಪೊಲೀಸರು ಬಂಧಿಸಿ ರಿಮಾಂಡ್ ಮಾಡಿದ್ದಾರೆ. ಈ ಸುದ್ದಿ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಹೈದರಾಬಾದ್ ನಲ್ಲಿ ನೆಲೆಸಿರುವ ಪ್ರಸಾದ್ ಬೆಹರಾಗೆ 11ನೇ ವಯಸ್ಸಿನಿಂದಲೂ ಯುವತಿಯ ಪರಿಚಯವಿದೆ. ಪೆಲ್ಲಿವಾರಮಂಡಿ ಸರಣಿಯ ಚಿತ್ರೀಕರಣದ ವೇಳೆ ಪ್ರಸಾದ್ ಈಕೆಯನ್ನು ಅನುಚಿತವಾಗಿ ಸ್ಪರ್ಶಿಸಿದ್ದರಂತೆ. ಇದೇ ಕಾರಣದಿಂದ ಅವರು ವೆಬ್ ಸರಣಿಯಿಂದ ಹಿಂದೆ ಸರಿದಿದ್ದರು. ಈಕೆಯ ನಿರ್ಧಾರದಿಂದ ಆಘಾತಕ್ಕೊಳಗಾದ ಪ್ರಸಾದ್ ತಕ್ಷಣವೇ ಅನೇಕ ಬಾರಿ ಕ್ಷಮೆಯಾಚಿಸಿದ್ದ. ಒಂದು ವರ್ಷದ ನಂತರ, ಪ್ರಸಾದ್ ಮತ್ತೆ ಅದೇ ಯುವತಿಯೊಂದಿದೆ "ಮೆಕ್ಯಾನಿಕ್" ಎಂಬ ವೆಬ್ ಸರಣಿಯನ್ನು ಮಾಡಿದರು.

ಇದನ್ನೂ ಓದಿ:ಈಗಿನ ಯುವತಿಯರು ಕಲಿಯಬೇಕಿದೆ ʼಲಕ್ಷ್ಮಿʼ ಉಡುಗೆ-ತೊಡುಗೆಯ ಕಲೆ..! ಸೀರೆ ನೀರೆಯ ಸೌಂದರ್ಯದ ಪ್ರತಿಬಿಂಬ..

ಇಲ್ಲಿಯೂ ಪ್ರಸಾದ್ ಕಿರುಕುಳ ನೀಡಿದ್ದಾನೆ ಎಂದು ಸಂತ್ರಸ್ತೆ ದೂರಿದ್ದಾಳೆ. ಅಸಭ್ಯ ಸ್ಪರ್ಶ ಮತ್ತು ಚಿತ್ರೀಕರಣ ಸ್ಥಳದಲ್ಲಿ ವಿಚಿತ್ರವಾಗಿ ವರ್ತಿಸಿದ್ದಾನೆ. ಮೇಲಾಗಿ ಅಶ್ಲೀಲ ಕಾಮೆಂಟ್ ಮಾಡಿ ಕಿರುಕುಳ ನೀಡಿದ್ದಾನೆ. ಅಷ್ಟೇ ಅಲ್ಲದೆ, ಇದೇ ತಿಂಗಳ 11ರಂದು ಶೂಟಿಂಗ್ ವೇಳೆ ಹಲ್ಲೆ ಮಾಡಿದ್ದ. ‘ಯಾಕೆ ಹೊಡೆದಿದ್ದೀರಿ’ ಅಂತ ಕೇಳಿದರೆ ಸರಿಯಾದ ಉತ್ತರ ನೀಡಲಿಲ್ಲ ಎಂದು ದೂರಿನಲ್ಲಿ ಸಂತ್ರಸ್ತೆ ಆರೋಪಿಸಿದ್ದಾಳೆ.

ಚಿತ್ರೀಕರಣದ ಸಮಯದಲ್ಲಿ, ಪ್ರಸಾದ್‌ ಸ್ಕ್ರಿಪ್ಟ್‌ನಲ್ಲಿ ಇಲ್ಲದ ಕೆಟ್ಟ ಡೈಲಾಗ್‌ಗಳನ್ನು ಹೇಳಿದ್ದಾನಂತೆ. ಮುಖಕ್ಕೆ ಲೇಸರ್ ಚಿಕಿತ್ಸೆ ಮಾಡಿಸಿಕೊಳ್ಳುವಂತೆ ಅವಮಾನಿಸಿದ್ದಾನಂತೆ. ಇದರಿಂದ ಮನನೊಂದ ಯುವತಿ ಜುಬಿಲಿ ಹಿಲ್ಸ್ ಪೊಲೀಸರಿಗೆ ದೂರು ನೀಡಿದ್ದಾಳೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಪ್ರಸಾದ್ ಬೆಹರಾನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದಸ್ದರು.. ಇದೀಗ 14 ದಿನಗಳ ಬಂಧನಕ್ಕೆ ಕಳುಹಿಸಲಾಗಿದೆ.