ವಿಜಯ್ - ತ್ರಿಷಾ ಪ್ರೇಮ ಪ್ರಕರಣ..! 15 ವರ್ಷಗಳ ನಂತರ ಮತ್ತೇ ಒಂದಾದ ಜೋಡಿ

Trisha and Vijay love : ತಮಿಳು ಚಿತ್ರರಂಗದ ಟಾಪ್ ಸ್ಟಾರ್ ವಿಜಯ್ ಮತ್ತು ನಾಯಕಿ ನಟಿ ತ್ರಿಷಾ ಅವರ ಸುತ್ತ ಸಾಕಷ್ಟು ಗಾಸಿಪ್‌ಗಳು ಸುತ್ತುವರೆದಿವೆ. ಇವರಿಬ್ಬರ ಬಗ್ಗೆ ರೂಮರ್ಸ್‌ ಶುರುವಾಗಿದ್ದು 2005ರ ಗಿಲ್ಲಿ ಸಿನಿಮಾದಲ್ಲಿ. ನಂತರ 2008 ರಲ್ಲಿ ಕುರುವಿಯಲ್ಲಿ ಒಟ್ಟಿಗೆ ನಟಿಸಿದಾಗ, ಇಬ್ಬರ ಸಂಬಂಧದ ಕುರಿತು ಗುಸುಗುಸು ಮಾತು ಶುರುವಾಗಿದ್ದವು. ಕೆಲವು ಸಂದರ್ಶನಗಳಲ್ಲಿ ವಿಜಯ್ ಜೊತೆಗಿನ ಸಂಬಂಧದ ಬಗ್ಗೆ ಸ್ವತಃ ತ್ರಿಷಾ ಅವರೇ ಬಹಿರಂಗವಾಗಿ ಹೇಳಿದ್ದರು.  ತಾವಿಬ್ಬರೂ ಒಳ್ಳೆಯ ಸ್ನೇಹಿತರು ಎಂದು ಉತ್ತರಿಸಿದರು.

ಆದರೆ ಕೆಲವರು ತ್ರಿಷಾ ಜೊತೆಗಿನ ಸಂಬಂಧದಿಂದಾಗಿ ವಿಜಯ್ ಮನೆಯಲ್ಲಿ ಕೌಟುಂಬಿಕ ಕಲಹದ ಕಥೆಗಳನ್ನು ಹಬ್ಬಿಸಿದ್ದಾರೆ. ಆ ನಂತರ ಇಬ್ಬರೂ ಒಟ್ಟಿಗೆ ನಟಿಸಿರಲಿಲ್ಲ. ಸುಮಾರು 15 ವರ್ಷಗಳ ನಂತರ ತ್ರಿಷಾ ಮತ್ತು ವಿಜಯ್ ಜೊತೆಯಾಗಿ ನಟಿಸುತ್ತಿರುವ ಲಿಯೋ ಸಿನಿಮಾ ಇದೀಗ ಲೋಕೇಶ್ ಕನಕರಾಜ್ ನಿರ್ದೇಶನದಲ್ಲಿ ನಿರ್ಮಾಣವಾಗುತ್ತಿದೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಪ್ರಮುಖ ದೃಶ್ಯಗಳನ್ನು ಚಿತ್ರೀಕರಿಸಲಾಗಿದೆ. ಮೈಶ್ಕಿನ್ ತನ್ನ ಸಂಪೂರ್ಣ ದೃಶ್ಯವನ್ನು ಪೂರ್ಣಗೊಳಿಸಿದ್ದಾರೆ. ಈಗ ಗೌತಮ್ ವಾಸುದೇವ್ ಮೆನನ್ ಮತ್ತು ಇತರರು ನಟಿಸಿರುವ ದೃಶ್ಯಗಳ ಚಿತ್ರೀಕರಣ ನಡೆಯುತ್ತಿದೆ. ತ್ರಿಷಾ ಕೂಡ ನಟಿಸುತ್ತಿದ್ದಾರೆ.

And thank you for having us on board😊 https://t.co/xySq6Guau0

— Trish (@trishtrashers) February 26, 2023

ಇದನ್ನೂ ಓದಿ: Jaya Bachchan - Aishwarya Rai : ಅತ್ತೆ ಜಯಾ ಬಚ್ಚನ್ - ಸೊಸೆ ಐಶ್ವರ್ಯಾ ರೈ ಸಂಬಂಧ ಹೇಗಿದೆ ಗೊತ್ತಾ?

ಕಾಶ್ಮೀರದ ಪರಿಸ್ಥಿತಿಗೆ ತಕ್ಕಂತೆ ಹೊಡೆದಾಟದ ದೃಶ್ಯಗಳಷ್ಟೇ ಅಲ್ಲದೆ ಹಾಡುಗಳನ್ನೂ ಚಿತ್ರೀಕರಿಸಲಾಗಿದೆ ಎಂದು ವರದಿಯಾಗಿದೆ. ವಿಜಯ್ ಮತ್ತು ತ್ರಿಶಾ ಜೊತೆಗೆ ಸಂಜಯ್ ದತ್, ಮ್ಯಾಥ್ಯೂ ಥಾಮಸ್ ಮತ್ತು ಸ್ಯಾಂಡಿ ಕೂಡ ನಟಿಸುತ್ತಿದ್ದಾರೆ. ತ್ರಿಶಾ ಈಗಾಗಲೇ ಲಿಯೋ ಶೂಟಿಂಗ್ ಫೋಟೋವನ್ನು ತಮ್ಮ ಸಾಮಾಜಿಕ ಮಾಧ್ಯಮ ಪುಟದಲ್ಲಿ ಹಂಚಿಕೊಂಡಿದ್ದಾರೆ. ಲಿಯೋ ಚಿತ್ರದ ಮೂಲಕ ಮತ್ತೆ ವಿಜಯ್ ಜೊತೆ ಕೈಜೋಡಿಸಿರುವುದು ಖುಷಿ ತಂದಿದೆ ಎಂದಿದ್ದಾರೆ. ಇನ್ನು ನೆಟ್ಟಿಗರು ಇಬ್ಬರ ಸಂಬಂಧದ ಕುರಿತು ಮತ್ತೇ ಚರ್ಚೆ ಪ್ರಾರಂಭ ಮಾಡಿದ್ದು, ಇದಕ್ಕೆ ಈ ಸ್ಟಾರ್‌ ಜೋಡಿ ಯಾವ ಉತ್ತರ ನೀಡುತ್ತೇ ಅಂತ ಕಾಯ್ದು ನೋಡ್ಬೇಕಿದೆ.