MS Dhoni-Sakshi Singh: ಜಗತ್ತಿನಲ್ಲಿ ಪ್ರೀತಿಯ ಮಾತುಕತೆ ನಡೆದಾಗಲೆಲ್ಲಾ, ಮೊದಲನೆಯದಾಗಿ ನೆನಪಾಗೋದು ಹೀರ್-ರಂಜಾ, ಲೈಲಾ-ಮಜ್ನು, ರೋಮಿಯೋ ಜೂಲಿಯೆಟ್ ಹೀಗೆ ಅನೇಕರು. ಅವರಂತಹ ಅದೆಷ್ಟೋ ಪ್ರೇಮ ಕಥೆಗಳು ಜಗತ್ತಿನಲ್ಲಿ ಉಸಿರಾಡುತ್ತಿವೆ. ಇನ್ನು ಕ್ರಿಕೆಟ್ ಲೋಕದಲ್ಲಿ ಕೂಡ ಅಂತಹದ್ದೇ ಒಂದು ಮುದ್ದಾದ ಲವ್ ಸ್ಟೋರಿ ಇದೆ. ಈ ಪ್ರೇಮಕಥೆ ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್ ಕೂಲ್ ಮಹೇಂದ್ರ ಸಿಂಗ್ ಧೋನಿ ಮತ್ತು ಸಾಕ್ಷಿ ಸಿಂಗ್ ಧೋನಿ ಅವರಿಗೆ ಸಂಬಂಧಿಸಿದ್ದಾಗಿದೆ.
ಕ್ರಿಕೆಟ್ ಲೋಕದಲ್ಲಿ ಒಂದು ಮುದ್ದಾದ ಲವ್ ಸ್ಟೋರಿ ಇದೆ. ಈ ಪ್ರೇಮಕಥೆ ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್ ಕೂಲ್ ಮಹೇಂದ್ರ ಸಿಂಗ್ ಧೋನಿ ಮತ್ತು ಸಾಕ್ಷಿ ಸಿಂಗ್ ಧೋನಿ ಅವರಿಗೆ ಸಂಬಂಧಿಸಿದ್ದಾಗಿದೆ
ಮಹೇಂದ್ರ ಸಿಂಗ್ ಧೋನಿ ಸಾಕ್ಷಿ ಸಿಂಗ್ ಅವರನ್ನು 2010 ರಲ್ಲಿ ವಿವಾಹವಾದರು. ಆದರೆ ಇದಕ್ಕೂ ಮುನ್ನ ಎಂಎಸ್ ಧೋನಿ ಟೀಮ್ ಇಂಡಿಯಾ ಪರ ಆಡುತ್ತಿದ್ದಾಗ ಸಾಕ್ಷಿ ಇಂಟರ್ನ್‌ಶಿಪ್ ಮಾಡುತ್ತಿದ್ದ ಅದೇ ಹೋಟೆಲ್‌ನಲ್ಲಿ ಉಳಿದುಕೊಳ್ಳಲು ನಿರ್ಧರಿಸಿದ್ದರು. ಈ ಸಮಯದಲ್ಲಿ ಇಬ್ಬರೂ ಭೇಟಿಯಾದರು.
ಆ ಮೊದಲ ಭೇಟಿಯಲ್ಲಿಯೇ ಸಾಕ್ಷಿ ಮೇಲೆ ಪ್ರೀತಿ ಹುಟ್ಟಿತ್ತಂತೆ ಕ್ಯಾಪ್ಟನ್ ಕೂಲ್’ಗೆ. ಆ ಬಳಿಕ ಕೊಂಚ ಸಮಯ ಡೇಟಿಂಗ್ ಮಾಡಿದ್ದ ಜೋಡಿ ಜುಲೈ 4, 2010 ರಂದು ಹಸೆಮಣೆ ಏರಿದರು. ಮದುವೆಯ ಬಳಿಕ ಮಹೇಂದ್ರ ಸಿಂಗ್ ಧೋನಿ ಅವರ ವೃತ್ತಿಜೀವನದಲ್ಲಿ ಅನೇಕ ಯಶಸ್ಸುಗಳು ಬಂದವು. ಅಷ್ಟೇ ಅಲ್ಲದೆ, ಧೋನಿ 2011 ರಲ್ಲಿ ವಿಶ್ವಕಪ್ ಕೂಡ ಗೆದ್ದರು.
ಧೋನಿಯನ್ನು ವಿಶ್ವದ ಅತ್ಯುತ್ತಮ ಫಿನಿಶರ್ಗಳಲ್ಲಿ ಒಬ್ಬರು ಎಂದು ಕರೆಯಲಾಗುತ್ತದೆ. ಧೋನಿ ಅನೇಕ ಸೋತ ಪಂದ್ಯಗಳನ್ನು ಗೆಲ್ಲಿಸಿಕೊಟ್ಟಿದ್ದಾರೆ. ಇದಷ್ಟೇ ಅಲ್ಲ, ಧೋನಿಯನ್ನು ಭಾರತದ ಅತ್ಯಂತ ಯಶಸ್ವಿ ನಾಯಕರಲ್ಲಿ ಒಬ್ಬರು ಎಂದು ಹೇಳಲಾಗುತ್ತದೆ.
ಧೋನಿ ಅವರು ತಮ್ಮ ನಾಯಕತ್ವದಲ್ಲಿ 110 ಏಕದಿನ ಪಂದ್ಯಗಳು, 27 ಟೆಸ್ಟ್ ಮತ್ತು 41 ಟಿ 20 ಪಂದ್ಯಗಳನ್ನು ಗೆದ್ದು ಕೊಟ್ಟಿದ್ದಾರೆ. ಡೆತ್ ಓವರ್‌ಗಳಲ್ಲಿ ವೇಗವಾಗಿ ರನ್ ಗಳಿಸಲು ಹೆಸರುವಾಸಿಯಾಗಿದ್ದರು ಧೋನಿ.
