ಮುಂಬೈ: ಅರ್ಜುನ್ ಪಟಿಯಾಲ ಚಿತ್ರದಲ್ಲಿ ನಟಿಸಿದ್ದ ದೆಹಲಿ ಮೂಲದ ವ್ಯಕ್ತಿಯ ಪೋನ್ ನಂಬರ್ ನ್ನು ಆಕಸ್ಮಿಕವಾಗಿ ಬಹಿರಂಗಪಡಿಸಿದ ಬಾಲಿವುಡ್ ನಟಿ ಸನ್ನಿ ಲಿಯೋನ್ ಯಿಂದಾಗಿ ಈಗ 27 ರ ಹರೆಯದ ಯುವಕನು ಭಾರಿ ಫಜೀತಿಗೆ ಒಳಗಾಗಿರುವ ಘಟನೆ ನಡೆದಿದೆ.
ಈಗ ಇದಕ್ಕೆ ಸ್ವತಃ ಸನ್ನಿ ಲಿಯೋನ್ ಅವರು ಕ್ಷಮೆಯಾಚಿಸಿದ್ದಾರೆ. ಜೂಮ್ ಟಿವಿಗೆ ನೀಡಿದ ಸಂದರ್ಶನದಲ್ಲಿ ಸನ್ನಿ, “ಕ್ಷಮಿಸಿ, ಅದು ನಿಮಗೆ ಆಗಬೇಕೆಂದು ನಾನು ಭಾವಿಸಿರಲಿಲ್ಲ ಎಂದು ಹೇಳಿದ್ದಾರೆ.ಸಿನಿಮಾದ ದೃಶ್ಯವೊಂದರಲ್ಲಿ ಸನ್ನಿ ಲಿಯೋನ್ ಫೋನ್ ನಂಬರ್ ತನ್ನದೇ ಎಂದು ಬಹಿರಂಗಪಡಿಸಿದ್ದಾರೆ. ಇದರಿಂದಾಗಿ ಚಿತ್ರ ಬಿಡುಗಡೆಯಾದಾಗಿನಿಂದಲೂ ಈ ನಂಬರ್ ಗೆ ಅಸಂಖ್ಯಾತ ಕರೆಗಳು ಬರುತ್ತಿವೆ.
ಈಗ ಚಿತ್ರದಲ್ಲಿ ಸೋರಿಕೆಯಾಗಿರುವ ನಂಬರ್ ಪಿತಾಂಪುರದ ನಿವಾಸಿ ಪುನೀತ್ ಅಗರವಾಲ್ ಎಂದು ಹೇಳಲಾಗಿದೆ. ನಂಬರ್ ಸೋರಿಕೆಯಾದ ನಂತರ ಸನ್ನಿ ಅಭಿಮಾನಿಗಳಿಂದ ನಿರಂತರವಾಗಿ ಕರೆ ಬರುತ್ತಿವೆ ಎಂದು ಆತ ತನ್ನ ಅಳಲನ್ನು ತೋಡಿಕೊಂಡಿದ್ದಾನೆ. ಕೊನೆಗೆ ಇದರ ತಡೆಗೆ ಪೊಲೀಸರಿಗೆ ದೂರು ನೀಡಿದ್ದಾನೆ ಎನ್ನಲಾಗಿದೆ. ಈ ನಂಬರ್ ಗೆ ಕರೆ ಮಾಡಿದ ಬಹುತೇಕರು ಸನ್ನಿ ಲಿಯೋನ್ ಳೊಂದಿಗೆ ಮಾತನಾಡಲು ಬಯಸಿದ್ದರು ಎನ್ನಲಾಗಿದೆ. ಈ ನಂಬರ್ ತನಗೆ ಸೇರಿದ್ದು ಎಂದು ಆತ ಹೇಳಿದಾಗ ಅವನಿಗೆ ನಿಂದನೆಗಳ ಸುರಿಮಳೆಗೈಯಲಾಗಿದೆ
"ಜುಲೈ 26 ರಂದು, ಚಲನಚಿತ್ರ ಬಿಡುಗಡೆಯಾದ ನಂತರ, ನನಗೆ ಸನ್ನಿ ಲಿಯೋನ್ ಅವರೊಂದಿಗೆ ಮಾತನಾಡಲು ಅವಕಾಶ ನೀಡುವಂತೆ ಅಪರಿಚಿತ ಜನರಿಂದ ಕರೆಗಳು ಬರಲಾರಂಭಿಸಿದವು. ಆರಂಭದಲ್ಲಿ, ಯಾರಾದರೂ ನನ್ನ ಮೇಲೆ ತಮಾಷೆ ಆಡುತ್ತಿದ್ದಾರೆಂದು ನಾನು ಭಾವಿಸಿದ್ದೆ, ಆದರೆ ಸ್ವಲ್ಪ ಸಮಯದ ನಂತರ, ನಾನು ತಿಳಿದುಕೊಂಡೆ ಚಲನಚಿತ್ರದ ನಿರ್ಮಾಪಕರು ನನ್ನ ಸಂಖ್ಯೆಯನ್ನು ಬಳಸಿದ್ದಾರೆ ಮತ್ತು ಚಲನಚಿತ್ರದಲ್ಲಿನ ಸನ್ನಿ ಲಿಯೋನ್ ಪಾತ್ರವು ನನ್ನ ಸಂಖ್ಯೆಯನ್ನು ಸೂಚಿಸುತ್ತದೆ "ಎಂದು ಪುನೀತ್ ಐಎಎನ್ಎಸ್ ಗೆ ತಿಳಿಸಿದರು.
"ನಾನು ಅನೇಕ ಕರೆ ಮಾಡುವವರಿಂದ ಕಿರುಕುಳಕ್ಕೊಳಗಾಗುತ್ತಿದ್ದೇನೆ, ಜನರು ನನ್ನನ್ನು ನಿಂದಿಸುತ್ತಿದ್ದಾರೆ ಮತ್ತು ಕೊಳಕು ಸಹಾಯ ಮಾಡುವಂತೆ ಕೇಳುತ್ತಿದ್ದಾರೆ. ಪೊಲೀಸ್ ದೂರು ದಾಖಲಿಸಿದ್ದೇನೆ ಆದರೂ ಇದುವರೆಗೂ ಪೊಲೀಸರು ನನಗೆ ಭರವಸೆ ನೀಡಿದ ನಂತರವೂ ಯಾವುದೇ ಕ್ರಮ ಕೈಗೊಂಡಿಲ್ಲ" ಎಂದು ತಮ್ಮ ಅಳಲು ತೋಡಿಕೊಂಡರು.
