ಧನತ್ರಯೋದಶಿ ದಿನ ಈ ವಸ್ತುಗಳನ್ನು ಅಪ್ಪಿತಪ್ಪಿಯೂ ಖರೀದಿಸಬೇಡಿ; ಬಡತನ ಹುಡಿಕಿಕೊಂಡು ಬರುತ್ತೆ ಹುಷಾರ್!

1 /7

ಧನತ್ರಯೋದಶಿ ದಿನಂದು ಖರೀದಿಸಿದ ವಸ್ತುಗಳು ಮೌಲ್ಯವು ಹದಿಮೂರು ಪಟ್ಟು ಹೆಚ್ಚಾಗುತ್ತದೆ. ಅಂದು ಖರೀದಿಸಿದ ವಸ್ತುಗಳಿಂದ ನಿಮ್ಮ ಜೀವನದಲ್ಲಿ ಸುಖ-ಸಂಪತ್ತು ಮತ್ತು ಸಮೃದ್ಧಿಯನ್ನು ತರುತ್ತದೆ ಎಂದು ನಂಬಲಾಗಿದೆ. ಆದರೆ ಈ ನಿರ್ದಿಷ್ಟ ಸಂದರ್ಭದಲ್ಲಿ ಕೆಲವು ವಸ್ತುಗಳನ್ನು ಖರೀದಿಸುವುದು ಶುಭವಲ್ಲ. ಧನತ್ರಯೋದಶಿಯಂದು ಕೆಲವು ವಸ್ತುಗಳನ್ನು ಖರೀದಿಸುವುದನ್ನು ತಪ್ಪಿಸಬೇಕು. ಇಲ್ಲದಿದ್ದರೆ ದುರಾದೃಷ್ಟವು ನಿಮ್ಮನ್ನು ಹುಡುಕಿಕೊಂಡು ಬರುತ್ತದೆ. ಹಾಗಾದ್ರೆ ಧನ ತ್ರಯೋದಶಿಯಂದು ಯಾವ ವಸ್ತುಗಳನ್ನು ಖರೀದಿಸಬಾರದು ಎಂದು ತಿಳಿಯಿರಿ.

2 /7

ಕಬ್ಬಿಣವು ಶನಿಯೊಂದಿಗೆ ಸಂಬಂಧಿಸಿದೆ. ಮಂಗಳಕರ ದಿನವೆಂದು ಪರಿಗಣಿಸಲಾದ ಧನತ್ರಯೋದಶಿಯ ದಿನ ಕಬ್ಬಿಣವನ್ನು ಖರೀದಿಸಬಾರದು. ಈ ದಿನ ಪಾತ್ರೆಗಳನ್ನು ಖರೀದಿಸುವಾಗ ಕಬ್ಬಿಣದಿಂದ ಮಾಡಿದ ವಸ್ತುಗಳನ್ನು ಖರೀದಿಸಬಾರದು. ಸ್ಟೀಲ್ ಅಥವಾ ಅಲ್ಯೂಮಿನಿಯಂ ಪಾತ್ರೆಗಳನ್ನು ಖರೀದಿಸಬೇಡಿ. ಇವುಗಳ ಬದಲಿಗೆ ಮಣ್ಣಿನ ಪಾತ್ರೆಗಳನ್ನು ಖರೀದಿಸಿ ಮನೆಗೆ ತರುವುದು ಶುಭಕರ.

3 /7

ಕಪ್ಪು ಬಣ್ಣ ಮಂಗಳಕರವಲ್ಲ. ಹೀಗಾಗಿ ಧನತ್ರಯೋದಶಿಯ ಶುಭ ದಿನದಂದು ಕಪ್ಪು ಬಣ್ಣದ ಚೀಲಗಳು, ಬಟ್ಟೆಗಳು, ಶೂಗಳು, ಕಪ್ಪು ಕಂಬಳಿ ಮುಂತಾದವುಗಳನ್ನು ಖರೀದಿಸುವುದು ಶುಭವಲ್ಲ. ಇದಲ್ಲದೆ ಚರ್ಮ ಮತ್ತು ಪ್ರಾಣಿಗಳ ಚರ್ಮದ ಉತ್ಪನ್ನಗಳನ್ನು ಖರೀದಿಸಬಾರದು.

4 /7

ಅನೇಕ ಜನರು ತಮ್ಮ ಮನೆ ಅಲಂಕರಿಸಲು ಗಾಜಿನ ವಸ್ತುಗಳನ್ನು ಬಳಸುತ್ತಾರೆ. ಧನ ತ್ರಯೋದಶಿಯಂದು ಗಾಜಿನ ವಸ್ತುಗಳನ್ನು ಖರೀದಿಸಬಾರದು. ಈ ದಿನ ಗಾಜಿನ ಪಾತ್ರೆಗಳು ಅಥವಾ ಗಾಜಿನ ಆಭರಣಗಳನ್ನು ಖರೀದಿಸಬಾರದು. ಇವು ನಕಾರಾತ್ಮಕ ಶಕ್ತಿಯನ್ನು ಮನೆಗೆ ತರುತ್ತವೆ. ಹೀಗಾಗಿಯೇ ಇವುಗಳನ್ನು ದೂರ ಇಡಬೇಕು. ಈ ವಸ್ತುಗಳನ್ನು ಧನತ್ರಯೋದಶಿ ಹೊರತುಪಡಿಸಿ ಇತರ ದಿನಗಳಲ್ಲಿ ಖರೀದಿಸಬಹುದು.

5 /7

ಧನತ್ರಯೋದಶಿಯಂದು ಚಾಕು, ಕತ್ತರಿ, ಸೂಜಿ, ಕತ್ತರಿ ಮುಂತಾದ ಹರಿತವಾದ ವಸ್ತುಗಳನ್ನು ಖರೀದಿಸಬಾರದು. ಇವು ಹಾನಿಕಾರಕ ಸಂಕೇತಗಳೆಂದು ಪರಿಗಣಿಸಲಾಗಿದೆ. ಹೀಗಾಗಿ ಧನತ್ರಯೋದಶಿ ದಿನ ಇವುಗಳನ್ನು ಮನೆಗೆ ಯಾವುದೇ ಕಾರಣಕ್ಕೂ ತರಬೇಡಿ.

6 /7

ಇತ್ತೀಚಿನ ದಿನಗಳಲ್ಲಿ ಜನರು ಚಿನ್ನಾಭರಣಗಳಿಗಿಂತ ಕೃತಕ ಆಭರಣ ಧರಿಸಲು ಹೆಚ್ಚು ಆಸಕ್ತಿ ವಹಿಸುತ್ತಾರೆ. ಕಡಿಮೆ ಬೆಲೆಯಲ್ಲಿ ವಿವಿಧ ಮಾದರಿಗಳ ಆಭರಣ ಸಿಗುತ್ತವೆ ಎಂದು ಖರೀದಿಸುತ್ತಾರೆ. ಆದ್ದರಿಂದ ಇವುಗಳನ್ನು ಹೆಚ್ಚು ಖರೀದಿಸಲಾಗುತ್ತದೆ. ಧನತ್ರಯೋದಶಿಯಂದು ಚಿನ್ನ ಮತ್ತು ಬೆಳ್ಳಿಯ ಆಭರಣಗಳನ್ನು ಖರೀದಿಸುವುದು ಶುಭ. ಆದರೆ ಈ ದಿನ ಕೃತಕ ಆಭರಣಗಳನ್ನು ಯಾವುದೇ ಕಾರಣಕ್ಕೂ ಖರೀದಿಸಬಾರದು.

7 /7

ಧನತ್ರಯೋದಶಿಯಂದು ಪ್ಲಾಸ್ಟಿಕ್ ವಸ್ತುಗಳನ್ನು ಖರೀದಿಸುವುದು ಶುಭವಲ್ಲ. ಇದು ನಕಾರಾತ್ಮಕ ಶಕ್ತಿಯನ್ನು ತರುತ್ತದೆ. ಹೀಗಾಗಿ ಇವುಗಳನ್ನು ಯಾವುದೇ ಕಾರಣಕ್ಕೂ ಖರೀದಿಸಬೇಡಿ.