'ಪುಷ್ಪ-2' ಸಿನಿಮಾದ ರನ್‌ಟೈಮ್ ಎಷ್ಟು ಗಂಟೆಗಳು ಗೊತ್ತೆ..? ಬುತ್ತಿಗಂಟು ಕಟ್ಕೊಂಡು ಹೋಗಿ ಕುಳಿತುಬಿಡಿ..

Pushpa 2 updates : ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಮತ್ತು ಸುಕುಮಾರ್ ಕಾಂಬಿನೇಷನ್‌ನ ಇತ್ತೀಚಿನ ಚಿತ್ರ ಪುಷ್ಪ 2. ಪುಷ್ಪ 2 2021 ರಲ್ಲಿ ಬಿಡುಗಡೆಯಾದ 'ಪುಷ್ಪ ದಿ ರೈಸ್' ನ ಮುಂದುವರಿದ ಭಾಗ. ಪ್ರಪಂಚದಾದ್ಯಂತದ ಲಕ್ಷಾಂತರ ವೀಕ್ಷಕರು ಈ ಸಿನಿಮಾ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ. ಈಗಾಗಲೇ ಈ ಬಿಡುಗಡೆಯಾಗಿರುವ ಚಿತ್ರದ ಗ್ಲಿಂಪ್ಸ್, ಪೋಸ್ಟರ್, ಟೀಸರ್ ರೀಕ್ಷೆಗಳು ಹೆಚ್ಚಿಸಿವೆ.. ಇದರ ನಡುವೆ ಬಿಗ್‌ಅಪ್‌ಡೇಟ್‌ ಒಂದು ಹೊರಬಿದ್ದಿದೆ..

Allu arjun Pushpa 2 : ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ನಟನೆಯ ಬಹುನಿರೀಕ್ಷಿತ ಚಿತ್ರ ಪುಷ್ಪ 2. ಸಧ್ಯ ಈ ಚಿತ್ರಕ್ಕಾಗಿವಿಶ್ವದಾದ್ಯಂತ ಲಕ್ಷಾಂತರ ವೀಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ. ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸುತ್ತಿದ್ದು, ಈಗಾಗಲೇ ಈ ಸಿನಿಮಾದಿಂದ ಬಿಡುಗಡೆಯಾಗಿರುವ ಗ್ಲಿಂಪ್ಸ್, ಪೋಸ್ಟರ್, ಟೀಸರ್ ಗಳಿಂದ ನಿರೀಕ್ಷೆಗಳು ಹೆಚ್ಚಾಗ್ತಿದೆ.

ಹೌದು.. ಈ ಸಿನಿಮಾ ಅಭಿಮಾನಿಗಳ ಕುತೂಹಲ ಹೆಚ್ಚಿಸುತ್ತಿದೆ. ಚಿತ್ರದ ದಿನಕ್ಕೊಂದು ಹೊಸ ಅಪ್‌ಡೇಟ್ ಅಭಿಮಾನಿಗಳ ಉತ್ಸಾಹವನ್ನು ಹೆಚ್ಚಿಸುತ್ತಿದೆ. ಇತ್ತೀಚೆಗೆ ಟಾಲಿವುಡ್‌ನ ಯಂಗ್ ಹೀರೋಯಿನ್ ಶ್ರೀಲೀಲಾ ಅಲ್ಲು ಅರ್ಜುನ್ ಜೊತೆ ಐಟಂ ಸಾಂಗ್ ನಲ್ಲಿ ಹೆಜ್ಜೆ ಹಾಕಿದ್ದು ಸಿನಿಮಾದ ಸ್ಪೆಷಲ್ ಅಟ್ರ್ಯಾಕ್ಷನ್‌ ಆಗಿದೆ.

ಇದನ್ನೂ ಓದಿ:ಚಳಿಯಿಂದ ನಡುಗುತ್ತ ಬೀದಿ ಬದಿ ಮಲಗಿದ್ದ ವೃದ್ಧರಿಗೆ ನಟಿಯ ಆಸರೆ..! ಸೌಂದರ್ಯವಿದ್ದರೆ ಸಾಲದು ನಿಮ್ಮಂತೆ ಒಳ್ಳೆಯ ಗುಣ ಇರ್ಬೇಕು ಎಂದ ಫ್ಯಾನ್ಸ್‌

ಚಿತ್ರ ನಿರ್ಮಾಪಕರು ನವೆಂಬರ್ 17 ರಂದು ಪಾಟ್ನಾದಲ್ಲಿ ಗ್ರ್ಯಾಂಡ್ ಟ್ರೈಲರ್ ಬಿಡುಗಡೆ ಕಾರ್ಯಕ್ರಮವನ್ನು ನಡೆಸುವ ನಿರೀಕ್ಷೆಯಿದೆ. ಟ್ರೇಲರ್ ನಂತರ ಐಟಂ ಸಾಂಗ್‌ನ ಲಿರಿಕಲ್ ವಿಡಿಯೋವನ್ನು ಬಿಡುಗಡೆ ಮಾಡಿ ಚಿತ್ರದ ಮೇಲಿನ ನಿರೀಕ್ಷೆ ಹೆಚ್ಚಿಸಲು ಚಿತ್ರ ನಿರ್ಮಾಪಕರು ಯೋಜಿಸುತ್ತಿದ್ದಾರೆಂದು ಎಂದು ಹೇಳಲಾಗುತ್ತಿದೆ... ಇತ್ತೀಚೆಗಷ್ಟೇ ಪುಷ್ಪಾ ಚಿತ್ರದ ರನ್ ಟೈಮ್‌ಗೆ ಸಂಬಂಧಿಸಿದ ಸುದ್ದಿಯೊಂದು ನೆಟ್‌ನಲ್ಲಿ ಹರಿದಾಡುತ್ತಿದೆ.

ಪುಷ್ಪ 2 ಚಿತ್ರೀಕರಣ ಬಹುತೇಕ ಮುಗಿದಿದೆ. ಈ ಸಮಯದಲ್ಲಿ, ಅಲ್ಲು ಅರ್ಜುನ್ ಪುಷ್ಪ 2 ರ ರನ್ ಟೈಮ್ ಬಗ್ಗೆ ಒಂದು ಕ್ರೇಜಿ ಸುದ್ದಿ ಇದೆ. ಇಲ್ಲಿಯವರೆಗೆ ಎಡಿಟಿಂಗ್ ಸಮಯ ಸುಮಾರು 3 ಗಂಟೆ 15 ನಿಮಿಷಕ್ಕೆ ಬಂದಿದೆ. ಜೊತೆಗೆ ಎರಡು ಹಾಡುಗಳು ಮತ್ತು ಕೆಲವು ಪ್ಯಾಚ್ ವರ್ಕ್‌ಗಳನ್ನು ಸೇರಿಸಬೇಕಾಗಿದೆ. ಇದನ್ನು ಕೂಡ ಸೇರಿಸಿದರೆ, 3 ಗಂಟೆ 40 ನಿಮಿಷಗಳವರೆಗೆ ತಲುಪಬಹುದು. 

ಇದನ್ನೂ ಓದಿ:ಸಮಂತಾ ಮಾಜಿ ಪತಿ ನಾಗಚೈತನ್ಯ ಬಾಳಲ್ಲಿ ಮತ್ತೇ ಬಿರುಗಾಳಿ! ಶೋಭಿತಾ ಜೊತೆ ಎರಡನೇ ಮದುವೆ ನಡೆಯೋದೆ ಡೌಟ್?!‌

ಎಡಿಟಿಂಗ್ ನಲ್ಲಿ ಎಷ್ಟೇ ಕಟ್ ಮಾಡಿದರೂ 3 ಗಂಟೆ ಜಾಸ್ತಿಯಾದರೆ ಅದನ್ನು ಪ್ರೇಕ್ಷಕರು ಹೇಗೆ ಸ್ವೀಕರಿಸುತ್ತಾರೆ ಎಂಬುದನ್ನು ಕಾಯ್ದು ನೋಡಬೇಕಿದೆ.. ಪುಷ್ಪ 1 ಸುಮಾರು ಮೂರು ಗಂಟೆಗಳ ಅವಧಿಯೊಂದಿಗೆ ಬಂದು ದೊಡ್ಡ ಯಶಸ್ಸನ್ನು ಪಡೆದಿತ್ತು.. ಪುಷ್ಪ 2 ಕೂಡ ಪ್ರೇಕ್ಷಕರನ್ನು ರಂಜಿಸಲಿದೆ ಎಂಬುದು ಚಿತ್ರತಂಡದ ನಂಬಿಕೆ.