ಈ ಎಲೆಯ ರಸವನ್ನು ಹೊಟ್ಟೆಯ ಭಾಗಕ್ಕೆ ಹಚ್ಚಿ !ಪುಟ್ಟ ಮಕ್ಕಳನ್ನು ಕಾಡುವ ಜಂತು ಹುಳ, ಹೊಟ್ಟೆನೋವಿನ ಸಮಸ್ಯೆಗೆ ಇದುವೇ ಪರಿಹಾರ

1 /10

ಪುಟ್ಟ ಮಕ್ಕಳು ಕೈಗೆ ಸಿಕ್ಕ ಸಿಕ್ಕ ವಸ್ತುಗಳನ್ನು ಬಾಯಿಗೆ ಹಾಕಿಕೊಳ್ಳುತ್ತಾರೆ. ಜತೆಗೆ ಚಾಕಲೇಟು ಸಿಹಿ ತಿನಿಸುಗಳ ಮೋಹ ಬೇರೆ ಜಾಸ್ತಿ. ಇದರಿಂದ ಹುಳುವಿನ ಬಾಧೆ ಮಕ್ಕಳನ್ನು ಕಾಡುತ್ತಲೇ ಇರುತ್ತದೆ. 

2 /10

ಹೊಟ್ಟೆಯಲ್ಲಿ ಜಂತು ಹುಳ ಹೆಚ್ಚಾದಾಗ  ಹೊಟ್ಟೆ ನೋವು, ಹೊಟ್ಟೆ ಉಬ್ಬರ, ಗುದದ್ವಾರದಲ್ಲಿ ಕೆರೆತ ಉಂಟಾಗುತ್ತದೆ. ಇದರಿಂದ ಮಕ್ಕಳಿಗೂ ಬಹಳ ತೊಂದರೆಯಾಗುತ್ತದೆ.   

3 /10

ಆದರೆ ಮಕ್ಕಳಿಗೆ ಈ ಒಂದು ಎಲೆಯ ರಸವನ್ನು ತೆಗೆದು ಕುಡಿಸಿದರೆ ಮತ್ತೆ ಎಂದಿಗೂ ಅವರನ್ನು ಹುಳದ ಸಮಸ್ಯೆ ಕಾಡುವುದಿಲ್ಲ. ಮಾತ್ರವಲ್ಲ ಈ ರಸ ಕುಡಿದ ಮಕ್ಕಳಿಗೆ ಉದರದ ಯಾವ ಸಮಸ್ಯೆಯೂ ಬರುವುದಿಲ್ಲ.  

4 /10

ನಾವಿಲ್ಲಿ ಹೇಳುತ್ತಿರುವುದು  ಪಂಚಪತ್ರೆ ಎಲೆಯ ಬಗ್ಗೆ. ಈ ಗಿಡ ನೋಡಲು  ಸೇವಂತಿಗೆ ಗಿಡವನ್ನು ಹೋಲುತ್ತದೆ. ಎಲೆಯ ಸುವಾಸನೆ ಕೂಡಾ ಹಾಗೆಯೇ ಇರುತ್ತದೆ. ಆದರೆ ಮಕ್ಕಳ ಪಾಲಿಗೆ ಇದು ಅಮೃತ ಇದ್ದ ಹಾಗೆ.   

5 /10

ಜಂತು ಹುಳದ ಕಾರಣ ಗುದದ್ವಾರದಲ್ಲಿ ಕೆರೆತ ಉಂಟಾದಾಗ ಪಂಚಪತ್ರೆಯ ಎಲೆ ತೆಗೆದು ಅರೆದು ಹೊಕ್ಕಳ ಸುತ್ತ ಹಚ್ಚಬೇಕು. ಮೂರು ದಿನ ಹೀಗೆ ಮಾಡಿದರೆ ಸಮಸ್ಯೆ ಪರಿಹಾರವಾಗುತ್ತದೆ. ನೆನಪಿರಲಿ ದಿನಕ್ಕೆ ಒಂದು ಬಾರಿ ಹಚ್ಚಿದರೆ ಸಾಕಾಗುತ್ತದೆ. 

6 /10

ಸ್ವಲ್ಪ ದೊಡ್ಡ ಮಕ್ಕಳಾದರೆ ನಾಲ್ಕೈದು ಪತ್ರೆಯನ್ನು ಕಿವುಚಿ ರಸ ತೆಗೆದು ಕುಡಿಸಬಹುದು. ಇದನ್ನು ಬೆಳಗ್ಗೆಯೇ ಕುಡಿಸಿದರೆ ಒಳ್ಳೆಯದು. ಅಲ್ಲದೆ ದೊಡ್ಡ ಮಕ್ಕಳಿಗೆ ಈ ರಸವನ್ನು ಮೂಗಿನ ಬಳಿ ತಂದು ಅದರ ಘಮ ತೆಗೆದುಕೊಳ್ಳುವಂತೆ ಹೇಳಬೇಕು. 

7 /10

 ಇನ್ನು ಈ ಎಲೆಯನ್ನು ಬಿಸಿಯಲ್ಲಿ ಸ್ವಲ್ಪ ಬಾಡಿಸಿ ರಸ ತೆಗೆದು ಮಕ್ಕಳಿಗೆ ಕುಡಿಸಿದರೆ ಹೊಟ್ಟೆ ನೋವಿನಿಂದಲೂ ತಕ್ಷಣ ಪರಿಹಾರ ಸಿಗುತ್ತದೆ. ಇದು ಹಿರಿಯರಿಗೂ ಔಷಧವಾಗಿ ಕೆಲಸ ಮಾಡುತ್ತದೆ.   

8 /10

ಮಕ್ಕಳಿಗೆ ಸರಿಯಾಗಿ ಹೊಟ್ಟೆ ಕ್ಲೀನ್ ಆಗದೆ ಕಿರಿ ಕಿರಿ ಉಂಟಾದರೆ  ಈ ಎಲೆಯನ್ನು   ಅರೆದು ರಸ ತೆಗೆದು ಕುಡಿಸಿದರೆ, ಸರಾಗವಾಗಿ ಮಲ ಹೊರ ಹೋಗುವುದು.

9 /10

 ಶೀತದಿಂದ ಕಿವಿ ನೋವು ಕಾಣಿಸಿಕೊಂಡರೆ ಈ ಪತ್ರೆಯ ರಸ ತೆಗೆದು ಮೂರು ಹನಿ ಕಿವಿಗೆ ಹಾಕಬೇಕು. ಆದರೆ ಇಲ್ಲಿ ನೆನಪಿರಬೇಕಾದ ಅಂಶ ಎಂದರೆ ಕಿವಿಗೆ ಈ ರಸ ಹಾಕುವಾಗ ಸರಿಯಾಗಿ ಸೋಸಿಕೊಳ್ಳಬೇಕು.   

10 /10

ಸೂಚನೆ : ಈ ಲೇಖನವನ್ನು ಸಾಮಾನ್ಯ ಮಾಹಿತಿ ಮತ್ತು ಮನೆ ಮದ್ದನ್ನು ಆಧರಿಸಿ ಬರೆಯಲಾಗಿದೆ. ಇದನ್ನು ಅಳವಡಿಸಿಕೊಳ್ಳುವ ಮುನ್ನ ತಜ್ಞರ ಸಲಹೆ ಪಡೆದುಕೊಳ್ಳಿ. ಜೀ ನ್ಯೂಸ್ ಇದನ್ನು ಅನುಮೋದಿಸುವುದಿಲ್ಲ.