FASTag: ನಿಮ್ಮ ಕಾರನ್ನು ಸಹ ಮಾರಾಟ ಮಾಡುತ್ತಿದ್ದೀರಾ? ಅದಕ್ಕೂ ಮುನ್ನ ಫಾಸ್ಟ್‌ಟ್ಯಾಗ್‌ನ್ನು ಏನು ಮಾಡಬೇಕೆಂದು ಗೊತ್ತಿರಲಿ

FASTag: ನೀವು ನಿಮ್ಮ ಕಾರನ್ನು ಸಹ ಮಾರಾಟ ಮಾಡುತ್ತಿದ್ದರೆ ಅಥವಾ ಇತ್ತೀಚೆಗೆ ನಿಮ್ಮ ಕಾರನ್ನು ಮಾರಾಟ ಮಾಡಿದ್ದರೆ, ಅದರಲ್ಲಿ ಸ್ಥಾಪಿಸಲಾದ ಫಾಸ್ಟ್‌ಟ್ಯಾಗ್ ಏನಾಗುತ್ತದೆ ಎಂದು ತಿಳಿಯಿರಿ?

ಕಾರು ಮಾರಾಟವಾದಾಗ ಫಾಸ್ಟ್‌ಟ್ಯಾಗ್ ಖಾತೆಗೆ ಏನಾಗುತ್ತದೆ? ಫಾಸ್ಟ್‌ಟ್ಯಾಗ್ ಖಾತೆಯನ್ನು ಮುಚ್ಚುವುದು ಅವಶ್ಯಕವೇ? ನಿಮ್ಮ ಖಾತೆಯನ್ನು ನೀವು ಹೇಗೆ ಮುಚ್ಚಬಹುದು ಎಂಬುದು ಇಲ್ಲಿದೆ

FASTag: ನೀವು ನಿಮ್ಮ ಕಾರನ್ನು ಮಾರಾಟ ಮಾಡಲಿದ್ದೀರಾ ಅಥವಾ ಇತ್ತೀಚೆಗೆ ನಿಮ್ಮ ಕಾರನ್ನು ಮಾರಾಟ ಮಾಡಿದ್ದೀರಾ? ಅಂತಹ ಪರಿಸ್ಥಿತಿಯಲ್ಲಿ, ಅದರಲ್ಲಿ ಸ್ಥಾಪಿಸಲಾದ ಫಾಸ್ಟ್‌ಟ್ಯಾಗ್‌ ಏನಾಗುತ್ತದೆ ಎಂದು ಯೋಚಿಸಿದ್ದೀರಾ? ವಾಸ್ತವವಾಗಿ, ಇಂತಹ ಸಂದರ್ಭದಲ್ಲಿ ಮೊದಲು ನೀವು ನಿಮಗೆ ಫಾಸ್ಟ್‌ಟ್ಯಾಗ್‌ ನೀಡಿರುವ ಬ್ಯಾಂಕಿಗೆ ಮಾಹಿತಿ ನೀಡುವ ಮೂಲಕ ಖಾತೆಯನ್ನು ಮುಚ್ಚಬೇಕು ಎಂದು ತಿಳಿದುಕೊಳ್ಳುವುದು ತುಂಬಾ ಮುಖ್ಯ. ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ತನ್ನ ವೆಬ್‌ಸೈಟ್‌ನಲ್ಲಿ ಈ ಮಾಹಿತಿಯನ್ನು ನೀಡಿದೆ.

ಕಾರನ್ನು ಮಾರಾಟ ಮಾಡುವಾಗ ಫಾಸ್ಟ್‌ಟ್ಯಾಗ್‌ನ್ನು ಏನು ಮಾಡಬೇಕು?
ನಿಮ್ಮ ವಾಹನವನ್ನು ನೀವು ಮಾರಾಟ ಮಾಡಿದ್ದರೆ ಅಥವಾ ವರ್ಗಾಯಿಸಿದ್ದರೆ, ನೀವು ತಕ್ಷಣವೇ ಫಾಸ್ಟ್‌ಟ್ಯಾಗ್ (FASTag) ಅನ್ನು ನಿಷ್ಕ್ರಿಯಗೊಳಿಸಬೇಕು.  ನೀವು ಇದನ್ನು ಮಾಡದಿದ್ದರೆ, ಅದೇ ಖಾತೆಯಿಂದ ಟೋಲ್ ಪಾವತಿಯನ್ನು ಕಡಿತಗೊಳಿಸುವುದನ್ನು ಮುಂದುವರಿಸಲಾಗುತ್ತದೆ. ಅಂದರೆ, ನಿಮ್ಮ ಖಾತೆಯಿಂದ ಹಣವನ್ನು ಕಡಿತಗೊಳಿಸುವುದು ಮುಂದುವರಿಯುತ್ತದೆ. ವಾಸ್ತವವಾಗಿ, FASTag ಖಾತೆಯನ್ನು ಲಿಂಕ್ ಮಾಡಿದ ಅದೇ ಮೂಲ ಖಾತೆಯಿಂದ ಟೋಲ್ ಪಾವತಿಯನ್ನು ಕಡಿತಗೊಳಿಸಲಾಗುತ್ತದೆ.

ಇದನ್ನೂ ಓದಿ- New Bike Driving Rule: ಬೈಕ್ ಸವಾರರೇ ಎಚ್ಚರ! ಸರ್ಕಾರದ ಈ ಹೊಸ ನಿಯಮಗಳನ್ನು ತಪ್ಪದೇ ಓದಿ

ಇಷ್ಟು ಮಾತ್ರವಲ್ಲದೆ, ನಿಮ್ಮ FASTag ಖಾತೆಯು (FASTag Account) ಲಿಂಕ್ ಆಗಿರುವವರೆಗೆ, ನಿಮ್ಮ ಕಾರಿನ ಹೊಸ ಮಾಲೀಕರು ಕಾರಿಗೆ ಹೊಸ FASTag ಅನ್ನು ಪಡೆಯಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ಕೇವಲ ಒಂದು ಸಕ್ರಿಯ ಫಾಸ್ಟ್‌ಟ್ಯಾಗ್ ಅನ್ನು ವಾಹನಕ್ಕೆ ಲಿಂಕ್ ಮಾಡಬಹುದು.

ಫಾಸ್ಟ್‌ಟ್ಯಾಗ್ ಖಾತೆಯನ್ನು ಹೇಗೆ ಮುಚ್ಚುವುದು?
ವಿವಿಧ ಸೇವಾ ಪೂರೈಕೆದಾರರು ಫಾಸ್ಟ್ಯಾಗ್ ಲಿಂಕ್ ಮಾಡಿದ ಖಾತೆ ಅಥವಾ ಇ-ವ್ಯಾಲೆಟ್ ಅನ್ನು ಮುಚ್ಚಲು ಅಥವಾ ನಿಷ್ಕ್ರಿಯಗೊಳಿಸಲು ವಿಭಿನ್ನ ಕಾರ್ಯವಿಧಾನಗಳನ್ನು ಹೊಂದಿದ್ದಾರೆ. ಆದರೆ, ನಿಮ್ಮ FASTag ಪೂರೈಕೆದಾರರ ಗ್ರಾಹಕ ಬೆಂಬಲವನ್ನು ಸಂಪರ್ಕಿಸುವುದು ಮತ್ತು FASTag ಲಿಂಕ್ ಮಾಡಲಾದ ಖಾತೆಯ ಮುಚ್ಚುವಿಕೆ ಅಥವಾ ನಿಷ್ಕ್ರಿಯಗೊಳಿಸುವಿಕೆಗಾಗಿ ವಿನಂತಿಯನ್ನು ಸಲ್ಲಿಸುವುದು ಸಾಮಾನ್ಯ ಮಾರ್ಗಗಳಲ್ಲಿ ಒಂದಾಗಿದೆ. ಇದಕ್ಕಾಗಿ ಈ ಕೆಳಗಿನ ಹಂತಗಳನ್ನು ಅನುಸರಿಸಿ.

>> FASTag ಖಾತೆಯನ್ನು ಮುಚ್ಚಲು, ನೀವು ಮೊದಲು ಗ್ರಾಹಕ ಸೇವೆಗೆ ಕರೆ ಮಾಡಬೇಕು.
>> FASTag ಗೆ ಸಂಬಂಧಿಸಿದ ದೂರುಗಳ ಪರಿಹಾರಕ್ಕಾಗಿ MoRTH/NHAI/IHMCL ಸಹಾಯವಾಣಿ ಸಂಖ್ಯೆ 1033 ಅನ್ನು ಪ್ರಾರಂಭಿಸಿದೆ.
>> ಯಾವುದೇ ಫಾಸ್ಟ್ಯಾಗ್ ಸಂಬಂಧಿತ ವಿಚಾರಣೆಗಾಗಿ ಗ್ರಾಹಕರು ನೇರವಾಗಿ 1033 ಗೆ ಡಯಲ್ ಮಾಡಬಹುದು.
>> FASTag ಗೆ ಲಿಂಕ್ ಮಾಡಲಾದ ಮೊಬೈಲ್ ಪಾವತಿ ಅಪ್ಲಿಕೇಶನ್ ಬಳಸಿ
ನಿಮ್ಮ ಫಾಸ್ಟ್‌ಟ್ಯಾಗ್ ನೀಡುವ ಬ್ಯಾಂಕ್‌ನ ಮೊಬೈಲ್ ಅಪ್ಲಿಕೇಶನ್ ಅಥವಾ ಪ್ರಿಪೇಯ್ಡ್ ವ್ಯಾಲೆಟ್‌ಗೆ ಲಾಗ್ ಇನ್ ಮಾಡಿ
>> ಈಗ ನಿಮ್ಮ ಫಾಸ್ಟ್‌ಟ್ಯಾಗ್ ಖಾತೆಯನ್ನು ರದ್ದುಗೊಳಿಸಲು ಹಂತಗಳನ್ನು ಅನುಸರಿಸಿ.
>> FASTag ನೀಡುವ ಬ್ಯಾಂಕ್‌ನ ಆನ್‌ಲೈನ್ FASTag ಪೋರ್ಟಲ್‌ಗೆ ಲಾಗ್ ಇನ್ ಮಾಡಿ
>> ನಿಮ್ಮ ಫಾಸ್ಟ್‌ಟ್ಯಾಗ್ ನೀಡಿದ ಬ್ಯಾಂಕ್‌ನ ಆನ್‌ಲೈನ್ ಪೋರ್ಟಲ್‌ಗೆ ನೀವು ಲಾಗ್ ಇನ್ ಮಾಡಬಹುದು.
>> ಅಲ್ಲಿ ನಿಮ್ಮ ಫಾಸ್ಟ್‌ಟ್ಯಾಗ್ ಖಾತೆಯನ್ನು ಮುಚ್ಚಲು ನೀವು ಅಗತ್ಯ ಕ್ರಮಗಳನ್ನು ಅನುಸರಿಸಬೇಕು.

ಇದನ್ನೂ ಓದಿ- Google: 150 ಅಪಾಯಕಾರಿ ಅಪ್ಲಿಕೇಶನ್‌ಗಳನ್ನು ನಿಷೇಧಿಸಿದ ಗೂಗಲ್, ನಿಮ್ಮ ಫೋನ್‌ನಲ್ಲಿಯೂ ಈ ಆ್ಯಪ್‌ಗಳಿದ್ದರೆ ಈಗಲೇ ಡಿಲೀಟ್ ಮಾಡಿ

ಫಾಸ್ಟ್‌ಟ್ಯಾಗ್ ಎಂದರೇನು?
ಫಾಸ್ಟ್‌ಟ್ಯಾಗ್ ಎಂದರೆ ನಿಮ್ಮ ವಾಹನದ ವಿಂಡ್‌ಸ್ಕ್ರೀನ್‌ನಲ್ಲಿ ಹಾಕಲಾದ ಫಾಸ್ಟ್‌ಟ್ಯಾಗ್ ಸ್ಟಿಕ್ಕರ್. ರಾಷ್ಟ್ರೀಯ ಹೆದ್ದಾರಿಯಲ್ಲಿ ಪ್ರಯಾಣಿಸುವಾಗ ನೀವು ಯಾವುದೇ ಟೋಲ್ ಅನ್ನು ದಾಟಿದಾಗ, ಅಲ್ಲಿ ಸ್ಥಾಪಿಸಲಾದ ಸ್ಕ್ಯಾನರ್ ಸಾಧನದ ರೇಡಿಯೊ ಫ್ರೀಕ್ವೆನ್ಸಿ ಐಡೆಂಟಿಫಿಕೇಶನ್ (RFID) ತಂತ್ರಜ್ಞಾನದ ಮೂಲಕ ವಾಹನದಲ್ಲಿರುವ ಸ್ಟಿಕ್ಕರ್ ಅನ್ನು ಸ್ಕ್ಯಾನ್ ಮಾಡುತ್ತದೆ. ಇದರೊಂದಿಗೆ, ನೀವು ಟೋಲ್ ಗಳಲ್ಲಿ ನಗದಿನ ಮೂಲಕ ಪಾವತಿ ಮಾಡಬೇಕಾಗಿಲ್ಲ. ನಿಮ್ಮ ಖಾತೆಯಿಂದಲೇ ಟೋಲ್ ಕಡಿತಗೊಳಿಸಲಾಗುತ್ತದೆ.