Beautiful Sea Beach: ಭಾರತದ 5 ಅತ್ಯಂತ ಸುಂದರವಾದ ಕಡಲತೀರಗಳನ್ನು ನೋಡೋಣ.
ನವದೆಹಲಿ: ಮೂರು ಕಡೆ ಸಮುದ್ರದಿಂದ ಸುತ್ತುವರಿದಿರುವುದರಿಂದ ಭಾರತವನ್ನು ಪರ್ಯಾಯ ದ್ವೀಪ ಎಂದು ಕರೆಯಲಾಗುತ್ತದೆ. ಇಲ್ಲಿ ಬೀಚ್ ಗಳಿಗೇನು (Beautiful Sea Beach) ಕೊರತೆಯಿಲ್ಲ. ನಮ್ಮ ದೇಶದ ಸಮುದ್ರ ತೀರವನ್ನು ನೋಡಲು, ವಿದೇಶಗಳಿಂದಲೂ ಅನೇಕ ಪ್ರವಾಸಿಗರು ಬರುತ್ತಾರೆ. ಭಾರತದ 5 ಅತ್ಯಂತ ಸುಂದರವಾದ ಕಡಲತೀರಗಳನ್ನು ನೋಡೋಣ.
ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು ಭಾರತದ ಅತ್ಯಂತ ನೆಚ್ಚಿನ ಪ್ರವಾಸಿ ತಾಣಗಳಲ್ಲಿ ಒಂದಾಗಿದೆ. ಇಲ್ಲಿನ ಹ್ಯಾವ್ಲಾಕ್ ದ್ವೀಪದಲ್ಲಿರುವ ರಾಧಾನಗರ ಬೀಚ್ ಪ್ರವಾಸಿಗರನ್ನು ತನ್ನ ಕಡೆಗೆ ಆಕರ್ಷಿಸುತ್ತದೆ.
ಭಾರತದಲ್ಲಿ ಸಮುದ್ರಕ್ಕೆ ಭೇಟಿ ನೀಡಲು ಬಯಸುವ ಪ್ರವಾಸಿಗರು ಖಂಡಿತವಾಗಿಯೂ ಗೋವಾಗೆ ಹೋಗಿರುತ್ತಾರೆ. ಇಲ್ಲಿಗೆ ಬರಲು ನಿಮಗೆ ಅವಕಾಶ ಸಿಕ್ಕರೆ, ನೀವು ಒಮ್ಮೆ ದಕ್ಷಿಣ ಗೋವಾದ ಬೆನೌಲಿಮ್ ಬೀಚ್‌ಗೆ ಭೇಟಿ ನೀಡಲೇಬೇಕು.
ನೀವು ಭಾರತದ ದಕ್ಷಿಣ ವಲಯದಲ್ಲಿರುವ ಕೇಂದ್ರಾಡಳಿತ ಪ್ರದೇಶವಾದ ಪುದುಚೇರಿಗೆ ಹೋದರೆ ಸಮುದ್ರದ ಬಲವಾದ ಅಲೆಗಳು ನಿಮಗೆ ಮೋಹಕ ಅನುಭವ ನೀಡುತ್ತವೆ.
ಲಕ್ಷದ್ವೀಪದ ಅಗತ್ತಿ ದ್ವೀಪದ ಬೀಚ್ ತನ್ನ ಸಾಟಿಯಿಲ್ಲದ ಸೌಂದರ್ಯಕ್ಕೆ ಬಹಳ ಪ್ರಸಿದ್ಧವಾಗಿದೆ. ಕಡಿಮೆ ಜನಸಂಖ್ಯೆಯ ಕಾರಣ ಇಲ್ಲಿ ಜಲಮಾಲಿನ್ಯ ಕೂಡ ಇಲ್ಲ. ಇಲ್ಲಿನ ನೀರಿನ ಬಣ್ಣವು ಸಾಕಷ್ಟು ನೀಲಿ ಬಣ್ಣದ್ದಾಗಿದೆ, ಇದು ಅದರ ಸೌಂದರ್ಯವನ್ನು ಮತ್ತಷ್ಟು ಹೆಚ್ಚಿಸುತ್ತದೆ.
ಭಾರತದ ದಕ್ಷಿಣ ರಾಜ್ಯವಾದ ಕೇರಳವನ್ನು 'ದೇವರ ಸ್ವಂತ ನಾಡು' ಎಂದು ಕರೆಯಲಾಗುತ್ತದೆ ಏಕೆಂದರೆ ಈ ಸ್ಥಳದ ಸೌಂದರ್ಯವು ಯಾವುದೇ ವ್ಯಕ್ತಿಯ ಮನಸ್ಸನ್ನು ಸೆಳೆಯುವಷ್ಟು ಅಂದವಾಗಿದೆ. ತಿರುವನಂತಪುರದ ಕೋವಲಂ ಬೀಚ್ ಇಲ್ಲಿಗೆ ಬರುವ ಪ್ರವಾಸಿಗರ ಮೊದಲ ಆಯ್ಕೆಯಾಗಿದೆ.
