ಬೆಂಗಳೂರು: ಒಂದು ಕಡೆ ಓಲ್ಡ್‌ ಮಾಂಕ್‌ ರಿಲೀಸ್‌ ಸಂಭ್ರಮವಾದರೆ, ಮತ್ತೊಂದು ಕಡೆ ಕನ್ನಡ ಸಿನಿ ರಸಿಕರಿಗೆ ಈ ಚಿತ್ರ ಒಂದು ರೀತಿಯ ಭಾವನಾತ್ಮಕ ಬೆಸುಗೆ. ಹೌದು, ಈ ಸಿನಿಮಾದಲ್ಲಿ ಇತ್ತೀಚೆಗಷ್ಟೇ ನಮ್ಮನ್ನೆಲ್ಲಾ ಅಗಲಿದ ಕಲಾತಪಸ್ವಿ ಕೂಡ ನಟಿಸಿದ್ದಾರೆ. ಅಂದಹಾಗೆ ಕಲಾತಪಸ್ವಿ ರಾಜೇಶ್‌ ಅವರ ಪಾತ್ರವೇನು? ಅಭಿಮಾನಿಗಳು ಏನಂದ್ರು..? ನೋಡೋಣ ಬನ್ನಿ.
ಇದನ್ನೂ ಓದಿ: Russia-Ukraine conflict: ಸಪ್ತ ಪ್ರಶ್ನೆಗಳ ಮೂಲಕ ರಷ್ಯಾ-ಉಕ್ರೇನ್ ಸಂಘರ್ಷದ ಇತಿಹಾಸವನ್ನು ತಿಳಿಯಿರಿ....
ಕನ್ನಡಿಗರ ಮನದಲ್ಲಿ ನಟ ರಾಜೇಶ್‌ (Actor Rajesh) ಹೆಸರು ಎಂದಿಗೂ ಮರೆಯಾಗದು. ಯಾಕಂದ್ರೆ ತಮ್ಮ ಸಿನಿಮಾಗಳ ಮೂಲಕ ರಾಜೇಶ್‌ ಅವರು ನೀಡುತ್ತಿದ್ದ ಸಾಮಾಜಿಕ ಸಂದೇಶ ಮತ್ತು ಅವರ ಅಭಿನಯ ಎಂದೆಂದಿಗೂ ಕನ್ನಡಿಗರ ಮನದಿಂದ ಮರೆಯಾಗಲು ಸಾಧ್ಯವೇ ಇಲ್ಲ. ಆದರೆ ದುರಾದೃಷ್ಟವಶಾತ್‌ ಕೆಲ ದಿನಗಳ ಹಿಂದೆಯಷ್ಟೇ ರಾಜೇಶ್‌ ಅವರು ನಮ್ಮನ್ನೆಲ್ಲಾ ಅಗಲಿದ್ದರು. ಕಲಾತಪಸ್ವಿ ತಾವು ಅಭಿನಯಿಸಿದ ಕೊನೆಯ ಚಿತ್ರವನ್ನು ಕಣ್ತುಂಬಿಕೊಳ್ಳದೆ ಇಹಲೋಕ ತ್ಯಜಿಸಿದ್ದರು.ಆದರೆ ಇಂದು ಹಿರಿಯ ನಟನ ಕೊನೇ ಚಿತ್ರ ರಿಲೀಸ್‌ ಆಗಿದ್ದು, ರಾಜೇಶ್‌ ಅವರ ನಟನೆಗೆ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಹೆಜ್ಜೆ ಹೆಜ್ಜೆಗೂ ಸರ್ಪ್ರೈಸ್ ಕಾಯ್ದುಕೊಂಡಿರುವ ಓಲ್ಡ್‌ ಮಾಂಕ್‌ ಚಿತ್ರ ಕ್ಲೈಮ್ಯಾಕ್ಸ್‌ವರೆಗೂ ಪ್ರೇಕ್ಷಕನ ಕುತೂಹಲ ಕಾಯ್ದುಕೊಳ್ಳುತ್ತದೆ. ಹಾಗೇ ನಾಯಕನ ಆಶಯಕ್ಕೆ ಧಕ್ಕೆಯಾದಾಗ ಎಂಟ್ರಿ ಆಗೋದೆ ಪವರ್‌ಫುಲ್‌ ತಾತಾ. ಹೌದು, ಆ ಪವರ್‌ ಫುಲ್‌ ವ್ಯಕ್ತಿ ಬೇರೆ ಯಾರೂ ಅಲ್ಲ, ಕನ್ನಡಿಗರ ಪಾಲಿನ ಪ್ರೀತಿಯ ಕಲಾತಪಸ್ವಿ ರಾಜೇಶ್‌ ಅವರು.
ಅಂದ ಹಾಗೆ ಓಲ್ಡ್‌ ಮಾಂಕ್‌ ಸಿನಿಮಾದಲ್ಲಿ ಕೆಲವೇ ಹೊತ್ತು ಹಿರಿಯ ನಟ ರಾಜೇಶ್‌ ಕಾಣಿಸಿಕೊಂಡರೂ ಪ್ರೇಕ್ಷಕರ ಮನದಲ್ಲಿ ಅವರ ನಟನೆ ಅಚ್ಚಾಗುವಂತಿದೆ. ಹತ್ತಾರು ಹಿಟ್‌ ಸಿನಿಮಾಗಳನ್ನು ನೀಡಿ, ಸಾಮಾಜಿಕ ಸಂದೇಶದ ಜೊತೆಗೆ ಕನ್ನಡಿಗರನ್ನು ಹಲವು ದಶಕಗಳ ಕಾಲ ರಂಜಿಸಿದ್ದ ರಾಜೇಶ್‌ ಅವರ ನಟನೆ ಓಲ್ಡ್‌ ಮಾಂಕ್‌ ಸಿನಿಮಾದಲ್ಲೂ ಕಿಂಚಿತ್ತೂ ಕಡಿಮೆ ಅನಿಸುವುದಿಲ್ಲ.
ರಾಜೇಶ್‌ ಅವರ ಎಂಟ್ರಿಗೇ ಪ್ರೇಕ್ಷಕರ ಚಪ್ಪಾಳೆ, ಶಿಳ್ಳೆ ಮುಗಿಲು ಮುಟ್ಟುತ್ತದೆ. ಒಟ್ಟಾರೆ ಹೇಳೋದಾದ್ರೆ ಕಲಾತಪಸ್ವಿ ನಮ್ಮನ್ನೆಲ್ಲಾ ಅಗಲಿದ್ದರೂ, ತಮ್ಮ ನಟನೆ ಹಾಗೂ ಸಾಮಾಜಿಕ ಸಂದೇಶದ ಮೂಲಕ ಕನ್ನಡಿಗರ ಮನದಲ್ಲಿ ಸದಾ ಹಸಿರಾಗಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
