ಹೌದು, ಇಂದು ನಾವು ನಿಮಗೆ ವಿಶ್ವದ ಟಾಪ್ 5 ಅತ್ಯಂತ ದುಬಾರಿ ಸ್ಮಾರ್ಟ್‌ಫೋನ್‌ಗಳ ಬಗ್ಗೆ ಮಾಹಿತಿ ಹೊತ್ತು ತಂದಿದ್ದೇವೆ. ಈ ದುಬಾರಿ ಫೋನ್ ಬೆಲೆ, ಇವುಗಳ ವಿಶೇಷತೆ ಏನು? ಸಂಪೂರ್ಣ ಮಾಹಿತಿ ಇಲ್ಲಿದೆ.
ಈ ವರ್ಷ ಹಲವು ಕಂಪನಿಗಳು ತಮ್ಮ ಪ್ರಮುಖ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿವೆ. ಹಾಗೆ, ಮೊಬೈಲ್ ದೈತ್ಯ ಕಂಪನಿಗಳಾದ ಆಪಲ್ ಮತ್ತು ಸ್ಯಾಮ್‌ಸಂಗ್‌ ಸಹ ದುಬಾರಿ ಬೆಲೆ ಬಾಳುವ ಸ್ಮಾರ್ಟ್‌ಫೋನ್‌ಗಳನ್ನ ಮರುಕ್ಕಟೆಗೆ ಬಿಡುಗಡೆ ಮಾಡುತ್ತಿರುತ್ತವೆ. ಪ್ರಸ್ತುತ Apple iPhone 13 Pro Max ದುಬಾರಿ ಬೆಲೆಯ ಮೊಬೈಲ್ ಆಗಿದೆ, ಅಲ್ಲದೆ, Samsung Galaxy S22 Ultra ಸಹ ದುಬಾರಿ ಬೆಲೆಯದಾಗಿದೆ. ಈ ಫೋನ್‌ಗಳು ಅತ್ಯಂತ ದುಬಾರಿ ಸ್ಮಾರ್ಟ್‌ಫೋನ್‌ಗಳು ಎಂದು ಹೇಳಲಾಗುತ್ತಿದೆ. ಇವು ಜತ್ತಿನ ದುಬಾರಿ ಬೆಲೆಯ ಫೋನ್‌ಗಳಲ್ಲ. ಹೌದು, ಇಂದು ನಾವು ನಿಮಗೆ ವಿಶ್ವದ ಟಾಪ್ 5 ಅತ್ಯಂತ ದುಬಾರಿ ಸ್ಮಾರ್ಟ್‌ಫೋನ್‌ಗಳ ಬಗ್ಗೆ ಮಾಹಿತಿ ಹೊತ್ತು ತಂದಿದ್ದೇವೆ. ಈ ದುಬಾರಿ ಫೋನ್ ಬೆಲೆ, ಇವುಗಳ ವಿಶೇಷತೆ ಏನು? ಸಂಪೂರ್ಣ ಮಾಹಿತಿ ಇಲ್ಲಿದೆ.
ಕ್ಯಾವಿಯರ್ ಐಫೋನ್ 12 ಪ್ರೊ ಶುದ್ಧ ಚಿನ್ನದ್ದು : ಕ್ಯಾವಿಯರ್ ಐಫೋನ್ 12 ಪ್ರೊ ಪ್ಯೂರ್ ಗೋಲ್ಡ್ ವಿಶ್ವದ ಅತ್ಯಂತ ದುಬಾರಿ ಸ್ಮಾರ್ಟ್ಫೋನ್ ಆಗಿದೆ. ಇದು ಲಿಮಿಟೆಡ್ ಎಡಿಷನ್ ಆಗಿದೆ ಏಕೆಂದರೆ ಇವುಗಳನ್ನ ಬರಿ 7 ಫೋನ್‌ಗಳನ್ನು ಮಾತ್ರ ತಯಾರಿಸಲಾಗಿದೆ. ಈ ಫೋನ್‌ನ ಬೆಲೆ $ 122,000, ಅಂದರೆ 91 ಲಕ್ಷ ರೂಪಾಯಿಗಳು. ನೀವು ಭಾರತದಲ್ಲಿ ಈ ಫೋನ್ ಅನ್ನು ಆರ್ಡರ್ ಮಾಡಿದರೆ, ತೆರಿಗೆಗಳು ಮತ್ತು ಇತರ ಸುಂಕಗಳಿಂದಾಗಿ ಈ ಫೋನ್ ತುಂಬಾ ದುಬಾರಿಯಾಗಲಿದೆ. ಈ ಫೋನಿನ ವಿಶೇಷವೆಂದರೆ ಇದು ಡೈಮಂಡ್ ಫಿಟ್‌ನೊಂದಿಗೆ 18 ಕ್ಯಾರೆಟ್ ಚಿನ್ನವನ್ನು ಹೊಂದಿದೆ. ಈ ಕಾರಣಕ್ಕಾಗಿ ಈ ಫೋನ್ ತುಂಬಾ ದುಬಾರಿಯಾಗಿದೆ. ಇದರ ವೈಶಿಷ್ಟ್ಯಗಳು ಐಫೋನ್ 12 ಪ್ರೊ ಅನ್ನು ಹೋಲುತ್ತವೆ. ನೀವು ಇತ್ತೀಚಿನ ತಂತ್ರಜ್ಞಾನ ಮತ್ತು ಐಷಾರಾಮಿ ಅನುಭವವನ್ನು ಪಡೆಯಲು ಬಯಸಿದರೆ, ಈ ಫೋನ್ ನಿಮಗೆ ಅತ್ಯುತ್ತಮ ಆಯ್ಕೆಯಾಗಿದೆ.
ಕ್ಯಾವಿಯರ್ Samsung Galaxy S21 ಅಲ್ಟ್ರಾ : ಇದು ಕ್ಯಾವಿಯರ್‌ನ ಎರಡನೇ ಅತ್ಯಂತ ದುಬಾರಿ ಸ್ಮಾರ್ಟ್ಫೋನ್ ಆಗಿದೆ. ಇದರ ಹೆಸರು Samsung Galaxy S21 Ultra Caviar Edition. ಈ ಫೋನ್ ಅನ್ನು 4 ರೂಪಾಂತರಗಳಲ್ಲಿ ಹೊರತೆಗೆಯಲಾಗಿದೆ. ಇದನ್ನು ಚಿನ್ನ, ಡೈಮಂಡ್, ಟೈಟಾನಿಯಂ ಮತ್ತು ಶುದ್ಧ ಚರ್ಮದಲ್ಲಿ ತಯಾರಿಸಲಾಗಿದೆ. ಫೋನ್‌ನ ಹಿಂಭಾಗವನ್ನು ಟೈಟಾನಿಯಂನಿಂದ ಮಾಡಲಾಗಿದೆ. ಅಲ್ಲದೆ ಚಿನ್ನದ 3 ಆಯಾಮದ ಹೆಡ್ ಇದೆ. ಇದಲ್ಲದೇ ಎರಡು ವಜ್ರಗಳನ್ನೂ ಅಳವಡಿಸಲಾಗಿದೆ. ಈ ಫೋನ್‌ನ 128 GB ಸ್ಟೋರೇಜ್ ರೂಪಾಂತರದ ಬೆಲೆ 20 ಸಾವಿರ ಡಾಲರ್, ಅಂದರೆ 14.5 ಲಕ್ಷ ರೂಪಾಯಿಗಳು.
ಗೋಲ್ಡ್ವಿಶ್ ಲೀ ಮಿಲಿಯನ್ : ಗೋಲ್ಡ್ ವಿಶ್ ಲೀ ಮಿಲಿಯನ್ ವೆಚ್ಚವೂ ಕೋಟಿಗಳಲ್ಲಿದೆ. ಇದನ್ನು ಸ್ವೀಡಿಷ್ ಕಂಪನಿ ಗೋಲ್ಡ್ವಿಶ್ ತಯಾರಿಸಿದೆ. ಈ ಫೋನ್ ಅನ್ನು 2006 ರಲ್ಲಿ ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ವಿಶ್ವದ ಅತ್ಯಂತ ದುಬಾರಿ ಫೋನ್ ಎಂದು ಪರಿಗಣಿಸಲಾಗಿದೆ. ಈ ಫೋನ್‌ನ ಬಾಡಿಗೆ 1.20 ಲಕ್ಷ ವಜ್ರದ ತುಂಡುಗಳನ್ನು ಅಳವಡಿಸಲಾಗಿದೆ ಮತ್ತು 18 ಕ್ಯಾರೆಟ್ ಚಿನ್ನವನ್ನು ಸಹ ಬಳಸಲಾಗಿದೆ. ಇದರ ಬೆಲೆ ಸುಮಾರು 7.7 ಕೋಟಿ. ಕಂಪನಿಯು ಅದರ 3 ಮಾದರಿಗಳನ್ನು ಮಾತ್ರ ತಯಾರಿಸಿದೆ.
ಗ್ರೆಸ್ಸೊ ಲೂಸರ್ಸ್ ಲಾಸ್ ವೇಗಾಸ್ ಜಾಕ್‌ಪಾಟ್ : ವಿಶ್ವದ ಅತ್ಯಂತ ದುಬಾರಿ ಫೋನ್‌ಗಳಲ್ಲಿ ಈ ಫೋನ್ ಕೂಡ ಒಂದಾಗಿದೆ. ಇದರ ಬೆಲೆಯೂ ಕೋಟಿಯಲ್ಲಿದೆ. ಈ ಫೋನಿನ ವಿಶೇಷತೆಯೆಂದರೆ ಇದರ ಹಿಂದೆ 200 ವರ್ಷಗಳಷ್ಟು ಹಳೆಯ ಆಫ್ರಿಕನ್ ಬ್ಲಾಕ್ ವುಡ್ ಅಳವಡಿಸಲಾಗಿದೆ. ಅಲ್ಲದೆ, 45.5 ಕ್ಯಾರೆಟ್ ಕಪ್ಪು ವಜ್ರ ಮತ್ತು 180 ಗ್ರಾಂ ಚಿನ್ನವನ್ನು ಅಳವಡಿಸಲಾಗಿದೆ. ಕಂಪನಿಯು ಈ ಫೋನ್‌ನ ಮೂರು ಮಾದರಿಗಳನ್ನು ಮಾತ್ರ ತಯಾರಿಸಿದೆ. ಈ ಸ್ಮಾರ್ಟ್‌ಫೋನ್‌ನ ಬೆಲೆ ಸುಮಾರು 7.1 ಕೋಟಿ ರೂ. ಇದೆ.
ಡೈಮಂಡ್ ಕ್ರಿಪ್ಟೋ ಸ್ಮಾರ್ಟ್ಫೋನ್ : ಡೈಮಂಡ್ ಕ್ರಿಪ್ಟೋ ಸ್ಮಾರ್ಟ್ ಫೋನ್ ಬೆಲೆ ಕೋಟಿಗಳಲ್ಲಿದೆ. ಇದನ್ನು ಆಸ್ಟ್ರಿಯನ್ ಆಭರಣ ವ್ಯಾಪಾರಿ ಪೀಟರ್ ಎಲಿಸನ್ ಮತ್ತು ರಷ್ಯಾದ ಸಂಸ್ಥೆ ಜೆಎಸ್‌ಸಿ ಎನ್‌ಕಾರ್ಟ್ ತಯಾರಿಸಿದ್ದಾರೆ. ಈ ಫೋನಿನ ಬದಿಗಳಲ್ಲಿ 50 ವಜ್ರಗಳನ್ನು ಅಳವಡಿಸಲಾಗಿದೆ. ಅದರಲ್ಲಿ 5 ನೀಲಿ ವಜ್ರಗಳನ್ನೂ ಅಳವಡಿಸಲಾಗಿದೆ. ಇದರ ಲೋಗೋ ಕೂಡ 18 ಕ್ಯಾರೆಟ್ ಚಿನ್ನದಿಂದ ಮಾಡಲ್ಪಟ್ಟಿದೆ. ಇದರ ಬೆಲೆ ಸುಮಾರು 9.3 ಕೋಟಿ. ಈ ಫೋನ್ ಅನ್ನು ರಷ್ಯಾದ ಉದ್ಯಮಿಗಾಗಿ ವಿಶೇಷವಾಗಿ ತಯಾರಿಸಲಾಗಿದೆ. ಈ ಫೋನ್ ಹೈ ಲೆವೆಲ್ ಎನ್‌ಕ್ರಿಪ್ಶನ್ ಅನ್ನು ಸಹ ಹೊಂದಿದೆ.
