ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಆಟದ ನಿಯಮವನ್ನು ಬದಲಾಯಿಸಲು ಸಿದ್ಧತೆ ನಡೆಸಿದೆ. ಇದು ಒಂದು ಪಂದ್ಯದ ಸಮಯದಲ್ಲಿ ಪ್ಲೇಯಿಂಗ್ 11 ಬದಲಿಗೆ 15 ಆಟಗಾರರನ್ನು ಅರ್ಹರನ್ನಾಗಿ ಮಾಡುತ್ತದೆ. ನಾಲ್ಕು ಹೆಚ್ಚುವರಿ ಆಟಗಾರರಲ್ಲಿ ಯಾರನ್ನಾದರೂ ಪಂದ್ಯದಲ್ಲಿ 'ಇಂಪ್ಯಾಕ್ಟ್ ಪ್ಲೇಯರ್' ಆಗಿ ಬಳಸಬಹುದು. ಬಿಸಿಸಿಐ ಇದನ್ನು ಮೊದಲು ದೇಶೀಯ ಕ್ರಿಕೆಟ್‌ನಲ್ಲಿ ಬಳಸಲು ನಿರ್ಧರಿಸಿದೆ.
ಬಿಸಿಸಿಐ ಮೊದಲು ಈ ನಿಯಮವನ್ನು ದೇಶೀಯ ಕ್ರಿಕೆಟ್‌ನಲ್ಲಿ ಪ್ರಾಯೋಗಿಕವಾಗಿ ಜಾರಿಗೆ ತರಲಿದೆ. ಇದರೊಂದಿಗೆ, ಯಾವುದೇ ಪಂದ್ಯದ ಸಮಯದಲ್ಲಿ 11 ಅಲ್ಲ 15 ಆಟಗಾರರು ಪ್ಲೇಯಿಂಗ್ ಗೆ ಅರ್ಹರಾಗಿರುತ್ತಾರೆ. ಅಕ್ಟೋಬರ್ 11 ರಿಂದ ಪ್ರಾರಂಭವಾಗುವ ಸೈಯದ್ ಮುಷ್ತಾಕ್ ಅಲಿ ಟಿ 20 ಟ್ರೋಫಿ ಪಂದ್ಯಾವಳಿಯಿಂದ ಭಾರತೀಯ ಮಂಡಳಿಯು 'ಇಂಪ್ಯಾಕ್ಟ್ ಪ್ಲೇಯರ್' ನಿಯಮವನ್ನು ಪರಿಚಯಿಸಬಹುದು.
ಇದನ್ನೂ ಓದಿ: ಸಿಟ್ಟಿನಿಂದ ಎಸೆದ ಬಾಲ್ ತಗುಲಿ ಟೀಂ ಇಂಡಿಯಾದ ಸ್ಟಾರ್ ಆಟಗಾರನಿಗೆ ಗಾಯ: ಮೈದಾನಕ್ಕೆ ಬಂದ ಆಂಬುಲೆನ್ಸ್!
ನಿಯಮದ ಪ್ರಕಾರ, ಪಂದ್ಯದ ಸಮಯದಲ್ಲಿ ಯಾವುದೇ ಒಬ್ಬ ಆಟಗಾರನನ್ನು ಪ್ಲೇಯಿಂಗ್ XI ನಲ್ಲಿ ಬದಲಾಯಿಸಬಹುದು. ಇದಕ್ಕಾಗಿ, ನಾಯಕ ಟಾಸ್ ಸಮಯದಲ್ಲಿ ನಾಲ್ಕು ಹೆಚ್ಚುವರಿ ಆಟಗಾರರನ್ನು ಹೆಸರಿಸಬೇಕಾಗುತ್ತದೆ. ಈ ನಾಲ್ಕರಲ್ಲಿ ಯಾರಾದರೂ ಒಬ್ಬರನ್ನು 'ಇಂಪ್ಯಾಕ್ಟ್ ಪ್ಲೇಯರ್' ಆಗಿ ಬಳಸಬಹುದು.
ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ಲೀಗ್ ಬಿಗ್ ಬ್ಯಾಷ್ (BBL) ನಲ್ಲಿ ಈ ನಿಯಮ ಅನ್ವಯಿಸುತ್ತದೆ. ಇದು ಅಲ್ಲಿ 'ಎಕ್ಸ್ ಫ್ಯಾಕ್ಟರ್' ಎಂಬ ಹೆಸರಿನಿಂದ ಕರೆಯಲ್ಪಡುತ್ತದೆ. ಈ ನಿಯಮದ ಅಡಿಯಲ್ಲಿ, ಪ್ರತಿ ತಂಡವು ಮೊದಲ ಇನಿಂಗ್ಸ್‌ನ 10 ನೇ ಓವರ್‌ಗೆ ಮೊದಲು ಪ್ಲೇಯಿಂಗ್ XI ನಲ್ಲಿ 12 ಅಥವಾ 13 ನೇ ಆಟಗಾರರನ್ನು ಬಳಸಬಹುದು. ಈ ಸಮಯದಲ್ಲಿ, ಒಂದಕ್ಕಿಂತ ಹೆಚ್ಚು ಓವರ್‌ಗಳನ್ನು ಬ್ಯಾಟ್ ಮಾಡದ ಅಥವಾ ಬೌಲ್ ಮಾಡದ ಆಟಗಾರರಿಂದ ಅವರನ್ನು ಬದಲಾಯಿಸಬಹುದು. ಆದರೆ, ಬಿಸಿಸಿಐನ ಹೊಸ ನಿಯಮಗಳ ಪ್ರಕಾರ, ಎರಡೂ ಇನಿಂಗ್ಸ್‌ನ 14 ನೇ ಓವರ್‌ಗೆ ಮೊದಲು, ತಂಡಗಳು 'ಇಂಪ್ಯಾಕ್ಟ್ ಪ್ಲೇಯರ್’ನ್ನು ಬಳಸಿಕೊಳ್ಳಲು ಸಾಧ್ಯವಾಗುತ್ತದೆ.
ಇದನ್ನೂ ಓದಿ: ಮುಖ್ಯ ಕೋಚ್ ಆಗಿ ಮಾರ್ಕ್ ಬೌಚರ್ ಅವರನ್ನು ನೇಮಿಸಿದ ಮುಂಬೈ ಇಂಡಿಯನ್ಸ್‌
ಈ ಸಂಬಂಧ ಬಿಸಿಸಿಐ ಎಲ್ಲ ರಾಜ್ಯ ಕ್ರಿಕೆಟ್ ಸಂಸ್ಥೆಗಳಿಗೆ ಸುತ್ತೋಲೆ ಕಳುಹಿಸಿದೆ. ನಿಯಮದ ಪ್ರಕಾರ, ಪಂದ್ಯದ ಸಮಯದಲ್ಲಿ ತಂಡಗಳು ಒಮ್ಮೆ ಮಾತ್ರ 'ಇಂಪ್ಯಾಕ್ಟ್ ಪ್ಲೇಯರ್' ಅನ್ನು ಬಳಸುತ್ತವೆ. ತಂಡದ ನಾಯಕ, ತರಬೇತುದಾರ ಮತ್ತು ತಂಡದ ಮ್ಯಾನೇಜರ್ ಆನ್-ಫೀಲ್ಡ್ ಅಥವಾ ನಾಲ್ಕನೇ ಅಂಪೈರ್‌ಗೆ 'ಇಂಪ್ಯಾಕ್ಟ್ ಪ್ಲೇಯರ್’ ಬಗ್ಗೆ ತಿಳಿಸಬೇಕಾಗುತ್ತದೆ. ಹೀಗಿರುವಾಗ ಔಟ್ ಆದ ಆಟಗಾರನಿಗೆ ಇಡೀ ಪಂದ್ಯದಲ್ಲಿ ಅವಕಾಶ ಸಿಗುವುದಿಲ್ಲ. ಅವರು ಹೆಚ್ಚುವರಿ ಆಟಗಾರರಾಗಿ ಫೀಲ್ಡಿಂಗ್‌ಗೆ ಹೋಗುವುದಿಲ್ಲ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
