Avneet Kaur Networth : ಈ ನಟಿ ಕೇವಲ 8ನೇ ವಯಸ್ಸಿನಲ್ಲಿ ಡ್ಯಾನ್ಸ್ ರಿಯಾಲಿಟಿ ಶೋ ಮೂಲಕ ತನ್ನ ವೃತ್ತಿಜೀವನವನ್ನು ಪ್ರಾರಂಭಿಸಿ, ಅದರಿಂದಲೇ ಜನಪ್ರಿಯತೆ ಪಡೆದು ಇದೀಗ ಬಾಲಿವುಡ್ ಸ್ಟಾರ್‌ ನಟಿಯರನ್ನೇ ಆಸ್ತಿ ಅಂತಸ್ತು ಮತ್ತು ಸ್ಟಾರ್‌ಗಿರಿ ಪಡೆಯುವ ಮೂಲಕ ಹಿಂದಿಕ್ಕಿದ್ದಾರೆ. ಯಾರು ಆ ನಟಿ.. ಇಲ್ಲಿದೆ ವರದಿ..
ಬಾಲಿವುಡ್‌ನಿಂದ ಟಿವಿ ಉದ್ಯಮದವರೆಗೆ ಸೆಲೆಬ್ರಿಟಿಗಳು ಬಹಳ ಐಷಾರಾಮಿ ಜೀವನಶೈಲಿಯನ್ನು ನಡೆಸುತ್ತಾರೆ. ಅನನ್ಯ ಪಾಂಡೆ ಅಥವಾ ಶಾರುಖ್ ಖಾನ್ ಆಗಿರಲಿ, ಎಲ್ಲರೂ ಐಷಾರಾಮಿ ಜೀವನವನ್ನು ನಡೆಸುತ್ತಾರೆ, ಸಿನಿರಂಗದಲ್ಲಿ ಕೆಲವು ನಟರು ಸಹ ಖಾಸಗಿ ಜೆಟ್‌ಗಳನ್ನು ಹೊಂದಿದ್ದಾರೆ.
ಈ ನಟಿ ಒಂದು ಕಾಲದಲ್ಲಿ ಟಿವಿ ಇಂಡಸ್ಟ್ರೀಯಲ್ಲಿ ಅತಿ ಹೆಚ್ಚು ಗಳಿಸಿದ ಬಾಲ ಕಲಾವಿದೆ. ಆದರೆ ಅನಾರೋಗ್ಯದ ಕಾರಣದಿಂದ ನಟಿ ಆ ಶೋವನ್ನು ತೊರೆಯಬೇಕಾಯಿತು. ನಂತರ ನವಾಜುದ್ದೀನ್ ಸಿದ್ದಿಕಿ ಅವರ ಚಿತ್ರದ ಮೂಲಕ ಪಾದಾರ್ಪಣೆ ಮಾಡಿದರು. ಈ ನಟಿ ಬೇರೆ ಯಾರೂ ಅಲ್ಲ ಅವನೀತ್ ಕೌರ್.
ನಟಿ 2010 ರಲ್ಲಿ ಡ್ಯಾನ್ಸ್ ಲಿಟಲ್ ಮಾಸ್ಟರ್ಸ್ ಶೋನಲ್ಲಿ ಭಾಗವಹಿಸಿದರು ಮತ್ತು ಈ ಕಾರ್ಯಕ್ರಮದಿಂದ ಅವನೀತ್ ಸಾಕಷ್ಟು ಜನಪ್ರಿಯತೆಯನ್ನು ಪಡೆದರು. ಇದರ ನಂತರ, ನಟಿ 2012 ರಲ್ಲಿ ದೂರದರ್ಶನ ಕಾರ್ಯಕ್ರಮ 'ಮೇರಿ ಮಾ' ದೊಂದಿಗೆ ನಟಿಸಲು ಪ್ರಾರಂಭಿಸಿದರು.
ಚಂದ್ರನಂದಿನಿ, ಹಮಾರಿ ಸಿಸ್ಟರ್ ದೀದಿ, ಅಲ್ಲಾದೀನ್-ನಾಮ್ ತೋ ಸುನಾ ಹೋಗಾ ಮುಂತಾದ ಅನೇಕ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದರ ನಂತರ ಅವನೀತ್ ಮರ್ದಾನಿ ಚಿತ್ರದಲ್ಲಿ ರಾಣಿ ಮುಖರ್ಜಿಯೊಂದಿಗೆ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು.
ಅವನೀತ್ ಕೌರ್, 2023 ರಲ್ಲಿ ಕಂಗನಾ ರನೌತ್ ನಿರ್ಮಾಣದ ಚಿತ್ರ ʼಟಿಕು ವೆಡ್ಸ್ ಶೇರುʼ ಮೂಲಕ ಪ್ರಥಮ ಬಾರಿಗೆ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡರು. ಈ ಚಿತ್ರದಲ್ಲಿ, ನಟಿ ತನಗಿಂತ ಎರಡು ಪಟ್ಟು ಹೆಚ್ಚು ವಯಸ್ಸಿನ ನಟನೊಂದಿಗೆ ಚುಂಬನ ಮತ್ತು ಪ್ರಣಯದ ಸೀನ್‌ಗಳಲ್ಲಿ ಕಾಣಿಸಿಕೊಂಡು, ಸಾಕಷ್ಟು ಟ್ರೋಲ್‌ಗೆ ಒಳಗಾಗಿದ್ದರು..
ಅವನೀತ್ ವೃತ್ತಿಜೀವನವು ಚಿಕ್ಕದಾಗಿದ್ದರೂ ಸಹ, ಅವರು ಜಾನ್ವಿ ಕಪೂರ್, ಕರೀನಾ ಕಪೂರ್ ಖಾನ್ ಮತ್ತು ಕಾಜೋಲ್ ಅವರಂತಹ ಬಾಲಿವುಡ್ ನಟಿಯರಿಗಿಂತ ಹೆಚ್ಚು ಜನಪ್ರಿಯತೆಯನ್ನು ಗಳಿಸಿದ್ದಾರೆ. ಅಲ್ಲದೆ, ಸಾಮಾಜಿಕ ಮಾಧ್ಯಮದಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಈ ನಟಿಗೆ 32.3 ಮಿಲಿಯನ್ ಅನುಯಾಯಿಗಳಿದ್ದಾರೆ.
ಅಚ್ಚರಿ ವಿಚಾರ ಅಂದ್ರೆ, ಸ್ಟಾರ್‌ ನಟಿಯರಾದ ಕರೀನಾ, ಕಾಜೋಲ್, ಕಂಗನಾ ರನೌತ್ ಮತ್ತು ಜಾನ್ವಿ ಕಪೂರ್ ಅವರಂತಹ ನಟಿಯರಿಗಿಂತ ಹೆಚ್ಚು ಶ್ರೀಮಂತೆ ಈಕೆ. ಇದಲ್ಲದೇ, ಈಕೆ ಮುಂಬೈನಲ್ಲಿ ಐಷಾರಾಮಿ ಮನೆ ಮತ್ತು ಐಷಾರಾಮಿ ಕಾರುಗಳನ್ನು ಹೊಂದಿದ್ದಾಳೆ.
ಅಲ್ಲದೆ, ಈ ಸುಂದರಿಗೆ ಖಾಸಗಿ ಜೆಟ್ ಅನ್ನು ಇದೆ ಎನ್ನಲಾಗಿದೆ. ಬಾಲಿವುಡ್‌ನಲ್ಲಿ ಅಜಯ್ ದೇವಗನ್, ಅಕ್ಷಯ್ ಕುಮಾರ್ ಮತ್ತು ಅಮಿತಾಬ್ ಬಚ್ಚನ್ ಅವರಂತಹ ಕೆಲವೇ ಕೆಲವು ತಾರೆಗಳು ಖಾಸಗಿ ಜೆಟ್‌ಗಳನ್ನು ಹೊಂದಿದ್ದಾರೆ ಎನ್ನುವುದು ವಿಶೇಷ..
