Bollywood actress life : ಈ ವಿದೇಶಿ ಮಾಡೆಲ್ ಒಂದು ಕಾಲದಲ್ಲಿ ಭಾರತೀಯ ಸಿನಿರಸಿಕ ಹಾಟ್‌ ಫೆವರಿಟ್‌ ಆಗಿದ್ದಳು.. ಮಾಡೆಲಿಂಗ್ ಕ್ಷೇತ್ರದಲ್ಲಿ ಯಶಸ್ಸು ಕಂಡು ನಂತರ ಬಣ್ಣದ ಲೋಕಕ್ಕೆ ಕಾಲಿಟ್ಟ ನಟಿಗೆ ಆ ದಿನಗಳಲ್ಲಿ ಭಾರೀ ಡಿಮ್ಯಾಂಡ್‌... ಅಲ್ಲದೆ, ಈ ಸುಂದರಿ ಕ್ರಿಕೆಟ್‌ ದಿಗ್ಗಜರ ಜೊತೆ ಡೇಟಿಂಗ್ ಕೂಡ ಮಾಡುತ್ತಿದ್ದಳು.. ಯಾರು ಆ ಚೆಲುವೆ..? ಬನ್ನಿ ನೋಡೋಣ..
ಅನೇಕರು ಚಿತ್ರೋದ್ಯಮವನ್ನು ಪ್ರವೇಶಿಸಲು ಮಾಡೆಲಿಂಗ್ ಕ್ಷೇತ್ರವನ್ನು ಆಯ್ಕೆಯಾಗಿ ಆರಿಸಿಕೊಳ್ಳುತ್ತಾರೆ. ಈ ಕ್ಷೇತ್ರದಲ್ಲಿ ಯಶಸ್ಸು ಕಂಡರೆ ಆ್ಯಡ್ ಫಿಲಂ, ನಂತರ ಸಿನಿಮಾ ಅವಕಾಶಗಳು ಬರುತ್ತವೆ ಎಂಬ ನಂಬಿಕೆ ಇದೆ. ಕೆಲವು ವಿದೇಶಿ ಮಾಡೆಲ್‌ಗಳು ತಮ್ಮ ಕ್ಷೇತ್ರದಲ್ಲಿ ಯಶಸ್ವಿಯಾಗಿ ಚಲನಚಿತ್ರಗಳನ್ನು ಪ್ರವೇಶಿಸಿದ್ದಾರೆ.
2000 ರ ದಶಕದ ಆರಂಭದಲ್ಲಿ ಯುರೋಪಿಯನ್ ಮಾಡೆಲ್‌ಗಳು ಮತ್ತು ನೃತ್ಯಗಾರರು ಭಾರತಕ್ಕೆ ಬಂದರು. ಕೆಲ ಸಿನಿಮಾಗಳಲ್ಲಿ ಪೋಷಕ ಪಾತ್ರಗಳು ಮತ್ತು ಐಟಂ ಸಾಂಗ್‌ಗಳಲ್ಲಿ ಕಾಣಿಸಿಕೊಂಡು ಜನಪ್ರಿಯರಾದರು. ಯಾನಾ ಗುಪ್ತಾರಿಂದ ಹಿಡಿದು ನೆಗರ್ ಖಾನ್ ವರೆಗೆ ಹೀಗೆ ಹಲವರು ಬಾಲಿವುಡ್ ಪ್ರವೇಶಿಸಿದ್ದಾರೆ.
ಮೊದಲು ಬಿಗ್ ಬಾಸ್ ಶೋ ಸ್ಪರ್ಧಿಯಾಗಿ ಗುರುತಿಸಿಕೊಂಡ ಈ ಚೆಲುವೆ ಇಬ್ಬರು ಸ್ಟಾರ್ ಕ್ರಿಕೆಟಿಗರೊಂದಿಗೆ ಡೇಟಿಂಗ್ ನಡೆಸಿದ್ದರು. ಆ ಸಮಯದಲ್ಲಿ ವಿಶ್ವದ ಅತ್ಯಂತ ಸೆಕ್ಸಿಯೆಸ್ಟ್ ಮಹಿಳೆ ಎಂದು ಜನಪ್ರಿಯರಾದರು. ಆದರೆ ಅನಿರೀಕ್ಷಿತ ನಿರ್ಧಾರ ತೆಗೆದುಕೊಂಡು ಸನ್ಯಾಸಿನಿಯಾದಳು. ಆಕೆ ಬೇರಾರೂ ಅಲ್ಲ, ಸೋಫಿಯಾ ಹಯಾತ್.
ಸೋಫಿಯಾ ಹಯಾತ್ ಬ್ರಿಟನ್‌ನ ಸಾಂಪ್ರದಾಯಿಕ ಮುಸ್ಲಿಂ ಕುಟುಂಬದಲ್ಲಿ ಹುಟ್ಟಿ ಬೆಳೆದರು. ಆಕೆಯ ಕುಟುಂಬದ ಮೂಲಗಳು ಭಾರತ ಮತ್ತು ಪಾಕಿಸ್ತಾನದಲ್ಲಿವೆ. ಮಾಡೆಲಿಂಗ್‌ನಲ್ಲಿ ಯಶಸ್ಸನ್ನು ಸಾಧಿಸಿದ ನಂತರ ಚಲನಚಿತ್ರಗಳಲ್ಲಿ ಆಸಕ್ತಿ ಹೊಂದಿದ್ದ ಹಯಾತ್, ಭಾರತಕ್ಕೆ ಬಂದು ಸಿನಿ ಉದ್ಯಮದಲ್ಲಿ ನೆಲೆಸಲು ನಿರ್ಧರಿಸಿದರು.
ಅದೇ ರೀತಿ 2008 ರಲ್ಲಿ ಕ್ಯಾಶ್ ಅಂಡ್ ಕರಿ ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಅದರ ನಂತರ ಅವರು ಸಿಕ್ಸ್ ಎಕ್ಸ್ ಮತ್ತು ಅಕ್ಸರ್ 2 ಚಿತ್ರಗಳಲ್ಲಿ ಕಾಣಿಸಿಕೊಂಡರು. 2013 ರಲ್ಲಿ, ಅವರು FHM ಪ್ರಪಂಚದ ಅತ್ಯಂತ ಸೆಕ್ಸಿಯೆಸ್ಟ್ ಮಹಿಳೆಯರ ಪಟ್ಟಿಯಲ್ಲಿ ಕಾಣಿಸಿಕೊಂಡರು.
ಈ ಪಟ್ಟಿಯಲ್ಲಿರುವ ಏಕೈಕ ಭಾರತೀಯ ಎಂದು ಗುರುತಿಸಲಾಗಿದೆ. ಸೋಫಿಯಾ ಬ್ರಿಟನ್ ಮತ್ತು ಭಾರತದಲ್ಲಿ ಅನೇಕ ಟಿವಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರಲ್ಲೂ ಬಿಗ್ ಬಾಸ್ (2013) ಏಳನೇ ಸೀಸನ್ ನಲ್ಲಿ ಭಾಗವಹಿಸಿ ಉತ್ತಮ ಮನ್ನಣೆ ಗಳಿಸಿದ್ದರು.
ಸೋಫಿಯಾ ಬಿಗ್‌ಬಾಸ್‌ ಮನೆಯಲ್ಲಿದ್ದಾಗ ಕೆಲ ವದಂತಿಗಳು ಹಬ್ಬಿದ್ದವು. ಈಕೆ ಭಾರತೀಯ ಕ್ರಿಕೆಟಿಗ ರೋಹಿತ್ ಶರ್ಮಾ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವದಂತಿಗಳಿವೆ. ಅಲ್ಲದೆ, ವಿರಾಟ್ ಕೂಡ ಕೊಹ್ಲಿ ಈಕೆಯ ಸಂಪರ್ಕದಲ್ಲಿದ್ದರು ಎಂಬ ಸುದ್ದಿಗಳೂ ಹೊರ ಬಿದ್ದಿದ್ದವು.. ಆದ್ರೆ ಈ ಕುರಿತು ಅಧಿಕೃತ ಮಾಹಿತಿ ಇಲ್ಲ..
2016 ರಲ್ಲಿ ಬಿಗ್ ಬಾಸ್ ಮುಗಿದ ಮೂರು ವರ್ಷಗಳ ನಂತರ ಸೋಫಿಯಾ ಹಯಾತ್ ಸನ್ಯಾಸತ್ವ ಸ್ವೀಕರಿಸಿದರು. ಸೋಫಿಯಾ ಸಂಪೂರ್ಣವಾಗಿ ಗ್ಲಾಮರ್ ಪ್ರಪಂಚವನ್ನು ತೊರೆಯಲು ನಿರ್ಧರಿಸಿದರು. ಸನ್ಯಾಸತ್ವ ಸ್ವೀಕರಿಸುವ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದರು.
ರೊಮೇನಿಯನ್ ಉದ್ಯಮಿಯನ್ನು ವಿವಾಹವಾಗಿದ್ದ ಸೋಫಿಯಾ, ಒಂದು ವರ್ಷಕ್ಕಿಂತ ಹೆಚ್ಚು ಕಾಲ ಕೂಡಿ ಬಾಳಲಿಲ್ಲ. ಸದ್ಯ ಸೋಫಿಯಾ ಫಿಟ್ನೆಸ್ ಮಾಡೆಲ್ ಆಗಿ ಮುಂದುವರಿದಿದ್ದಾರೆ. ಈಗಲೂ ಸಾಮಾಜಿಕ ಜಾಲತಾಣದಲ್ಲಿ ತುಂಬಾ ಸಕ್ರಿಯವಾಗಿದ್ದಾಳೆ.
