PM Narendra Modi visit Lakshadweep : ಲಕ್ಷದ್ವೀಪಕ್ಕೆ ಪ್ರಧಾನಿ ನರೇಂದ್ರ ಮೋದಿ ಭೇಟಿ ನೀಡಿದ್ದಾರೆ, ಅಲ್ಲಿ ಅವರು ಪ್ರಕೃತಿ ಸೌಂದರ್ಯವನ್ನು ಸವಿಯುತ್ತಾ.. ಸಮುದ್ರದ ದಡದಲ್ಲಿ ಕುಳಿತು ವಿಶ್ರಾಂತಿ ಪಡೆದರು. ಅಲ್ಲದೆ, ಸಮುದ್ರದಲ್ಲಿ ಸ್ನಾರ್ಕ್ಲಿಂಗ್ ಮಾಡಿ, ಸಾಗರದಾಳದಲ್ಲಿನ ಜೀವಿಗಳನ್ನು ಕಣ್ತುಂಬಿಕೊಂಡರು. ಈ ಕುರಿತು ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿವೆ.
ಲಕ್ಷದ್ವೀಪದ ಸೊಬಗನ್ನು, ಅಲ್ಲಿನ ಜನರ ಆತಿಥ್ಯವನ್ನು ನೋಡಿ ಈಗಲೂ ಬೆರಗಾಗಿದ್ದಾಗಿ ಪ್ರಧಾನಿ ಮೋದಿ ಟ್ವೀಟ್ ಮಾಡಿದ್ದಾರೆ.
ಈ ದ್ವೀಪಗಳು ತಮ್ಮ ನೈಸರ್ಗಿಕ ಸೌಂದರ್ಯ ಮತ್ತು ಶಾಂತಿಯುತ ವಾತಾವರಣದಿಂದ ಮೋಡಿಮಾಡುತ್ತವೆ ಎಂದು ನಮೋ ಹೇಳಿಕೊಂಡಿದ್ದಾರೆ.
ಈ ಪರಿಸರವು 140 ಕೋಟಿ ಭಾರತೀಯರ ಕಲ್ಯಾಣಕ್ಕಾಗಿ ಹೇಗೆ ಶ್ರಮಿಸಬೇಕು ಎಂಬುದನ್ನು ಕಲಿಸಿದೆ ಎಂದು ಮೋದಿ ಲಕ್ಷದ್ವೀಪದ ಶಾಂತಿಯುತ ಪ್ರಕೃತಿ ಸೌಂದರ್ಯವನ್ನು ಹೊಗಳಿದ್ದಾರೆ.
ಸಾಹಸ ಪ್ರಿಯರೇ ನಿಮ್ಮ ಪಟ್ಟಿಗೆ ಲಕ್ಷದ್ವೀಪವನ್ನೂ ಸೇರಿಸಿಕೊಳ್ಳಿ ಅಂತ ಪ್ರವಾಸಿಗರಿಗೆ ಸಲಹೆ ನೀಡಿದ್ದಾರೆ ಪ್ರಧಾನಿ.
ಕಳೆದೆರಡು ದಿನಗಳಿಂದ ಪ್ರಧಾನಿ ಮೋದಿ ಕೇರಳ, ತಮಿಳುನಾಡು, ಲಕ್ಷದ್ವೀಪ ಪ್ರವಾಸ ಕೈಗೊಂಡಿದ್ದಾರೆ. ಲಕ್ಷದ್ವೀಪದ ಕಡಲತೀರದಲ್ಲಿ ಅಡ್ಡಾಡಿದರು.
ಸ್ನಾರ್ಕ್ಲಿಂಗ್ ಮಾಡಿದ ನರೇಂದ್ರ ಮೋದಿ, ಸಮುದ್ರದಾಳದಲ್ಲಿನ ಜೀವಿಗಳನ್ನು ಕಂಡು ಖುಷಿಯಾದರು.
