ವಿಶ್ವಕಪ್‌ಗೆ ತೆರಳಿದ ಯುವ ಕ್ರಿಕೆಟಿಗರಿಗೆ ರೋಹಿತ್ ಶರ್ಮಾ ಸಲಹೆ...!

U19 World Cup: ವಿಶ್ವಕಪ್‌ಗೆ ತೆರಳಿದ ಭಾರತೀಯ ಅಂಡರ್ -19 ಕ್ರಿಕೆಟ್ ತಂಡಕ್ಕೆ ಖ್ಯಾತ ಕ್ರಿಕೆಟಿಗ ರೋಹಿತ್ ಶರ್ಮಾ ಶುಭ ಹಾರೈಸಿದರು.

Photo Courtesy: IANS

ಮುಂಬೈ: ವಿಶ್ವಕಪ್(U-19 World Cup) ಗೆ ಹೆಸರುವಾಸಿಯಾದ 19 ವರ್ಷದೊಳಗಿನವರ ತಂಡ ತುಂಬಾ ಪ್ರಬಲವಾಗಿದೆ ಮತ್ತು ಈ ತಂಡವು ದಕ್ಷಿಣ ಆಫ್ರಿಕಾದಲ್ಲಿ ತಮ್ಮ ಪ್ರಶಸ್ತಿಯನ್ನು ಉಳಿಸಿಕೊಳ್ಳಲಿದೆ. ತಂಡವು ಪೂರ್ಣ ಥ್ರಿಲ್ ನೀಡುತ್ತದೆ ಎಂದು ಭಾರತದ ಹಿರಿಯ ತಂಡದ ಆರಂಭಿಕ ಆಟಗಾರ ರೋಹಿತ್ ಶರ್ಮಾ(Rohit Sharma) ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಭಾರತೀಯ ಅಂಡರ್ -19 ಕ್ರಿಕೆಟ್ ತಂಡ ನಿರ್ಗಮಿಸುವ ಸಮಯದಲ್ಲಿ ರೋಹಿತ್ ಆಟಗಾರರಿಗೆ ಶುಭ ಹಾರೈಸಿದರು. ಇದಲ್ಲದೆ ದೊಡ್ಡ ಶಾಟ್‌ಗಳನ್ನು ಆಡುವಲ್ಲಿ ಯಾವುದೇ ಹಾನಿ ಇಲ್ಲ ಎಂದು ರೋಹಿತ್ ಸಲಹೆ ನೀಡಿದ್ದಾರೆ.

ಗಾರ್ಗ್ ನಾಯಕತ್ವದಲ್ಲಿ ಭಾರತೀಯ ತಂಡ:
ಅಂಡರ್ -19 ವಿಶ್ವಕಪ್‌ನ(U-19 World Cup) 13 ನೇ ಆವೃತ್ತಿಯು 16 ತಂಡಗಳಲ್ಲಿ ಆಡಲಿದೆ. ಈ ತಂಡಗಳನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಪ್ರಿಯಮ್ ಗರ್ಗ್ ಭಾರತದ ನಾಯಕತ್ವ ವಹಿಸಲಿದ್ದಾರೆ. ಈ ವಿಶ್ವಕಪ್ ಜನವರಿ 17 ಮತ್ತು ಫೆಬ್ರವರಿ 9 ರ ನಡುವೆ ನಡೆಯಲಿದೆ. ಜಪಾನ್, ನ್ಯೂಜಿಲೆಂಡ್ ಮತ್ತು ಶ್ರೀಲಂಕಾ ಜೊತೆಗೆ ಭಾರತ ತಂಡವನ್ನು 'ಎ' ಗುಂಪಿನಲ್ಲಿ ಇರಿಸಲಾಗಿದೆ. ಪ್ರತಿ ಗುಂಪಿನ ಎರಡು ಉನ್ನತ ತಂಡಗಳು ಸೂಪರ್ ಲೀಗ್ ಹಂತಕ್ಕೆ ಅರ್ಹತೆ ಪಡೆಯಲಿವೆ.

U-19 ತಂಡದ ಬಗ್ಗೆ ರೋಹಿತ್ ಹೇಳಿದ್ದೇನು?
ನಮ್ಮ ತಂಡವು ಎಂದಿಗಿಂತಲೂ ದೃಡವಾಗಿ ಕಾಣುತ್ತದೆ. ನಾವು ಹಿಂದಿನ ಆವೃತ್ತಿಯ ಪ್ರಶಸ್ತಿಯನ್ನು ಗೆದ್ದಿದ್ದೇವೆ. "ಈ ವರ್ಷವೂ ನಮ್ಮ ತಂಡವು ಖಂಡಿತವಾಗಿಯೂ ವಿಶ್ವಕಪ್ ತನ್ನದಾಗಿಸಿಕೊಳ್ಳಲಿದೆ ಎಂದು ನಿಶ್ಚಿತವಾಗಿ ಹೇಳಲಾರೆ, ಆದರೆ ನಮ್ಮ ತಂಡ ಖಂಡಿತವಾಗಿ ಉತ್ತಮವಾಗಿ ಆಡಲಿದೆ ಎಂದು ಹೇಳಬಲ್ಲೆ" . ಇದು ಈ ಆಟಗಾರರಿಗೆ ಒಂದು ದೊಡ್ಡ ವೇದಿಕೆಯಾಗಿದೆ ಮತ್ತು ಈ ರೀತಿಯಾಗಿ ಎಲ್ಲರೂ ಉತ್ತಮವಾಗಿ ಕಾರ್ಯನಿರ್ವಹಿಸಲು ಬಯಸುತ್ತಾರೆ. ಈ ತಂಡವು ಕಪ್ ಅನ್ನು ಮನೆಗೆ ತರುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ರೋಹಿತ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಯುವಕರಿಗೆ ರೋಹಿತ್ ಸಲಹೆ:
ರೋಹಿತ್ ಯುವ ಪ್ರತಿಭೆಗಳಿಗೆ, "ಏರ್ ಶಾಟ್‌ಗಳನ್ನು ಮಾಡುವುದರಲ್ಲಿ ಯಾವುದೇ ತಪ್ಪಿಲ್ಲ. ಆದರೆ ಅದರಿಂದ ನಿಮಗೆ ಸಿಗುವ ಫಲಿತಾಂಶ ಬಹಳ ಮುಖ್ಯ. ಯುವಕರು ದೊಡ್ಡ ಶಾಟ್‌ಗಳನ್ನು ಆಡಲು ಹೆಚ್ಚಾಗಿ ಇಷ್ಟ ಪಡುತ್ತಾರೆ. ಯುವಕರು ಏರ್ ಶಾಟ್‌ಗಳಿಂದ ಉತ್ತಮ ಫಲಿತಾಂಶ ನೀಡುವುದಾದರೆ ಯಾವುದೇ ತಪ್ಪಿಲ್ಲ.  ಆದರೆ ಆಟದ ತಿಳುವಳಿಕೆಯು ಸಹ ಬಹಳ ಮುಖ್ಯವಾಗಿದೆ" ಎಂದು ರೋಹಿತ್ ಸಲಹೆ ನೀಡಿದರು.

ಶಾ ನಾಯಕತ್ವದಲ್ಲಿ ಭಾರತ ಹಿಂದಿನ ಪ್ರಶಸ್ತಿಯನ್ನು ಗೆದ್ದುಕೊಂಡಿತು:
ಪೃಥ್ವಿ ಶಾ ನಾಯಕತ್ವದಲ್ಲಿ ಭಾರತ ಕಳೆದ ವರ್ಷ ಈ ಪ್ರಶಸ್ತಿಯನ್ನು ಗೆದ್ದಿದೆ. ಭಾರತ ಇದುವರೆಗೆ ನಾಲ್ಕು ಬಾರಿ ಅಂಡರ್ -19 ವಿಶ್ವಕಪ್ ಪ್ರಶಸ್ತಿಯನ್ನು ಗೆದ್ದಿದೆ ಮತ್ತು ಅವರು ಈ ವಿಶ್ವಕಪ್‌ನಲ್ಲಿ ಅತ್ಯಂತ ಯಶಸ್ವಿ ತಂಡವೂ ಹೌದು. ಪ್ರಸ್ತುತ ವಿಜೇತರು ಜನವರಿ 19 ರಂದು ಶ್ರೀಲಂಕಾ ವಿರುದ್ಧ ತಮ್ಮ ಮೊದಲ ಪಂದ್ಯವನ್ನು ಆಡಬೇಕಾಗಿದೆ. ಇದರ ನಂತರ ಜನವರಿ 21 ಮತ್ತು 24 ರಂದು ಭಾರತ ಜಪಾನ್ ಮತ್ತು ನ್ಯೂಜಿಲೆಂಡ್ ತಂಡಗಳನ್ನು ಎದುರಿಸಲಿದೆ.