ಫೋನಿನಲ್ಲಿ ಸದಾ ನೆಟ್ ವರ್ಕ್ ಸಮಸ್ಯೆ ಕಾಡುತ್ತಿದ್ದರೆ ಹೀಗೆ ಮಾಡಿ ಒಮ್ಮೆಲೇ ಬೂಸ್ಟ್ ಆಗುತ್ತದೆ ಸಿಗ್ನಲ್

Smartphone Network Problem :ಕೆಲವು ವಿಧಾನಗಳನ್ನು ಅಳವಡಿಸಿಕೊಳ್ಳುವ ಮೂಲಕ ನೆಟ್‌ವರ್ಕ್ ಅನ್ನು ಉತ್ತಮಗೊಳಿಸಬಹುದು.

Smartphone Network Problem :ಸ್ಮಾರ್ಟ್‌ಫೋನ್ ಬಳಸಲು,ಅದರಲ್ಲಿ ಸಿಮ್ ಕಾರ್ಡ್ ಅನ್ನು ಸೇರಿಸಲಾಗುತ್ತದೆ.ಸಿಮ್ ಕಾರ್ಡ್ ಇದ್ದಾಗ ಕರೆ ಮಾಡುವುದು ಮತ್ತು ಇಂಟರ್ನೆಟ್ ಬಳಸುವುದು ಸಾಧ್ಯವಾಗುತ್ತದೆ.ಆದರೆ,ಕೆಲವೊಮ್ಮೆ ಫೋನ್‌ನಲ್ಲಿ ನೆಟ್‌ವರ್ಕ್ ಕವರೇಜ್ ಉತ್ತಮವಾಗಿರುವುದಿಲ್ಲ.ಕೆಲವು ಸ್ಥಳಗಳಲ್ಲಿ ನೆಟ್‌ವರ್ಕ್ ಸಾಮರ್ಥ್ಯವು ಉತ್ತಮವಾಗಿದ್ದರೆ ಮತ್ತೆ ಕೆಲವು ಸ್ಥಳಗಳಲ್ಲಿ ದುರ್ಬಲ ಸಂಕೇತಗಳು ಬರುತ್ತವೆ.ಹೀಗಾದಾಗ ಕರೆ ಮಾಡುವುದು ಇಂಟರ್ನೆಟ್ ಬಳಸುವುದು ಸಾಧ್ಯವಾಗುವುದಿಲ್ಲ.ಆದರೆ,ಕೆಲವು ವಿಧಾನಗಳನ್ನು ಅಳವಡಿಸಿಕೊಳ್ಳುವ ಮೂಲಕ ನೆಟ್‌ವರ್ಕ್ ಅನ್ನು ಉತ್ತಮಗೊಳಿಸಬಹುದು. 

1. ಫೋನ್ ಅನ್ನು ರೀಸ್ಟಾರ್ಟ್ ಮಾಡಿ :ಕೆಲವೊಮ್ಮೆ ಫೋನ್ ಅನ್ನು ರೀಸ್ಟಾರ್ಟ್  ಮಾಡುವ ಮೂಲಕ ನೆಟ್ವರ್ಕ್ ಸಂಪರ್ಕದ ಸಮಸ್ಯೆಯನ್ನು ಪರಿಹರಿಸಬಹುದು.  
2. ಸಿಮ್ ಕಾರ್ಡ್ ಅನ್ನು ಸರಿಯಾಗಿ ಹಾಕಿಕೊಳ್ಳಿ :ನಿಮ್ಮ ಸಿಮ್ ಕಾರ್ಡ್ ಅನ್ನು ಸ್ಲಾಟ್‌ಗೆ ಸರಿಯಾಗಿ ಸೇರಿಸಲಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.ಸಿಮ್ ಕಾರ್ಡ್ ಅನ್ನು ಹೊರ ತೆಗೆದು ಮತ್ತೆ ಹಾಕಬಹುದು.
3. ನೆಟ್‌ವರ್ಕ್ ಸೆಟ್ಟಿಂಗ್‌ಗಳನ್ನು ರಿಸೆಟ್ ಮಾಡಿ :ನಿಮ್ಮ ಫೋನ್‌ನ ನೆಟ್‌ವರ್ಕ್ ಸೆಟ್ಟಿಂಗ್‌ಗಳನ್ನು ಮರುಹೊಂದಿಸುವ ಮೂಲಕ ಈ ಸಮಸ್ಯೆಯನ್ನು ಪರಿಹರಿಸಬಹುದು.
4.ಫೋನ್ ಅನ್ನು ಅಪ್ಡೇಟ್ ಮಾಡಿ :ನಿಮ್ಮ ಫೋನ್‌ನಲ್ಲಿ ಇತ್ತೀಚಿನ ಸಾಫ್ಟ್‌ವೇರ್ ಅಪ್‌ಡೇಟ್‌ಗಳನ್ನು ಇನ್ಸ್ಟಾಲ್ ಮಾಡಿದ್ದೀರಾ ಎಂದು ಖಚಿತಪಡಿಸಿಕೊಳ್ಳಿ.
5. ಏರಿಯಾ ಬದಲಿಸಿ : ಕಟ್ಟಡದ ಒಳಗಿದ್ದರೆ ಅಥವಾ ನೆಟ್‌ವರ್ಕ್ ಸಿಗ್ನಲ್ ದುರ್ಬಲವಾಗಿರುವ ಪ್ರದೇಶದಲ್ಲಿದ್ದರೆ,ತೆರೆದ ಸ್ಥಳಕ್ಕೆ ತೆರಳಿ.
6. ನೆಟ್‌ವರ್ಕ್ ಮೋಡ್ ಬದಲಾಯಿಸಿ :ನಿಮ್ಮ ಸ್ಮಾರ್ಟ್‌ಫೋನ್‌ನ ನೆಟ್‌ವರ್ಕ್ ಮೋಡ್ ಅನ್ನು 4G ನಿಂದ 3G ಅಥವಾ 2G ಗೆ ಬದಲಾಯಿಸಲು ಪ್ರಯತ್ನಿಸಬಹುದು.

ಇದನ್ನೂ ಓದಿ : ಪಕ್ಷಿಗಳು ಯಾವುದೇ ಆಧಾರವಿಲ್ಲದೆ ಮರದ ಕೊಂಬೆಗಳ ಮೇಲೆ ಕುಳಿತು ನಿದ್ರಿಸೋದು ಹೇಗೆ ಗೊತ್ತಾ?

7. ಫೋನ್ ಕೇಸ್ ತೆಗೆಯಿರಿ : ಕೆಲವೊಮ್ಮೆ ಫೋನ್ ಕೇಸ್‌ಗಳು ನೆಟ್‌ವರ್ಕ್ ಸಿಗ್ನಲ್‌ಗಳಿಗೆ ಅಡ್ಡಿಯಾಗಬಹುದು. 
8. ಇತರ ಅಪ್ಲಿಕೇಶನ್‌ಗಳನ್ನು ಮುಚ್ಚಿ : ಬ್ಯಾಕ್ ಗ್ರೌಂಡ್ ನಲ್ಲಿ ರನ್ ಮಾಡುವ ಮೂಲಕ ಇತರ ಅಪ್ಲಿಕೇಶನ್‌ಗಳು ನೆಟ್‌ವರ್ಕ್ ಬ್ಯಾಂಡ್‌ವಿಡ್ತ್ ಅನ್ನು ಬಳಸಬಹುದು. ಆದ್ದರಿಂದ ಈ ಅಪ್ಲಿಕೇಶನ್‌ಗಳನ್ನು ಆಫ್ ಮಾಡಿ. 

ಇದನ್ನೂ ಓದಿ :Jio ಈ ಅಗ್ಗದ ಯೋಜನೆಯಲ್ಲಿ ಅನ್‌ಲಿಮಿಟೆಡ್ ಕಾಲ್ ಜೊತೆ ವರ್ಷಪೂರ್ತಿ ನಿತ್ಯ ಸಿಗುತ್ತೆ 2.5 ಜಿಬಿ ಡೇಟ