YouTube Shorts: ಯೂಟ್ಯೂಬ್ ಶಾರ್ಟ್ಸ್'ನಲ್ಲೀಗ ರೀಮಿಕ್ಸ್‌ ಮ್ಯೂಜಿಕ್, ವೀಡಿಯೋಗಳನ್ನು ಸೇರಿಸುವುದು ಇನ್ನೂ ಸುಲಭ

YouTube Shorts: ಯೂಟ್ಯೂಬ್ ಶಾರ್ಟ್ಸ್ ನಲ್ಲಿ ಹೊಸ ವೈಶಿಷ್ಟ್ಯವೊಂದು ಸೇರ್ಪಡೆಯಾಗಿದೆ. ಇದೀಗ ಈ ವೈಶಿಷ್ಟ್ಯದ ಸಹಾಯದಿಂದ ಬಳಕೆದಾರರು, ಕಿರುಚಿತ್ರಗಳಿಗೆ ಅರ್ಥಾತ್ ಯೂಟ್ಯೂಬ್ ಶಾರ್ಟ್ಸ್ ಗಳಿಗೆ ಮ್ಯೂಸಿಕ್ ಮತ್ತು ವೀಡಿಯೊಗಳನ್ನು ಸುಲಭವಾಗಿ ರೀಮಿಕ್ಸ್‌ಗಳನ್ನು ಮಾಡಬಹುದಾಗಿದೆ. ಇದಕ್ಕಾಗಿ ಯೂಟ್ಯೂಬ್ ತನ್ನ ಬಳಕೆದಾರರಿಗೆ ನಾಲ್ಕು ಟೂಲ್ ಗಳನ್ನು ಒದಗಿಸಲಿದ್ದು, ಇವುಗಳನ್ನು ಬಳಸುವುದು ಕೂಡ ತುಂಬಾ ಸುಲಭ ಎಂದು ಹೇಳಲಾಗುತ್ತಿದೆ.

YouTube Shorts: ಪ್ರಸ್ತುತ ಪ್ರಸಿದ್ದ, ಮನರಂಜನಾ ಮಾಧ್ಯಮಗಳಲ್ಲಿ ಒಂದಾಗಿರುವ ಯೂಟ್ಯೂಬ್ ಟಿಕ್‌ಟಾಕ್‌ಗೆ ಕಠಿಣ ಸ್ಪರ್ಧೆಯನ್ನು ನೀಡಲು ಹೊಸ ವೈಶಿಷ್ಟ್ಯಗಳನ್ನು ತರಲು ಮುಂದಾಗಿದೆ. ಈ ಸಂಚಿಕೆಯಲ್ಲಿ ಯೂಟ್ಯೂಬ್ ತನ್ನ ಬಳಕೆದಾರರಿಗೆ ಕಿರುಚಿತ್ರಗಳನ್ನು ಎಂದರೆ ಯೂಟ್ಯೂಬ್ ಶಾರ್ಟ್ಸ್ ಗಳನ್ನು ಇನ್ನೂ ಆಕರ್ಷಕವಾಗಿಸಲು ಸಂಗೀತ ವೀಡಿಯೋಗಳನ್ನು ಅಥವಾ "ರೀಮಿಕ್ಸ್" ಅನ್ನು ಕಿರು-ಫಾರ್ಮ್ ವೀಡಿಯೊಗಳಿಗೆ ಸೇರಿಸಲು ಸುಲಭವಾಗುವಂತೆ ಹೊಸ ಟೂಲ್ ಗಳನ್ನು ನೀಡುತ್ತಿದೆ. 

ಲಭ್ಯವಿರುವ ಮಾಹಿತಿಯ ಪ್ರಕಾರ, ಜನಪ್ರಿಯ ವೀಡಿಯೊ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಯೂಟ್ಯೂಬ್ ಇದೀಗ ಯೂಟ್ಯೂಬ್ ಶಾರ್ಟ್ಸ್ ನಲ್ಲಿ ಮ್ಯೂಸಿಕ್ ವೀಡಿಯೋಗಳನ್ನು ರೀಮಿಕ್ಸ್ ಮಾಡುವ ಸೌಲಭ್ಯವನ್ನು ಒದಗಿಸುತ್ತಿದೆ.  ಈ ಹೊಸ ವೈಶಿಷ್ಟ್ಯದೊಂದಿಗೆ ಟಿಕ್‌ಟಾಕ್‌ಗೆ ಯೂಟ್ಯೂಬ್ ಕಠಿಣ ಸ್ಪರ್ಧೆಯನ್ನು ನೀಡುತ್ತದೆ ಎಂದು ಹೇಳಲಾಗುತ್ತಿದೆ. ಯೂಟ್ಯೂಬ್ ಗ್ರಾಹಕರು ಇದನ್ನು ಹೇಗೆ ಬಳಸಬಹುದು? ಇದಕ್ಕಾಗಿ ಲಭ್ಯವಿರುವ ಹೊಸ ಟೂಲ್ ಗಳು ಯಾವುವು, ಅವುಗಳನ್ನು ಹೇಗೆ ಬಳಸುವುದು ಎಂದು ತಿಳಿಯೋಣ...  

ಯೂಟ್ಯೂಬ್ ಶಾರ್ಟ್ಸ್ ಗಾಗಿ ಹೊಸ ವೈಶಿಷ್ಟ್ಯ: 
ಯೂಟ್ಯೂಬ್ ಬಳಕೆದಾರರು ತಮ್ಮ ಯೂಟ್ಯೂಬ್ ಶಾರ್ಟ್ಸ್ ಗಳನ್ನು ಇನ್ನೂ ಆಕರ್ಷಕವಾಗಿಸಲು ಯೂಟ್ಯೂಬ್ನಲ್ಲಿ ಯಾವುದೇ ಸಂಗೀತ ವೀಡಿಯೊವನ್ನು ರೀಮಿಕ್ಸ್ ಮಾಡಲು Shorts ರಚನೆಕಾರರಿಗೆ ಸಹಾಯ ಮಾಡುವ ನಾಲ್ಕು ಪರಿಕರಗಳನ್ನು  ಯೂಟ್ಯೂಬ್  ಪರಿಚಯಿಸಿದೆ. ಅವುಗಳೆಂದರೆ, ಕೊಲ್ಯಾಬ್, ಗ್ರೀನ್ ಸ್ಕ್ರೀನ್, ಕಟ್ ಮತ್ತು ಸೌಂಡ್. 

ಇದನ್ನೂ ಓದಿ- ವಾಟ್ಸಾಪ್ ವೆಬ್ ಬಳಕೆದಾರರಿಗೆ ಶೀಘ್ರದಲ್ಲೇ ಸಿಗಲಿದೆ ಹೊಸ ಫೀಚರ್

ಕೊಲ್ಯಾಬ್: 
ಯುಟ್ಯೂಬ್ ಪರಿಚಯಿಸಿರುವ ಮೊದಲನೇ ಪರಿಕರ "ಕೊಲ್ಯಾಬ್" (Collab). ಈ ಉಪಕರಣವು ನಿಮ್ಮ ವೀಡಿಯೊದ ಜೊತೆಗೆ ಸಂಗೀತ ವೀಡಿಯೊಗಳನ್ನು ಪ್ರದರ್ಶಿಸಲು ನಿಮಗೆ ಅನುಮತಿಸುತ್ತದೆ. ಉದಾಹರಣೆಗೆ, ಮ್ಯೂಸಿಕ್ ವೀಡಿಯೋದಿಂದ ನೃತ್ಯ ಸಂಯೋಜನೆಯೊಂದಿಗೆ ನೀವು ನೃತ್ಯ ಮಾಡುವ ಕಿರುಚಿತ್ರವನ್ನು ರಚಿಸಲು ಉಪಕರಣವು ಯೂಟ್ಯೂಬ್ ಬಳಕೆದಾರರಿಗೆ ಅನುಮತಿಸುತ್ತದೆ, ಆದರೆ ಸಂಗೀತ ವೀಡಿಯೊ ನಿಮ್ಮ ಸ್ವಂತ ವೀಡಿಯೊದೊಂದಿಗೆ ಪ್ಲೇ ಆಗುತ್ತದೆ.

ಗ್ರೀನ್ ಸ್ಕ್ರೀನ್: 
"ಗ್ರೀನ್ ಸ್ಕ್ರೀನ್" ಉಪಕರಣವು ನಿಮ್ಮ ಕಿರುಚಿತ್ರದ ಹಿನ್ನೆಲೆಯಾಗಿ ಸಂಗೀತ ವೀಡಿಯೊವನ್ನು ಬಳಸಲು ಬಳಕೆದಾರರಿಗೆ ಅನುಮತಿಸುತ್ತದೆ. ಪ್ರತಿಕ್ರಿಯೆ ವೀಡಿಯೊಗಳಿಗಾಗಿ ನೀವು ಈ ಸ್ವರೂಪವನ್ನು ಬಳಸಬಹುದು. ಅನೇಕ ಜನರು ಮೊದಲ ಬಾರಿಗೆ ಹೊಸ ಸಂಗೀತ ವೀಡಿಯೊಗೆ ಪ್ರತಿಕ್ರಿಯಿಸುವ ವೀಡಿಯೊಗಳನ್ನು ಅಪ್‌ಲೋಡ್ ಮಾಡುತ್ತಾರೆ ಮತ್ತು ಈ ಸ್ವರೂಪವು ಅಂತಹ ಪ್ರಕ್ರಿಯೆಯನ್ನು ಸುಲಭಗೊಳಿಸುತ್ತದೆ ಎಂದು ಹೇಳಲಾಗುತ್ತದೆ. 

ಕಟ್: 
ಯೂಟ್ಯೂಬ್ ಪರಿಚಯಿಸಿರುವ ಮೂರನೇ ಟೂಲ್ ಎಂದರೆ ಕಟ್. ಈ "ಕಟ್" ಉಪಕರಣವು ಬಳಕೆದಾರರಿಗೆ ಮ್ಯೂಜಿಕ್ ವೀಡಿಯೊದ ಐದು-ಸೆಕೆಂಡ್ ಕ್ಲಿಪ್ ಅನ್ನು ತೆಗೆದುಕೊಳ್ಳಲು ಮತ್ತು ಅದನ್ನು ಅವರ ಕಿರುಚಿತ್ರಕ್ಕೆ ಸೇರಿಸಲು ಅನುಮತಿಸುತ್ತದೆ.

ಸೌಂಡ್: 
ಯೂಟ್ಯೂಬ್ ತನ್ನ ಬಳಕೆದಾರರಿಗೆ ನೀಡಿರುವ ನಾಲ್ಕನೇ ಉಪಕರಣ ಎಂದರೆ ಸೌಂಡ್. ಈ "ಸೌಂಡ್" ಟೂಲ್ ರಚನೆಕಾರರು ಸಂಗೀತ ವೀಡಿಯೊದಿಂದ ಕೇವಲ ಧ್ವನಿಯನ್ನು ತೆಗೆದುಕೊಳ್ಳಲು ಮತ್ತು ಅದನ್ನು ತಮ್ಮ ಕಿರುಚಿತ್ರದಲ್ಲಿ ಬಳಸಲು ಅನುವು ಮಾಡಿಕೊಡುತ್ತದೆ ಎನ್ನಲಾಗಿದೆ. 

ಇದನ್ನೂ ಓದಿ- Google Safe Browsing page: ಆಂಡ್ರಾಯ್ಡ್ ಬಳಕೆದಾರರಿಗೆ ಗುಡ್ ನ್ಯೂಸ್: ಈಗ ಮೊದಲಿಗಿಂತಲೂ ಸ್ಟ್ರಾಂಗ್ ಆಗಿರಲಿದೆ ಭದ್ರತೆ

ಯೂಟ್ಯೂಬ್ ನ ಈ ಹೊಸ ವೈಶಿಷ್ಟ್ಯವನ್ನು ಬಳಸುವುದು ಹೇಗೆ? 
* ಯೂಟ್ಯೂಬ್ ನ ಈ ಹೊಸ ವೈಶಿಷ್ಟ್ಯವನ್ನು ಬಳಸಲು , ಬಳಕೆದಾರರು ಮೊದಲಿಗೆ ನೀವು ಚಿಕ್ಕದಾಗಿ ರೀಮಿಕ್ಸ್ ಮಾಡಲು ಬಯಸುವ ಸಂಗೀತ ವೀಡಿಯೊಗೆ ಹೋಗಬೇಕು. 
* ನಂತರ "ರೀಮಿಕ್ಸ್" ಬಟನ್ ಅನ್ನು ಟ್ಯಾಪ್ ಮಾಡಬೇಕು. 
* ಈ ವೇಳೆ ಯೂಟ್ಯೂಬ್ ಪರಿಚಯಿಸಿರುವ ಈ ನಾಲ್ಕು ಟೂಲ್ ಗಳು ನಿಮ್ಮ ಮುಂದೆ ಕಾಣಿಸಿಕೊಳ್ಳುತ್ತವೆ
* ಈ ನಾಲ್ಕು ಸಾಧನಗಳಲ್ಲಿ ನಿಮಗೆ ಬೇಕಾದ ಯಾವುದಾದರೂ ಒಂದು ಟೂಲ್ ಅನ್ನು ಆಯ್ಕೆ ಮಾಡಿ. 

ಆದಾಗ್ಯೂ, ಕೆಲವು ಸಂದರ್ಭಗಳಲ್ಲಿ, ರಚನೆಕಾರರು ಅಥವಾ ಸಂಗೀತ ಲೇಬಲ್ ಶಾರ್ಟ್ಸ್ ರಚನೆಕಾರರು ತಮ್ಮ ಸಂಗೀತ ವೀಡಿಯೊಗಳನ್ನು ರೀಮಿಕ್ಸ್ ಮಾಡಲು ಅನುಮತಿಸಲು ಆಯ್ಕೆ ಮಾಡಿರಬಹುದು. ಅಂತಹ ಸಂದರ್ಭದಲ್ಲಿ ನೀವು ಅಂತಹ ಸಂಗೀತ ವೀಡಿಯೊಗಳನ್ನು ರೀಮಿಕ್ಸ್ ಮಾಡಲು ಸಾಧ್ಯವಾಗುವುದಿಲ್ಲ ಎಂಬುದನ್ನೂ ನೆನಪಿನಲ್ಲಿಡಿ.