Queen Elizabeth II : ಬ್ರಿಟನ್ ರಾಣಿ ಎಲಿಜಬೆತ್ II ಅವರು ಇಂದು ಮಧ್ಯಾಹ್ನ ಬಾಲ್ಮೋರಲ್ ನಲ್ಲಿ ನಿಧನರಾಗಿದ್ದಾರೆ. ಬೆಳಗ್ಗೆಯಿಂದ ಅವರ ಆರೋಗ್ಯ ಸ್ಥಿತಿ ತುಂಬಾ ಗಂಭೀರವಾಗಿತ್ತು ಎಂದು ಬಕಿಂಗ್ ಹ್ಯಾಮ್ ಅರಮನೆ ಮಾಹಿತಿ ನೀಡಿದೆ. ಇವರಿಗೆ 96 ವರ್ಷ ವಯಸ್ಸಾಗಿತ್ತು.
The Queen died peacefully at Balmoral this afternoon.
The King and The Queen Consort will remain at Balmoral this evening and will return to London tomorrow. pic.twitter.com/VfxpXro22W
— The Royal Family (@RoyalFamily) September 8, 2022
ಗುರುವಾರ ವೈದ್ಯರು ತಮ್ಮ ಅಜ್ಜಿ ರಾಣಿ ಎಲಿಜಬೆತ್ ಅವರ ಆರೋಗ್ಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದ ನಂತರ ಬ್ರಿಟನ್ ರಾಜಕುಮಾರ ಹ್ಯಾರಿ ಅವರು ತಮ್ಮ ಪತ್ನಿ ಮೇಘನ್ ಬಿಟ್ಟು ಸ್ಕಾಟ್ಲೆಂಡ್‌ಗೆ ಏಕಾಂಗಿಯಾಗಿ ಪ್ರಯಾಣಿಸುತ್ತಿದ್ದಾರೆ ಎಂದು ಪಿಎ ಮಾಧ್ಯಮ ವರದಿ ಮಾಡಿದೆ.
ಯುನೈಟೆಡ್ ಕಿಂಗಡಮ್ ಗೆ ಸುದೀರ್ಘ ಸೇವೆ ಸಲ್ಲಿಸಿದ ರಾಣಿ ಎಲಿಜಬೆತ್ II ಹಿರಿಮೆ ಇವರಿಗೆ ಸಲ್ಲುತ್ತದೆ, 70 ವರ್ಷಗಳ ಕಾಲ ಆಳ್ವಿಕೆ ನಡೆಸಿ 96 ನೇ ವಯಸ್ಸಿನಲ್ಲಿ ಬಾಲ್ಮೋರಲ್ನಲ್ಲಿ ನಿಧನರಾಗಿದ್ದಾರೆ.
ಗುರುವಾರ ಮುಂಜಾನೆ ಅವರ ಆರೋಗ್ಯದ ಬಗ್ಗೆ ಕಳವಳ ಹೆಚ್ಚಾದ ನಂತರ ರಾಣಿಯ ಕುಟುಂಬವು ಸ್ಕಾಟಿಷ್ ಎಸ್ಟೇಟ್‌ನಲ್ಲಿ ಒಟ್ಟುಗೂಡಿತು.
ರಾಣಿ ಎಲಿಜಬೆತ್ II 1952 ರಲ್ಲಿ ಸಿಂಹಾಸನವೇರಿದ್ದರು. ನಂತರ ಅಗಾಧ ಸಾಮಾಜಿಕ ಬದಲಾವಣೆಗೆ ಸಾಕ್ಷಿಯಾದರು.
ಇವರ ನಿಧನಾನಂತರ ಹಿರಿಯ ಮಗ ಚಾರ್ಲ್ಸ್, ಮಾಜಿ ಪ್ರಿನ್ಸ್ ಆಫ್ ವೇಲ್ಸ್, 14 ಕಾಮನ್ವೆಲ್ತ್ ಸಾಮ್ರಾಜ್ಯಗಳಿಗೆ ಹೊಸ ರಾಜ ಮತ್ತು ರಾಷ್ಟ್ರದ ಮುಖ್ಯಸ್ಥರಾಗಿ ಶೋಕದಲ್ಲಿ ದೇಶವನ್ನು ಮುನ್ನಡೆಸುತ್ತಾರೆ.
ಬಕಿಂಗ್ ಹ್ಯಾಮ್ ಅರಮನೆ ಬಿಡುಗಡೆ ಮಾಡಿರುವ ಹೇಳಿಕೆಯ ಪ್ರಕಾರ "ರಾಣಿ ಇಂದು ಮಧ್ಯಾಹ್ನ ಬಾಲ್ಮೋರಲ್ನಲ್ಲಿ ಶಾಂತಿಯುತವಾಗಿ ನಿಧನರಾದರು.
"ರಾಜ ಮತ್ತು ರಾಣಿ ಇಂದು ಸಂಜೆ ಬಾಲ್ಮೋರಲ್ ನಲ್ಲಿ ಉಳಿಯುತ್ತಾರೆ ಮತ್ತು ನಾಳೆ ಲಂಡನ್ ಗೆ ಹಿಂತಿರುಗುತ್ತಾರೆ."
ವೈದ್ಯರು ರಾಣಿಯನ್ನು ವೈದ್ಯಕೀಯ ಮೇಲ್ವಿಚಾರಣೆಯಲ್ಲಿ ಇರಿಸಿದ ನಂತರ ರಾಣಿಯ ಎಲ್ಲಾ ಮಕ್ಕಳು ಅಬರ್ಡೀನ್ ಬಳಿಯ ಬಾಲ್ಮೋರಲ್‌ಗೆ ಪ್ರಯಾಣ ಬೆಳೆಸಿದರು.
ಅವರ ಮೊಮ್ಮಗ, ಪ್ರಿನ್ಸ್ ವಿಲಿಯಂ ಸಹ ಅಲ್ಲಿಗೆ ಹೊಗಳಿದ್ದಾರೆ, ಅವನ ಸಹೋದರ ಪ್ರಿನ್ಸ್ ಹ್ಯಾರಿ ಕೂಡ ಅಲ್ಲಿಗೆ ಪ್ರಯಾಣ ಬೆಳೆಸಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
