Live Blog
ഉമ്മൻ ചാണ്ടിയുടെ ഭൗതികശരീരം കോട്ടയം തിരുനക്കരയിൽ എത്തിച്ചു. ആയിരങ്ങളാണ് തങ്ങളുടെ പ്രിയപ്പെട്ട നേതാവിന് അന്ത്യാഞ്ജലി അർപ്പിക്കാൻ എത്തിയത്. പുതുപ്പള്ളിയിൽ ആയിരിക്കും സംസ്കാര ചടങ്ങുകൾ നടക്കുക.അദ്ദേഹത്തിൻറെ ആഗ്രഹ പ്രകാരം സർക്കാരിൻറെ ഔദ്യോഗിക ബഹുമതികൾ ഉണ്ടാവില്ല.ഉച്ചക്ക് രണ്ട് മണിയോടെയായിരുന്നു സംസ്കാരച്ചടങ്ങുകള്‍ നടത്താൻ നിശ്ചയിച്ചിരുന്നത്.രാത്രി തിരുനക്കരയിലെത്തേണ്ട വിലാപയാത്ര എത്തി ചേരാൻ വൈകിയിരുന്നു.
ഉമ്മൻ ചാണ്ടിയുടെ സംസ്കാര ശുശ്രൂഷകള്‍ ബസേലിയോസ് മാര്‍ത്തോമ മാത്യൂസ് തൃതീയൻ കാതോലിക്ക ബാവായുടെ പ്രധാന കാര്‍മികത്വത്തിലാണ് നടക്കുക. സഭയിലെ മെത്രാപ്പോലീത്തന്മാര്‍ സഹകാര്‍മ്മികര്‍ ആയിരിക്കും. സെന്റ് ജോര്‍ജ് വലിയ പള്ളിയില്‍ പ്രത്യേകം തയ്യാറാക്കിയ കബറിടത്തിലാണ് ചടങ്ങ്.
