ഭോപ്പാലിൽ പതിനഞ്ചുകാരിയെ തട്ടിക്കൊണ്ടു പോയി കൂട്ടബലാത്സംഗം ചെയ്തുവെന്ന് പരാതി. ഏഴംഗ സംഘമാണ് പെൺകുട്ടിയെ തട്ടിക്കൊണ്ടു പോയത്. മധ്യപ്രദേശിലെ ഗുണ ജില്ലയിലാണ് സംഭവം നടന്നത്. ഒക്ടോബര് 28, വെള്ളിയാഴ്ചയാണ് സംഭവം നടന്നത്. സംഭവത്തിൽ അതിജീവിത നൽകിയ പരാതിയിൽ പൊലീസ് അഞ്ചു പേരെ അറസ്റ്റ് ചെയ്തു. കേസിൽ രണ്ട് പ്രായപൂർത്തിയാകാത്തവരും ഉൾപ്പെട്ടിട്ടുണ്ടെന്നാണ് സൂചന. പെൺകുട്ടിയെ മെഡിക്കൽ പരിശോധനയ്ക്ക് വിധേയയാക്കിയിട്ടുണ്ട്. എന്നാൽ മെഡിക്കൽ റിപ്പോർട്ട് ഇനിയും ലഭിച്ചിട്ടില്ല.
സംഭവത്തിൽ പോസ്കോ നിയമപ്രകാരം പൊലീസ് കേസെടുത്തിട്ടുണ്ട്. പെൺകുട്ടിയെ അബോധാവസ്ഥയിൽ പ്രദേശവാസികൾ കണ്ടെത്തുകയായിരുന്നു. വിജനമായ സ്ഥലത്താണ് പെൺകുട്ടിയെ കണ്ടെത്തിയത്. തുടർന്നാണ് അതിജീവിത തട്ടിക്കൊണ്ടുപോയി കൂട്ടബലാത്സംഗം ചെയ്തതായി പറഞ്ഞത്. ഇതിന് പിന്നാലെ പ്രദേശവാസികൾ പ്രതിഷേധവും സംഘടിപ്പിച്ചിരുന്നു. പ്രതികൾക്കെതിരെ നടപടി സ്വീകരിക്കുമെന്ന് അധികൃതർ ഉറപ്പ് നൽകിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
