80 ദിവസങ്ങളുടെ നീണ്ട ഇടവേള... പെട്രോള്‍-ഡീസല്‍ വിലയില്‍ വര്‍ധനവ്

ന്യൂഡല്‍ഹി: 80 ദിവസത്തെ നീണ്ട ഇടവേളയ്ക്ക് ശേഷം പെട്രോള്‍-ഡീസല്‍ വിലയില്‍ വര്‍ധനവ്!!

ലോക്ക്ഡൌണ്‍ ഇളവുകള്‍ നിലവില്‍ വന്നതിന് പിന്നാലെയാണ് പെട്രോള്‍ ഡീസല്‍ വിലയില്‍ വര്‍ധനവ് രേഖപ്പെടുത്തിയത്. 60 പൈസ വീതമാണ് പെട്രോളിന്‍റെയും ഡീസലിന്‍റെയും റീടെയ്ല്‍ വില കൂടിയത്. മാര്‍ച്ച്‌ 16നാണ് അവസാനമായി രാജ്യത്ത് പെട്രോള്‍ ഡീസല്‍ വിലയില്‍ മാറ്റമുണ്ടായത്. 

കൊറോണ വൈറസ് പടരുന്ന സാഹചര്യത്തില്‍ ഇന്ധന വിലയിലെ തുടര്‍ച്ചയായുള്ള മാറ്റങ്ങള്‍ താല്‍കാലികകമായി നിര്‍ത്തിവച്ചിരുന്നു. സെസ് അല്ലെങ്കില്‍ വാറ്റ് വര്‍ധിച്ചപ്പോള്‍ മാത്രമാണ് ചില സംസ്ഥാനങ്ങളില്‍ പെട്രോള്‍-ഡീസല്‍ വിലയില്‍ വ്യത്യാസം രേഖപ്പെടുത്തിയത്. 

പെട്രോള്‍-ഡീസല്‍ വിലയുടെ എക്സൈസ് ഡ്യൂട്ടി കേന്ദ്രസര്‍ക്കാര്‍ കഴിഞ്ഞ മാസം യഥാക്രമം 10 രൂപയും 13 രൂപയും വര്‍ധിപ്പിച്ചിരുന്നു. എന്നാലിത്, റീടെയ്ല്‍ ബാധിച്ചിട്ടില്ല. 

നഗരം, പെട്രോള്‍ വില, ഡീസല്‍ വില എന്ന ക്രമത്തില്‍:

കൊച്ചി - 72.32, 66.48
ന്യൂഡല്‍ഹി - 71.86, 69.99
മുംബൈ - 78.91, 68.79
ചെന്നൈ -76.07, 68.74
ഹൈദരാബാദ് - 74.61, 68.42
ബാംഗളൂരൂ -74.18, 66.54