നടിപ്പിൻ നായകൻ സൂര്യ നായകനായെത്തിയ ബിഗ് ബജറ്റ് ചിത്രം കങ്കുവ ഒടിടിയിലെത്തുന്നു. വമ്പൻ പ്രമോഷനോട് കൂടി എത്തിയ ചിത്രം തിയേറ്ററിൽ വലിയ ഫ്ലോപ്പ് ആയി മാറുന്നതാണ് കണ്ടത്. പ്രേക്ഷകരുടെ പ്രതീക്ഷകളെ പാടെ തകർക്കുന്നതായിരുന്നു ചിത്രമെന്നാണ് പ്രേക്ഷക പ്രതികരണങ്ങളിൽ നിന്ന് വ്യക്തമായത്. സിനിമയിൽ രണ്ട് ഗെറ്റപ്പുകളിലാണ് സൂര്യ എത്തിയത്.
ടൈം ട്രാവലിലൂടെ കഥ പറയുന്ന സയൻസ് ഫിക്ഷൻ സിനിമയാണ് കങ്കുവ. ബോളിവുഡ് നടി ദിഷ പഠാനിയാണ് നായികയായെത്തിയത്. ബോബി ഡിയോളാണ് വില്ലൻ വേഷത്തിൽ എത്തിയിരിക്കുന്നത്. ബോബി ഡിയോളിന്റെ കോളിവുഡ് അരങ്ങേറ്റം കൂടിയാണ് ചിത്രം.
A tale as old as time & a LEGACY that lives on
KANGUVA arrives to settle it all #KanguvaOnPrime, Dec 8 pic.twitter.com/eDLqMDd2hD— prime video IN (@PrimeVideoIN) December 6, 2024
സിരുത്തൈ ശിവയുടെ സംവിധാനത്തിൽ എത്തിയ കങ്കുവ രണ്ട് കാലഘട്ടത്തിലെ കഥയാണ് പറയുന്നത്. കങ്കുവയെന്നത് പുരാതനമായ തമിഴ്വാക്കാണ്. തീ എന്നാണ് ഇതിന്റെ അർത്ഥം.
യുവി ക്രിയേഷൻസിന്റെ ബാനറിൽ വംശി പ്രമോദും സ്റ്റുഡിയോ ഗ്രീനിന്റെ ബാനറിൽ കെഇ ജ്ഞാനവേൽ രാജയും ചേർന്നാണ് ചിത്രത്തിന്റെ നിർമാണം. ആയിരം വർഷങ്ങൾക്ക് മുമ്പുള്ള കാലഘട്ടത്തിലെ കഥ പറയുന്ന കങ്കുവയിൽ ഒരു യോദ്ധാവിന്റെ വേഷത്തിലാണ് സൂര്യ എത്തിയിരിക്കുന്നത്.
ദേവി ശ്രീ പ്രസാദ് ആണ് സംഗീതം നിർവഹിച്ചത്. ഛായാഗ്രഹണം വെട്രി പളനിസാമി. അടുത്തിടെ അന്തരിച്ച നിഷാദ് യൂസഫാണ് എഡിറ്റിങ്. ഗോകുലം മൂവീസ് ആണ് ചിത്രം കേരളത്തിൽ വിതരണത്തിനെത്തിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
