മലയാളത്തിലെ ആദ്യത്തെ മാപ്പിള ഹിപ്പ് ഹോപ്പ് മ്യൂസിക്ക് വീഡിയോവിലൂടെ ശ്രദ്ധേയരായ മാപ്പിള ലഹള ടീം ഒരിടവേളക്ക് ശേഷം പുതിയ മ്യൂസിക്ക് വീഡിയോ പുറത്തിറക്കുന്നു. പ്രശസ്ത സംഗീത സംവിധായകന്‍ ബിജിപാലും കെ.എല്‍10-പത്ത് എന്ന റൊമാന്റിക്ക്-കോമഡി ചിത്രത്തിലൂടെ ഏറെ ശ്രദ്ധേയനായ യുവസംവിധായകന്‍ മുഹ്സിന്‍ പരാരിയും വീണ്ടും ഒന്നിക്കുന്നു എന്ന പ്രത്യേകതയും പുതിയ വീഡിയോവിനുണ്ട് .മുഹ്സിന്‍ പരാരി ആദ്യമായി എഴുതി സംവിധാനം ചെയ്ത നേറ്റീവ് ബാപ്പയുടെ തുടർച്ചയാണ് പുതിയ വീഡിയോയും എന്നാണ് അണിയറ പ്രവർത്തകർ നൽകുന്ന സൂചന . പരാരിയുടെ ആദ്യ സിനിമയായ കെ.എല്‍ .10 പത്തിന്റെ സംഗീതസംവിധാനവും ബിജിപാല്‍ തന്നെയാണ്നിര്‍വഹിച്ചത്.
ഫ്യൂനറല്‍ ഓഫ് എ നേറ്റീവ് സൺ(Funeralof a Native Son)എന്ന് പേരിട്ടിരിക്കുന്ന ആല്‍ബത്തിന്‍റെ ഫസ്റ്റ് ലുക്ക് പോസ്റ്ററുകള്‍ മാപ്പിള ലഹള ടീമിന്‍റെ അണിയറപ്രവര്‍ത്തകര്‍ഫേസ്ബുക്കില്‍ അപ്ലോഡ് ചെയ്തിട്ടുണ്ട്.നേറ്റീവ് ബാപ്പയില്‍ വേഷമിട്ട മാമുക്കോയ തന്നെയാണ് പുതിയ ആല്‍ബത്തിലും പ്രധാനവേഷത്തിലെത്തുന്നത് എന്നാണ് വിവരം.ആൽബത്തിന്റെ ലിറിക്സ് സന്തോഷ്‌ വർമ,മുഹ്സിൻ,ഹാരിസ് സലീം എന്നിവർ ചേർന്നാണ് എഴുതുന്നത്.
