ലോക പ്രശസ്ത സിറ്റ്കോമാണ് ഫ്രണ്ട്സിലെ കഥാപാത്രത്തിലൂടെ ശ്രദ്ധേയനായ നടൻ മാത്യു പെറി അന്തരിച്ചു. 54ാം വയസിലാണ് അദ്ദേഹത്തിന്റെ അന്ത്യം.
ലോസ് ഏഞ്ചൽസിലെ വീട്ടിലെ ബാത്ത് ടബിലാണ് മാത്യൂ പെറിയെ മരിച്ച നിലയിൽ കണ്ടത്തിയത്.
ശനിയാഴ്ച വൈകീട്ടോടെയാണ് നടനെ മരിച്ച നിലയിൽ കണ്ടെത്തിയതെന്ന് അധികൃതർ പറയുന്നു.
ഹൃദയാഘാതമാണ് മരണകാരണമെന്നാണ് റിപ്പോർട്ട്.
1969 ഓഗസ്റ്റ് 19-നാണ് മാത്യൂ പെറി ജനിച്ചത്.
കുട്ടിക്കാലം മുതൽ അഭിനയരംഗത്ത് സജീവമായിരുന്നു മാത്യൂ.
1994 മുതൽ 2004 വരെ സംപ്രേക്ഷണം ചെയ്ത ഫ്രണ്ട്സിലെ ചാൻഡ്ലർ ബിങ് എന്ന കഥാപാത്രമാണ് മാത്യു പെറിയെ ലോക പ്രശസ്തനാക്കിയത്.
ഇപ്പോഴും ഫ്രണ്ട്സിന് ആരാധകർ നിരവധിയാണ്.
