ഏകദിന ലോകകപ്പില്‍ പാകിസ്താനെതിരെ ഇന്ത്യയെ അനായാസ വിജയത്തിലേയ്ക്ക് നയിച്ചത് നായകന്‍ രോഹിത് ശര്‍മ്മയുടെ വെടിക്കെട്ട് ഇന്നിംഗ്‌സായിരുന്നു. 63 പന്തുകള്‍ നേരിട്ട രോഹിത് 86 റണ്‍സ് നേടി.
Players who hit the most sixes in ODIs: 6 ബൗണ്ടറികളും 6 സിക്‌സറുകളുമാണ് രോഹിത്തിന്റെ ബാറ്റില്‍ നിന്ന് പിറന്നത്. ഏകദിനത്തില്‍ 300 സിക്‌സറുകള്‍ എന്ന നാഴികക്കല്ലും ഇതിലൂടെ ഹിറ്റ്മാന്‍ മറികടന്നു. ഏകദിന ക്രിക്കറ്റിന്റെ ചരിത്രത്തില്‍ ഏറ്റവും കൂടുതല്‍ സിക്‌സറുകള്‍ നേടിയ 10 താരങ്ങള്‍ ആരൊക്കെയാണെന്ന് നോക്കാം.
പാകിസ്താന്റെ വെടിക്കെട്ട് ബാറ്റ്‌സ്മാന്‍ ഷഹീദ് അഫ്രീദിയുടെ പേരിലാണ് ഏകദിനത്തിലെ ഏറ്റവും കൂടുതല്‍ സിക്‌സറുകളുടെ റെക്കോര്‍ഡ്. 398 ഏകദിനങ്ങളില്‍ നിന്ന് 351 സിക്‌സറുകളാണ് അഫ്രീദി അടിച്ചു കൂട്ടിയത്.
വെസ്റ്റ് ഇന്‍ഡീസ് ഇതിഹാസ താരം ക്രിസ് ഗെയിലാണ് പട്ടികയില്‍ രണ്ടാമത്. 301 മത്സരങ്ങളില്‍ നിന്ന് 331 സിക്‌സറുകളാണ് ഗെയ്ല്‍ പറത്തിയത്.
ഇന്ത്യന്‍ നായകന്‍ 'ഹിറ്റ്മാന്‍' രോഹിത് ശര്‍മ്മയാണ് ഏകദിനത്തില്‍ 300 സിക്‌സറുകള്‍ നേടുന്ന മൂന്നാമത്തെ താരം. 254 മത്സരങ്ങളില്‍ നിന്ന് 302 സിക്‌സറുകളാണ് രോഹിത്തിന്റെ അക്കൗണ്ടിലുള്ളത്.
ശ്രീലങ്കയുടെ വെടിക്കെട്ട് ബാറ്റ്‌സ്മാനായിരുന്ന സനത് ജയസൂര്യയാണ് പട്ടികയില്‍ നാലാമത്. 445 മത്സരങ്ങള്‍ കളിച്ച ജയസൂര്യ 270 സിക്‌സറുകള്‍ അടിച്ചിട്ടുണ്ട്.
ഇന്ത്യയുടെ ഇതിഹാസ നായകന്‍ മഹേന്ദ്ര സിംഗ് ധോണിയാണ് പട്ടികയിലെ അഞ്ചാമന്‍. 350 ഏകദിന മത്സരങ്ങള്‍ കളിച്ച ധോണി 229 സിക്‌സറുകള്‍ അടിച്ചുകൂട്ടിയിട്ടുണ്ട്.
ഇയോന്‍ മോര്‍ഗന്‍ (220), എബി ഡിവില്യേഴ്‌സ് (204), ബ്രണ്ടന്‍ മക്കല്ലം (200), സച്ചിന്‍ ടെണ്ടുല്‍ക്കര്‍ (195), സൗരവ് ഗാംഗുലി (190) എന്നിവരാണ് 6 മുതല്‍ 10 വരെയുള്ള സ്ഥാനങ്ങളിലെ താരങ്ങള്‍.
