Election results 2019 : माढा मतदारसंघातून रणजितसिंह नाईक निंबाळकर विजयी

माढा मतदारसंघातून रणजितसिंह नाईक निंबाळकर यांचा विजय झाला आहे. या मतदारसंघात राष्ट्रवादीचं वर्चस्व होत मात्र माढ्यात अखेर भाजपानेचं बाजी मारली आहे.

माढा : माढा मतदारसंघातून भाजपाचे रणजितसिंह नाईक निंबाळकर यांचा विजय झाला आहे. या मतदारसंघात राष्ट्रवादीचं वर्चस्व होत मात्र माढ्यात अखेर भाजपानेचं बाजी मारली आहे. राष्ट्रवादीचे उमेदवार संजय शिंदे यांचा दारुण पराभव करत रणजितसिंह यांनी हा विजय मिळवला आहे. २००९ च्या मतदारसंघ फेररचनेत पूर्वीचा पंढरपूर लोकसभा मतदारसंघ माढा लोकसभा मतदारसंघ म्हणून अस्तित्वात आला. पंढरपूर लोकसभा मतदारसंघ असताना १९७७ पासून १९९९ पर्यंत या  मतदारसंघावर काँग्रेसचं वर्चस्व होतं. अर्थात त्यामागे मोहिते पाटील घराण्याची मोठी ताकद होती. १९९९ ला शरद पवार काँग्रेसमधून बाहेर पडल्यानंतर मोहिते पाटीलही राष्ट्रवादी काँग्रेसमध्ये गेले. राष्ट्रवादी काँग्रेसच्या पाठिंब्यावर रामदास आठवले १९९९ आणि २००४ असे दोन वेळा चांगल्या मताधिक्याने विजयी झाले. २००९ ला विजयसिंह मोहिते पाटील माढ्यातून निवडणूक लढायला इच्छुक होते. मात्र राजकीय सत्ता संघर्षातून त्यांना माघार घ्यावी लागली आणि शरद पवार तीन लाख मताधिक्यानं निवडून आले. २०१४ ला मोदी लाटेचा अंदाज घेत शरद पवारांनी लोकसभा निवडणूक न लढवता राज्यसभेवर जाणं पसंत केलं. 

महाराष्ट्रातल्या सगळ्या ४८ मतदारसंघातले निकाल

मुंबई

कोकण

विदर्भ 

पश्चिम महाराष्ट्र

मराठवाडा

उत्तर महाराष्ट्र

२०१४ निवडणुकीची आकडेवारी

उमेदवार	पक्ष	मतदान
विजयसिंह मोहिते पाटील	राष्ट्रवादी	489989
सदाभाऊ खोत	स्वा. शे. संघटना	464645
प्रतापसिंग मोहित पाटील	अपक्ष	25187
कुंदन बनसोडे	बसपा	15790
नवनाथ पाटील	हिंदुस्थान प्रजा पक्ष	8853