சூப்பர் ஸ்டார் ரஜினிகாந்த் நடிக்கும் 'ஜெயிலர்' படத்தில் ஓய்வுபெற்ற ஜெயிலராக நடிப்பதைக் காண அவரது ரசிகர்கள் ஆவலுடன் காத்திருக்கின்றனர்.
நெல்சன் இயக்கியுள்ள இந்த அதிரடி ஆக்சன் படம் ஆகஸ்ட் 10 ஆம் தேதி திரையரங்குகளுக்கு வருகிறது. இப்போது, படத்தின் ஆடியோ வெளியீட்டு விழா குறித்த ஹாட் அப்டேட் கிடைத்துள்ளது.
ஜெயிலரின் இசை வெளியீட்டு விழாவை ஜூலை மூன்றாவது வாரத்தில் பிரமாண்டமாக நடத்த தயாரிப்பு நிறுவனம் திட்டமிட்டுள்ளது. ஜெயிலர் ஆடியோ வெளியீட்டு விழா சென்னையில் ஜூலை 23-ம் தேதி நடைபெற உள்ளது.
சன் பிக்சர்ஸ் மிக விரைவில் முதல் சிங்கிள் ஒன்றை வெளியிட்டு ப்ரோமோஷன் பணிகளை தொடங்கும் என எதிர்பார்க்கப்படுகிறது.
30 சதவீத பணிகள் மட்டுமே நிலுவையில் உள்ளது. ஜெயிலரில் சிவ ராஜ்குமார், மோகன்லால், சுனில், ஜாக்கி ஷெராஃப், தமன்னா, வசந்த் ரவி, விநாயகன், யோகி பாபு, ரம்யா கிருஷ்ணன், மிர்னா மற்றும் பலர் நடித்துள்ளனர்.
அனிருத் ரவிச்சந்தர் இசையமைக்க, விஜய் கார்த்திக் கண்ணனின் ஒளிப்பதிவு, நிர்மல் படத்தொகுப்பு என பெரிதும் எதிர்பார்ப்புகளுக்கு மத்தியில் இப்படம் உள்ளது.
