IPL History: ஐபிஎல் தொடர் வரலாற்றில் இதுவரை தலைமை பயிற்சியாளர்களாக இருந்து கோப்பையை வென்ற கிரிக்கெட் ஜாம்பவான்கள் குறித்து இந்த புகைப்படத்தொகுப்பில் விரிவாக காணலாம்.
ஐபிஎல் தொடரின் 17வது சீசன் தற்போது நடைபெற்று வருகிறது. நாளை மறுநாளுடன் இந்த சீசன் நிறைவு பெறுகிறது.
ஐபிஎல் தொடரில் இதுவரை நடைபெற்று முடிந்த 16 சீசன்களில் மும்பை, சென்னை அணிகள் தலா 5 முறையும், கொல்கத்தா 2 முறையும், ராஜஸ்தான் ராயல்ஸ், டெக்கான் சார்ஜர்ஸ், சன்ரைசர்ஸ் ஹைதராபாத், குஜராத் டைட்டன்ஸ் அணி தலா 1 முறையும் கோப்பையை வென்றன.
அந்த வகையில், இந்த 16 சீசன்களில் கோப்பையை வென்று கொடுத்த அணிகளுக்கு முதுகெலும்பாக இருந்தவர்கள் என்றால் அந்த அணியின் தலைமை பயிற்சியாளர்களை எனலாம். அந்த வகையில், தலைமை பயிற்சியாளர்களாக இருந்து கோப்பையை வென்ற கிரிக்கெட் ஜாம்பவான்களை இங்கு காணலாம்.
9. ஆஷிஷ் நெஹ்ரா: 2022ஆம் ஆண்டு குஜராத் டைடன்ஸ் அணி வென்றதற்கு முக்கிய காரணம் இந்திய அணியின் முன்னாள் வீரர் ஆஷிஷ் நெஹ்ரா.
8. மஹேலா ஜெயவர்தனே: மும்பை இந்தியன்ஸ் அணி 2017, 2019 மற்றும் 2020 ஆகிய மூன்று ஆண்டிகளிலும் கோப்பையை வெல்ல இலங்கை அணியின் ஜாம்பவான் ஜெயவர்தனே பெரும் பங்காற்றினார்.
7: டாம் மூடி: 2016ஆம் ஆண்டில் சன்ரைசர்ஸ் ஹைதராபாத் கோப்பையை வெல்ல டேவிட் வார்னர் ஒரு முக்கிய காரணம் என்றால், அந்த அணியின் பயிற்சியாளராக அப்போது செயல்பட்ட டாம் மூடியும் தவிர்க்க முடியாதவர். இவர் ஆஸ்திரேலியாவின் ஜாம்பவான் ஆவார்.
6. ரிக்கி பாண்டிங்: மும்பை இந்தியன்ஸ் அணியின் கேப்டனாகவும் இருந்து பின்னர் பயிற்சியாளராக மாறிய ஆஸ்திரேலிய அணியின் முன்னாள் கேப்டன் ரிக்கி பாண்டிங் 2015இல் அந்த அணி கோப்பையை வெல்ல முக்கிய காரணியாக இருந்தார்.
5. ஜான் ரைட்: நியூசிலாந்து அணியின் ஜாம்பவானான இவர் 2013ஆம் ஆண்டில் முதல்முறையாக மும்பை இந்தியன்ஸ் கோப்பையை வெல்ல உறுதுணையாக இருந்தவர் எனலாம். இந்த ஆண்டில்தான் ரிக்கி பாண்டிங் கேப்டன்ஸியில் இருந்து விலகி ரோஹித் சர்மா கேப்டன் பொறுப்பை பெற்றார்.
4. டிரெவர் பேலிஸ்: 2012 மற்றும் 2014ஆம் ஆண்டுகளில் கம்பீர் கேப்டன்ஸியில் கொல்கத்தா இரண்டு முறை கோப்பையை வெல்ல ஆஸ்திரேலிய ஜாம்பவான் டிரெவர் பேலிஸ் முக்கிய பங்காற்றினார்.
3. ஸ்டீபன் பிளெமிங்: நியூசிலாந்தின் ஜாம்பவானான இவர் தான் தோனி தலைமையில் சிஎஸ்கே 2010, 2011, 2018, 2021, 2023 ஆகிய ஐந்து முறையும் கோப்பையை வெல்ல முதுகெலும்பாக செயல்பட்டவர்.
2. டேரன் லேமன்: ஆஸ்திரேலியா ஜம்பவான இவர் தலைமை பயிற்சியாளராக செயல்பட்டபோதே, ஆடம் கில்கிறிஸ்ட் தலைமையில் டெக்கான் சார்ஜர்ஸ் அணி 2009ஆம் ஆண்டில் கோப்பையை வென்றது.
1. ஷேன் வார்னே: 2008ஆம் ஆண்டில் ராஜஸ்தான் ராயல்ஸ் அணியின் கேப்டனாகவும், தலைமை பயிற்சியாளராகவும் செயல்பட்டு ஷேன் வார்னே கோப்பையை முத்தமிட்டார்.
