Chiranjeevi with NRI Fans : మీ అభిమానంతో కడుపు నిండుతోంది.. ఎన్నారై ఫ్యాన్స్‌తో చిరు ముచ్చట్లు

Chiranjeevi interacts with North American మెగాస్టార్ చిరంజీవి బాక్సాఫీస్ మీద దండయాత్ర చేస్తే ఎలా ఉంటుందో మరోసారి వాల్తేరు వీరయ్య సినిమా నిరూపించింది. వీరయ్య విధ్వంసానికి అన్ని రికార్డులు బద్దలవుతున్నాయి. వీరయ్య సినిమా కంటే ముందుగా బాలయ్య వీర సింహా రెడ్డి సినిమా రిలీజ్ అయినా కూడా.. ఇప్పుడు కలెక్షన్లలో ఎంత తేడా ఉందో తెలిసిందే. అన్ని కోట్ల తేడా ఉందంటే.. సినిమాను జనాలు ఏ రేంజ్‌లో నెత్తిన పెట్టుకున్నారో ప్రత్యేకంగా చెప్పాల్సిన పని లేదు.

ఇక రెండు తెలుగు రాష్ట్రాల్లోనే కాకుండా ఓవర్సీస్‌లో వాల్తేరు వీరయ్యకు జనాలు నీరాజనాలు పడుతున్నారు. అక్కడ రెండు వారాల్లోనే రెండున్నర మిలియన్ల డాలర్లకు చేరుకుంది. ఇప్పటికే ఈ చిత్రం అక్కడ 2.3 మిలియన్ డాలర్లను కలెక్ట్ చేసినట్టు తెలుస్తోంది. ఇక అక్కడ ఇంత రెస్పాన్స్ రావడంతో ఫ్యాన్స్‌ను సర్ ప్రైజ్ చేసేందుకు చిరు ఇలా జూమ్ కాల్‌లో దర్శనమిచ్చాడు.

చిరంజీవి తన యూఎస్ అభిమానులతో ముచ్చటించాడు. వారితో కలిసి సంభాషించాడు. వారితో కలిసి ఆనందాన్ని పంచుకున్నాడు. వీరయ్య స్టైల్లో డైలాగ్స్ చెప్పాడు. మీ ఆనందం, ప్రేమతో నాకు కడుపు నిండిపోతోందని అన్నాడు. ప్రస్తుతం చిరంజీవి షేర్ చేసిన ఈ వీడియో వైరల్ అవుతోంది.

వాల్తేరు వీరయ్య సినిమా హిట్ అవ్వడంతో ఇప్పుడు తన నుంచి ఎలాంటి చిత్రాలు ప్రేక్షకులకు కావాలో అర్థమైందని, ఇకపై తాను సైరా, గాడ్ ఫాదర్ లాంటి సినిమాలు చేయనని, తన నుంచి మాస్ మసాలా కమర్షియల్ చిత్రాలే వస్తాయని చిరంజీవి తన అభిమానులతో చెప్పుకొచ్చాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.