KA Teaser: మంచివాడిగా కనిపించే చెడ్డోడు…ఆసక్తి తెప్పించిన కిరణ్ అబ్బవరం ‘క’ టీజర్

KA Teaser: రాజువారు.. రాణివారు.. సినిమాతో తెలుగు ప్రేక్షకులకు పరిచయమైన హీరో కిరణ్ అబ్బవరం. ఆ తరువాత ఎస్ఆర్ కళ్యాణమండపం చిత్రంతో మంచి విజయం సాధించారు. ఇక అప్పటినుంచి.. వరుస సినిమాలు చేసుకుంటూ.. దూసుకుపోతున్నారు ఈ హీరో. హిట్లు.‌ ఫ్లాపులతో సంబంధం లేకుండా.. సంవత్సరానికి కనీసం నాలుగైదు.. సినిమాలు చేస్తున్నారు. అయితే ఈ మధ్య విడుదలైన ఈ హీరో సినిమాలు.. అన్నీ కూడా ఫ్లాపులగానే నిలిచాయి. ఈ క్రమంలో ఇప్పుడు ఎలాగైనా మంచి విజయం సాధించాలని.. కొత్త కాన్సెప్ట్ తో ప్రేక్షకుల ముందుకు రాడానికి సిద్ధమయ్యారు.

కొద్ది రోజుల క్రితమే.. కిరణ్ అబ్బవరం ‘క’ అనే సినిమాని ప్రకటించిన సంగతి తెలిసిందే. శ్రీచక్రాస్ ఎంటర్టైన్మెంట్స్ బ్యానర్ లో గోపాలకృష్ణ నిర్మాణంలో సుజీత్, సందీప్ ఇద్దరు దర్శకుల.. దర్శకత్వంలో కిరణ్ అబ్బవరం నెక్స్ట్ సినిమా ‘క’ తెరకెక్కుతుంది. కాగా ఈ చిత్రం షూటింగ్  ఇప్పటికే మొత్తం పూర్తయి పోస్ట్ ప్రొడక్షన్ లో బిజీగా ఉంది.

ఇక ఈ సినిమాలోనే ఈ చిత్ర టీజర్ ని ఈరోజు విడుదల చేశారు. ఈ టీజర్ ఈ హీరో పాత సినిమాల లాగా కాకుండా.. సరికొత్త కాన్సెప్ట్తో తెరకెక్కుతున్నట్టు అర్థమవుతుంది. ఈ టీజర్ చూసినట్లయితే.. హీరో ఎక్కడ్నుంచో ఓ ఊరికి పోస్ట్ మెన్ గా వచ్చి అక్కడ ఏదో చేస్తూ ఉంటాడు.. ఇక అతని గురించి చెబుతూ మంచివాడిగా కనిపించే చెడ్డోడు అని ఆసక్తి తెప్పించారు. ఇక ఇది పీరియాడిక్ యాక్షన్ థ్రిల్లర్ సినిమాగా తెరకెక్కుతుంది. 

మరో ఆసక్తికర విషయం ఏమిటి అంటే ‘క’ సినిమాని ఏకంగా 20 కోట్ల భారీ బడ్జెట్ తో నిర్మిస్తున్నారు. ఈ సినిమా సెప్టెంబర్ లేదా అక్టోబర్ లో తెలుగుతో పాటు తమిళ, మలయాళ, కన్నడ భాషల్లో కూడా విడుదల చేస్తారని సమాచారం. కిరణ్ అబ్బవరం ఇన్ని సంవత్సరాలు.. లవ్, కమర్షియల్ సినిమాలతో పలకరించగా.. ఇప్పుడు మాత్రం రూటు మార్చి సరికొత్త కాన్సెప్ట్ తో భారీ పీరియాడిక్, భారీ బడ్జెట్ వస్తున్నాడు. మరి ఈ చిత్రం అన్న ఈ హీరోకి తగిన స్థాయి విజయం  అందిస్తుందో..లేదో చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.