Rashmika Mandanna : కన్నడ ఇండస్ట్రీ బ్యాన్.. లోపల జరిగేది వేరంటూ నోరు విప్పిన రష్మికా మందన్న

Rashmika Mandanna Comments on Kannada industry Ban : హీరోహీరోయిన్ల మీద బ్యాన్ విధించడం అంటే అంత ఆషామాషీ వ్యవహారం కాదు. అదీ టాప్ రేంజ్‌లో దూసుకుపోతూ నేషనల్ వైడ్‌గా క్రేజ్ తెచ్చుకున్న హీరోయిన్ల మీద బ్యాన్ వేయడానికి ఎవ్వరూ ముందుకు రారు. అలా కన్నడ పరిశ్రమ రష్మిక మీద బ్యాన్ వేసిందంటూ గత కొన్ని రోజులుగా వార్తలు వైరల్ అవుతూనే వచ్చాయి. రక్షిత్ శెట్టి చార్లి, రిషభ్ శెట్టి కాంతారా సినిమాల మీద రష్మిక స్పందించలేదు. కాంతారా సినిమాను చూడలేదు అంటూ రష్మిక చెప్పింది.

ఆ మాటలు వివాదానికి దారి తీశాయి. మరో సందర్భంలో తన ఫస్ట్ ప్రొడక్షన్ కంపెనీ పేరు చెప్పేందుకు కూడా రష్మికకు మనసు రాలేదు. దీంతో రిషభ్ శెట్టి కూడా కౌంటర్లు వేశాడు. అలా ఈ వివాదం చిలికి చిలికి గాలి వానలా మారింది. చివరకు రష్మికను బ్యాన్ చేశారంటూ వార్తలు కూడా వచ్చాయి. దీనిపై రష్మిక స్పందించింది. ఇక రిషభ్ శెట్టి, రక్షిత్ శెట్టిలతో రిలేషన్ ఎలా ఉందో కూడా చెప్పేసింది. నాకు వారి పట్ల అయితే ప్రేమే ఉంది.. ఆ వివాదం మీద ఎలా స్పందించాలి..ఏం చెప్పాలో తెలియడం లేదు.. ఇది వారికే వదిలేస్తున్నాను అంటూ ట్రోలింగ్ మీద స్పందించింది.

కాంతారా వివాదం మీద కూడా రష్మిక స్పందించింది. విడుదలైన రెండు మూడు రోజుల్లోనే సినిమాను చూశారా? అని అడిగారు.. నేను అప్పటికి చూడలేదు.. అదే విషయాన్ని చెప్పాను.. ఈ మధ్యే సినిమాను చూశా.. బాగుందని టీంకు మెసెజ్ పెట్టా.. థాంక్యూ అని అటు నుంచి రిప్లై కూడా వచ్చింది.. అంటూ రష్మిక చెప్పుకొచ్చింది. ఇక బయటి ప్రపంచానికి లోపల ఏం జరుగుతుందో తెలియదు.. నేను మా పర్సనల్ లైఫ్‌ మీద వచ్చే కామెంట్ల కంటే.. ప్రొఫెషనల్ లైఫ్ మీద వచ్చే కామెంట్లను పట్టించుకుంటాను..ఇప్పటికైతే నా మీద బ్యాన్ వేయలేదు అంటూ రష్మిక క్లారిటీ ఇచ్చింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.