Samantha Ruth Prabhu Resumes Shoot సమంత గత కొన్ని నెలలుగా ఇంటికే పరిమితమైన విషయం తెలిసిందే. సమంత ఇప్పుడు మయోసైటిస్ నుంచి కోలుకున్నట్టుగా కనిపిస్తోంది. అందుకే సినిమా సెట్‌లోకి అడుగు పెట్టినట్టు సమాచారం అందుతోంది. రాజ్ అండ్ డీకే తెరకెక్కిస్తోన్న వెబ్ సిరీస్‌లో వరుణ్ ధావన్‌కు జోడిగా సమంత నటిస్తోన్న సంగతి తెలిసిందే. సమంతకు ఆరోగ్యం బాగా లేకపోవడంతో ఆమె డేట్స్‌ను అడ్జస్ట్ చేసి.. షూటింగ్‌ను మళ్లీ ప్రారంభించారట. ఈ వెబ్ సిరీస్‌ షూటింగ్ కోసమే సమంత ముంబైకి వెళ్లిందని తెలుస్తోంది.


COMMERCIAL BREAK
SCROLL TO CONTINUE READING

గత ఏడాది సమంత యశోద సినిమా ప్రమోషన్స్‌లో పాల్గొనలేకపోయింది. ఈ సినిమా రిలీజ్ సమయంలోనే సమంత తనకు వచ్చిన మయోసైటిస్ గురించి చెప్పి అందరినీ కలవర పెట్టేసింది. సమంత ఎలాంటి దుస్థితిలో ఉందో తెలియడంతో అభిమానులు పూజలు కూడా చేశారు. త్వరగా కోలుకోవాలని ప్రార్థనలు చేశారు. మొన్న శాకుంతలం ట్రైలర్ ఈవెంట్ కోసం మొదటి సారిగా సమంత బయటకు వచ్చింది.


శాకుంతలం ట్రైలర్ ఈవెంట్‌లోనూ సమంత కాస్త నలతగా కనిపించింది. అయినా కూడా సమంత బయటకు వచ్చింది. సినిమా ప్రమోషన్స్ కోసం శక్తినంతా కూడగట్టుకుని బయటకు వచ్చింది. ఇప్పుడు ఇలా ముంబైలో షూటింగ్ చేసేందుకు కూడా రెడీ అయింది. ఇక ఫిబ్రవరిలో విజయ్ దేవరకొండ ఖుషి సినిమాను కూడా ప్రారంభించబోతోన్నారని తెలుస్తోంది.


మామూలుగా అయితే ఈ పాటికే ఖుషి సినిమా షూటింగ్ అయిపోవాలి. కానీ సమంతకు హెల్త్ బాగా లేదని షూటింగ్‌ను క్యాన్సిల్ చేశారు. సమంత ఎప్పుడు ఓకే అంటే అప్పుడే సినిమాను తీయాలని మేకర్లు భావించారు. శివ నిర్వాణ సైతం మరో ప్రాజెక్ట్ జోలికి వెళ్లలేదు. కానీ విజయ్ దేవరకొండ మాత్రం ఆల్టర్నేట్‌గా గౌతమ్ తిన్ననూరి ప్రాజెక్ట్‌ను ప్రారంభించేశాడు.


Also Read:  Disha Patani Pics : చెక్కిన శిల్పంలా ఉంది!.. ఒంపుసొంపులు కనిపించేలా దిశా పటానీ అందాల ప్రదర్శన


Also Read: Deva Katta : ఆ స్క్రిప్ట్ నాదే.. బీర్ బాటిల్స్ నావి కాదు.. దేవా కట్టా పోస్ట్ వైరల్



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


ఆండ్రాయిడ్ లింక్ -  https://bit.ly/3P3R74U 


ఆపిల్ లింక్ -  https://apple.co/3loQYe 


Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి