March Bank Holidays: మార్చి నెలలో బ్యాంకు సెలవు దినాలు అన్ని రోజులా?

హైదరాబాద్:  మార్చి నెలలో బ్యాంకు ఖాతాదారులు అప్రమత్తంగా ఉండాలి. ముఖ్యమైన లావాదేవీలు ఉంటే ఈ నెలలో బ్యాంకుల సెలవు దినాల వివరాలు తెలుసుకుని మీ లావాదేవీలు చేసుకోవడం ఉత్తమం. జనవరి తరహాలోనే ఈ నెలలో భారీగా సెలవు దినాలు కనిపిస్తున్నాయి. బ్యాంకు యూనియన్ల సమ్మె కారణంగా మరో మూడు రోజులు అదనంగా బ్యాంకులు సేవలు అందుబాటులో ఉండవు. మార్చి 1 తొలి రోజుతోనే బ్యాంకు సెలవు దినం మొదలవుతుంది.

మార్చి నెలలో 1, 8, 10, 14, 15, 22, 25, 28, 29 తేదీలు సెలవు దినాలు. కాగా మార్చి 1, 8, 15, 22, 29 ఆదివారాలు  (14, 28 రెండో శనివారాలు) ఉద్యోగులకు వీక్లీ ఆఫ్ కారణంగా బ్యాంకు సేవలు అందుబాటులో ఉండవు. మార్చి 10న (మంగళవారం) హోలీ, మార్చి 25న (బుధవారం) తెలుగు సంవత్సరాది ఉగాది పండుగని పురస్కరించుకుని బ్యాంకులకు సెలవులు.

కాగా, ఈ నెలలో బ్యాంకు యూనియన్లు సమ్మెబాట పడతామని ఇదివరకే ప్రకటించాయి. నేపథ్యంలో మార్చి 11, 12, 13 మూడు రోజులు అదనంగా బ్యాంకులు పనిచేయకపోవచ్చు. అయితే మార్చి 5 కేంద్ర లేబర్ కమిషనర్ వద్ద జరిగే చర్చలతో ఈ మూడు రోజులపాటు బ్యాంకు సేవలు అందుబాటులోకి వస్తాయా లేదా అనేదానిపై స్పష్టత రానుందని బ్యాంకు అధికారులు చెబుతున్నారు.