Heart Diseases: గుండె పోటు సమస్యలకు ఇలా పెసర పప్పు చెక్‌ పెట్టొచ్చు.. ఎలానో తెలుసా..?

Yellow Moong Dal Heart Diseases: మనమందరం ఖచ్చితంగా పెసర పప్పును ఆహారంలో క్రమం తప్పకుండా  తీసుకుంటాము. ఇందులో శరీరానికి కావాల్సిన విటమిన్ ఎ, విటమిన్ బి, విటమిన్ సి, ఫైబర్, పొటాషియం, ఫాస్పరస్, మెగ్నీషియం మొదలైనవి లభిస్తాయి. కాబట్టి ఈ పప్పును క్రమం తప్పకుండా తీసుకుంటే శరీరానికి చాలా రకాల ప్రయోజనాలు చేకూరుతాయి. అంతేకాకుండా ఇందులో ఉండే గుణాలు చెడు కొలెస్ట్రాల్‌ను తగ్గించేందుకు కీలక పాత్ర పోషిస్తుంది. వీటిలో ఉండే మూలకాలు మలబద్ధకం నుంచి సులభంగా ఉపశమనం కలిగించేందుకు సహాయపడుతుంది. అయితే ఈ పప్పులను క్రమం తప్పకుండా ఆహారంలో తీసుకుంటే పలు అనారోగ్య సమస్యలు కూడా సులభంగా దూరమవుతాయి. అవేంటో ఇప్పుడు తెలుసుకుందాం..

పెసర పప్పు ప్రయోజనాలు:

జీర్ణక్రియ సమస్యలు:
పెసర పప్పు తినడం వల్ల జీర్ణక్రయ శక్తి మెరుగుపడుతుంది. ముఖ్యంగా అనారోగ్యకరమైన ఆహారాలు తినడం వల్ల వచ్చే పొట్ట సమస్యల నుంచి ఉపశమనం లభిస్తుంది. ఈ పప్పులో యాంటీ ఇన్‌ఫ్లమేటరీ లక్షణాలు అధిక పరిమాణంలో ఉంటాయి. పొట్టలో గ్యాస్‌ తగ్గించేందు సహాయపడతాయి.

చర్మ సమస్యలకు చెక్‌:
పెసర పప్పు చర్మానికి చాలా మేలు చేస్తుంది. శరీరంలోని చర్మాన్ని బిగుతుగా ఉంచడానికి సహాయపడే మినరల్స్ ఇందులో అధిక పరిమణంలో లభిస్తాయి. దీనితో పాటు ఇందులో ఐరన్‌ ఎక్కువగా లభిస్తుంది. కాబట్టి ఈ పప్పును క్రమం తప్పకుండా తింటే శరీరంలో ఎర్ర రక్త కణాల సంఖ్య పెరుగుతుంది.

గుండె సమస్యలు:
పొటాషియం, ఐరన్ పెసర పప్పులో పుష్కలంగా ఉంటాయి. కాబట్టి ఈ పప్పును క్రమం తప్పకుండా తింటే రక్తపోటు సమస్యలు సులభంగా తగ్గుతాయి. క్రమరహిత, హృదయ స్పందనలో లోపం వంటి సమస్యలను దూరం చేసేందుకు సహాయపడతాయి. ఈ పప్పులో ఉండే ఫైబర్ శరీరంలో చెడు కొలెస్ట్రాల్‌ను సమస్యలకు సులభంగా చెక్‌ పెట్టొచ్చు. ముఖ్యంగా గుండెపోటు ప్రమాదాన్ని కూడా నివారించవచ్చు.

(NOTE: ఇక్కడ ఇవ్వబడిన సమాచారం ఇంటి నివారణలు, సాధారణ సమాచారంపై ఆధారపడి ఉంటుంది. దానిని స్వీకరించే ముందు, దయచేసి వైద్య సలహా తీసుకోండి. ZEE NEWS దీన్ని ధృవీకరించలేదు.)

స్థానికం నుంచి అంతర్జాతీయం వరకు క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.