Viral Video: సీటు కోసం మరీ ఇంత రచ్చ..రైలులో ఫైటింగ్..వీడియో వైరల్..!

Viral Video: సీటు కోసం రైలులో పెద్ద యుద్ధమే జరిగింది. ఎంతలా అంటే మహిళలు ఒకరిపై ఒకరు దాడి చేసుకునేంతలా చోటుచేసుకుంది. ఈ ఘటన ముంబై లోకల్ రైలులో జరిగింది. ఈఘటనను కొందరు ఫోన్‌లో చిత్రీకరించారు. మరికొందరూ సోషల్ మీడియాలో పోస్ట్ చేశారు. పోస్ట్ చేసిన కాసేపటికే వీడియో వైరల్‌గా మారింది. నెటిజన్లు తెగ కామెంట్లు పెడుతున్నారు. మరో పాని పట్టు యుద్ధం అంటూ షేర్లు చేస్తున్నారు.

థానే-పన్వెల్ ట్రైన్‌లోని లేడీస్ కంపార్ట్‌మెంట్‌లో ఈదృశ్యాలు కనిపించాయి. మహిళలు పరస్పరం జట్టు పట్టుకుని లాగుకున్నారు. వారిని ఆపేందుకు శారద ఉగ్లే అనే మహిళా కానిస్టేబుల్‌ ప్రయత్నించింది. ఈనేపథ్యంలో ఆమెకు గాయాలు అయినట్లు తెలుస్తోంది. సీటు విషయంలోనే మాట మాట పెరిగి గొడవకు దారి తీసినట్లు తోటి ప్రయాణికులు చెబుతున్నారు. ఇందులో పలువురు మహిళలకు గాయాలు అయినట్లు తెలుస్తోంది. ఈ విషయాన్ని రైల్వే పోలీసులు మీడియాకు వివరించారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.