క్రికెట్ ప్రేమికులు ( Cricket lovers ) ఆతృతతో ఎదురుచూస్తున్న ఐపీఎల్ 2020 ( IPL 2020 ) మొత్తానికి ప్రారంభమైంది. ముంబై ఇండియన్స్ ( MI ) వర్సెస్ చెన్నై సూపర్ కింగ్స్ ( CSK ) మ్యాచ్ ప్రారంభమైంది. టాస్ గెలిచిన ధోనీ సేన ఫీల్డింగ్ ఎంచుకుంది.


COMMERCIAL BREAK
SCROLL TO CONTINUE READING


ఐపీఎల్..ఇండియన్ ప్రీమియర్ లీగ్ ( Indian premier league ). క్రికెట్ ప్రపంచం ఆసక్తిగా ఎదురు చూస్తున్న మెగా టోర్నమెంట్. ఎట్టకేలకు ప్రారంభమైంది. సీజన్ 13 మొదలైంది. తొలి మ్యాచ్ డిఫెండింగ్ ఛాంపియన్ ముంబై ఇండియన్స్ ( Mumbai Indians ) కు..రన్నరప్ చెన్నై సూపర్ కింగ్స్ ( Chennai super kings ) మధ్యన జరుగుతోంది. ఈ సందర్బంగా టాస్ గెలిచిన ధోనీ నేతృత్వంలోని చెన్నైసూపర్ కింగ్స్ ఫీల్డింగ్ ( Dhoni won the toss and elected to field ) ఎంచుకుంది. ముంబై ఇండియన్స్ కు తొలుత బ్యాటింగ్ అవకాశం దక్కింది. ఎడారి ప్రాంతపు వాతావరణంలో ఛేజింగ్ అనుకూలంగా ఉంటుందనే ఆలోచనతో ధోనీ సేన ఫీల్డింగ్ ఎంచుకున్నట్టు తెలుస్తోంది. 


అబుదాబి వేదికగా తొలి మ్యాచ్ ప్రారంభమైంది. ఐపీఎల్ 2020 సీజన్ 13 లో శుభారంభం కోసం రెండు జట్లు పరితపిస్తున్నాయి. ఆధిపత్యం కొనసాగించాలని ముంబై ఇండియన్స్ భావిస్తుంటే..గత ఐపీఎల్ ఫైనల్ లో ఎదురైన పరాభవానికి ప్రతీకారం తీర్చుకోవాలని చెన్నై సూపర్ కింగ్స్ ( CSK ) ఆలోచిస్తోంది. ఇరు జట్ల బలాబలాలు మాత్రం సమానంగానే కన్పిస్తున్నాయి. రెండు జట్లు ఇప్పటివరకు 30 మ్యాచ్‌లు ఆడగా ముంబై 18 సార్లు, చెన్నై 12 సార్లు గెలిచింది.


ముంబై ఇండియన్స్ తుది జట్టు : రోహిత్ శర్మ( కెప్టెన్ ), క్వింటన్ డికాక్ ( కీపర్ ), సూర్యకుమార్ యాదవ్, ఇషాన్ కిషాన్, కీరన్ పొలార్డ్, హార్దిక్ పాండ్యా, కృనాల్ పాండ్యా, రాహుల్ చాహర్, నాథన్ కౌల్టర్ నీల్ / మిచెల్ మెక్‌గ్లేన్, ట్రెంట్ బౌల్ట్, జస్‌ప్రీత్ బుమ్రా


చెనై సూపర్ కింగ్స్ తుది జట్టు : షేన్ వాట్సన్, ఫాఫ్ డూప్లెసిస్, అంబటి రాయుడు, ఎంఎస్ ధోనీ (కెప్టెన్, కీపర్), కేదార్ జాదవ్, రవీంద్ర జడేజా, డ్వేన్ బ్రావో, పియూష్ చావ్లా, దీపక్ చాహర్, ఇమ్రాన్ తాహిర్ / లుంగి ఎంగిడి, షార్ధుల్ ఠాకుర్