Kaleshwaram: తెలంగాణ రైతుల కల సాకారం కాబోతోంది.. హరీష్ రావు

హైదరాబాద్ : తెలంగాణ ప్రాంత రైతాంగం ఈ సమయం కోసమే ఎదురు చూస్తున్నారని, రంగనాయక సాగర్ టన్నెల్ లోకి వచ్చిన గోదావరి జలాలను చూసి మంత్రి హరీష్ రావు సంతోషం వ్యక్తం చేశారు. దాదాపు 2 గంటల పాటు పరిశీలించిన ఆయన మరో రెండు, మూడు రోజుల్లో వెట్ రన్ కు సిద్ధం అవుతోందని అన్నారు. 

కాగా సర్జిపూల్ లోకి వస్తున్న గోదావరి జలాల పంపింగ్ విధానాన్ని, పంప్ హౌస్ లో ప్రారంభానికి సిద్ధమైన 4 మోటారు పంపులను పరిశీలించి చేపట్టిన, చేపట్టాల్సిన అంశాలపై అధికారులను ఆరా తీశారు. ఈ మేరకు రంగనాయక సాగర్ టన్నెల్ లో వచ్చిన గోదావరి జలాలను చూసి మంత్రి ఇలాంటి శుభపరిణామం కోసం సిద్ధిపేట ప్రాంత ప్రజలు ఎంతో కాలంగా ఎదురు చూస్తున్నారని, ఈ ప్రాంత రైతుల కల సాకారం కాబోతున్నందుకు ఎంతో సంతోషంగా ఉందని అన్నారు.