Hindu Temple Attacked: పాకిస్తాన్ కరాచీలో హిందూ దేవాలయంపై దాడి, విగ్రహం ధ్వంసం

Hindu Temple Attacked: శత్రుదేశం పాకిస్తాన్‌లో మైనార్టీలకు, ప్రార్ధనా స్థలాలకు రక్షణ కరువైంది. ఇప్పటికే వరుస దాడులు జరుగుతున్నాయి. తాజాగా కరాచీలోని ఓ హిందూ ఆలయాన్ని ఛాంధసవాదులు టార్గెట్ చేశారు.

పాకిస్తాన్‌లో మరోసారి హిందూ ఆలయంపై దాడి జరిగింది. ఇమ్రాన్ ఖాన్ కొత్త పాకిస్తాన్‌లో హిందూ ఆలయాల్ని లక్ష్యంగా చేసుకోవడం కొనసాగుతోంది. ఇక్కడ ఓ వ్యక్తి ఆలయంలో ప్రవేశించి..దేవీ విగ్రహాన్ని ధ్వంసం చేశాడు. గొడ్డలితో విగ్రహంపై దాడి చేశాడు. పాకిస్తాన్‌లోని వీన్‌గాస్ పత్రిక కధనం ప్రకారం గత 22 నెలల్లో ఇది 9వ దాడి.

కరాచీ(Karachi)నగరంలోని రాంచోర్ ప్రాంతంలో ఉన్న హిందూ దేవాలయంపై ఈ దాడి(Hindu Temple Attacked) జరిగింది. ఆలయంపై దాడి చేసిన ఆ వ్యక్తిని పాకిస్తాన్ పోలీసులు అరెస్టు చేశారని తెలుస్తోంది. విద్వేషం కేసు నమోదు చేశారు. కరాచీ హిందూ దేవాలయంపై జరిగిన దాడిని భారతీయ జనతా పార్టీ ఖండించింది. ఆ దేశంలోని మైనార్టీలకు వ్యతిరేకంగా ఉగ్రవాదుల దాడికి పాకిస్తాన్ ప్రభుత్వం మద్దతిస్తోందని ఆరోపించింది. పాకిస్తాన్‌లో‌ని కరాచీలో మరో హిందూ దేవాలయాన్ని కొంతమంది అపవిత్రం చేశారని బీజేపీ చెబుతోంది. ఇంతకుముందు అంటే  అక్టోబర్ నెలలో పాకిస్తాన్‌లోని సింధ్ ప్రాంతంలోని ఓ దేవాలయంపై కూడా దాడి జరిగింది. ఆలయంలోని నగదు, ఆభరణాల్ని కూడా దొంగిలించారు. గత కొన్నేళ్లలో పాకిస్తాన్‌లోని హిందూ దేవాలయాన్ని టార్గెట్ చేస్తున్నారు. పాకిస్తాన్‌లోని(Pakistan)మైనార్టీలపై జరుగుతున్న దాడులు, ప్రార్ధనా స్థలాల ధ్వంసంపై ప్రపంచదేశాలు కూడా ఖండించాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe