સાયકલ સાયકલ મારી સોનાની સાયકલ જો... અમદાવાદીએ હકીકતમાં બનાવી દીધી આવી સાયકલ

16 કિલો વજન ધરાવતી આ સાયકલ જો ચોરી થઈ જાય તો GPS ટ્રેકરના માધ્યમથી શોધી શકાય તેવો દાવો તેને બનાવનાર ધીરલ મિસ્ત્રીએ કર્યો છે

Oct 17, 2021, 04:53 PM IST

અતુલ તિવારી/અમદાવાદ :અમદાવાદના ઓઢવમાં રહેતા ધીરલ મિસ્ત્રીએ ગોલ્ડન ઇલેક્ટ્રિક સાઈકલ બનાવી છે. એક ગોલ્ડન પ્લેટેડ ઇલેક્ટ્રિક સાઈકલની કિંમત અંદાજે 4 લાખ રૂપિયા રાખી છે. આ વિશેષ ઈલેક્ટ્રીક સાયકલમાં પાસવર્ડ, બ્લુટુથ, વાઈ ફાઈ, મ્યુઝિક પ્લેયર, લાઈટ, GPS ટ્રેકર, ક્રુઝ મોડ જેવી સુવિધાઓ ઉપલબ્ધ છે.  
 

1/3

સાઈકલ ચાવીથી ઓન કરતા ડિજીટલ સ્ક્રીન ચાલુ થાય છે, જેના માધ્યમથી તમામ સુવિધાઓનો ઉપયોગ કરી શકાય છે. 2 કલાકમાં ચાર્જ થતી આ ઇલેક્ટ્રિક સાઈકલ એકવાર ચાર્જ થયા બાદ 60 કિમી સુધી પર ચાલવાની ક્ષમતા ધરાવે છે. મહત્તમ 30 કિમીની ગતિથી ચાલતી આ ઇલેક્ટ્રિક સાયકલ ઊંધા પેન્ડલ મારવાથી પણ આગળની તરફ ચાલે એ રીતે ડિઝાઈન કરાઈ છે.  

2/3

ઈલેક્ટ્રિક પર ચાલતા સમયે 5 સેકન્ડ સુધી સાયકલની એક નિશ્ચિત સ્પીડ સેટ કરતા ક્રુઝ મોડ જેવી ફેસિલિટી સાયકલમાં ઉપલબ્ધ છે. 16 કિલો વજન ધરાવતી આ સાયકલ જો ચોરી થઈ જાય તો GPS ટ્રેકરના માધ્યમથી શોધી શકાય તેવો દાવો તેને બનાવનાર ધીરલ મિસ્ત્રીએ કર્યો છે. 

3/3

4 લાખ રૂપિયાની ઇલેક્ટ્રિક સાઈકલ જો ગોલ્ડન પ્લેટેડના બદલે સાદી લેવામાં આવે તો તમામ અન્ય સુવિધાઓ સાથે અંદાજિત કિંમત 46,200 રૂપિયા થાય છે. સાઈકલ સાથે બોડીની 15 વર્ષ, 3 વર્ષ બેટરી તેમજ અન્ય તમામ સુવિધાઓની વોરંટી પણ ઉપલબ્ધ છે.