Health Tips: ભૂલથી પણ ફ્રીઝમાં ના રાખો આ ફળ અને શાકભાજી, લેવાના દેવા પડી જશે

કાકડીમાં ઠંડકની અસર હોય છે. જ્યારે ફ્રીજમાં રાખવામાં આવે છે, ત્યારે તે ખૂબ જ ઠંડી થઈ જાય છે અને સ્વાસ્થ્યને નુકસાન પહોંચાડે છે. ફ્રીજમાં રાખવાથી તે ઝડપથી સડવા લાગે છે, આવી કાકડી ખાવાથી તમારા સ્વાસ્થ્યને નુકસાન થઈ શકે છે.

ટામેટાંને ફ્રીજમાં રાખવાનું ટાળો. ફ્રીજમાં રાખેલા ટામેટાં ઝડપથી બગડી શકે છે. આનાથી ટામેટાંનો સ્વાદ અને પોષણ પણ ઘટે છે.

બટાકાને ફ્રીજમાં રાખવું યોગ્ય નથી. બટાકાને ઠંડીમાં રાખવાથી તેમાં રહેલા સ્ટાર્ચમાં ફેરફાર થાય છે. આવા બટાકાનો ટેસ્ટ મીઠો બને છે. ફ્રિજમાં બટાકા ઝડપથી સડવા લાગે છે.

લસણને ફ્રીજમાં રાખવાનું ટાળો. તેને બંધ જગ્યાએ રાખવાથી ઝડપથી બગડવા લાગે છે. લસણ ફ્રીજમાં રહેલા ભેજને શોષી લે છે. લસણને ફ્રીજમાં રાખવાથી અન્ય શાકભાજીમાં પણ દુર્ગંધ આવી શકે છે.

ડુંગળીને હવાવાળી જગ્યાએ રાખવી જોઈએ. જ્યારે ડુંગળીને ફ્રિજ જેવી બંધ જગ્યાએ સંગ્રહિત કરવામાં આવે છે, ત્યારે તે અંકુરિત થવા લાગે છે અથવા તે સડીને બગડી જાય છે. ડુંગળીને ફ્રીજમાં રાખવાથી દુર્ગંધ પણ આવવા લાગે છે.