Goat Milk: ગાય-ભેંસ કરતાં પણ તાકાતવર હોય છે બકરીનું દૂધ, આ 5 બિમારીઓનું છે દુશ્મન
Goat Milk Benefits: દર વર્ષે જૂનની પહેલી તારીખે 'વર્લ્ડ મિલ્ક ડે' (World Milk Day) ઉજવવામાં આવે છે, જેનો હેતુ લોકોને દૂધના મહત્વ વિશે જાગૃત કરવાનો છે. ગાય અને ભેંસ એવા પ્રાણીઓ છે જે ભારતમાં દૂધનો સૌથી મોટો સ્ત્રોત છે, દરેક ઉંમરના લોકો તેનું સેવન કરે છે, પરંતુ બકરીનું દૂધ તુલનાત્મક રીતે ઓછું વપરાય છે. જો અમે તમને કહીએ કે બકરીનું દૂધ અન્ય પ્રાણીઓના દૂધ કરતાં વધુ પૌષ્ટિક અને શક્તિ આપે છે, તો કદાચ વિશ્વાસ કરવો મુશ્કેલ હશે.
બકરીનું છે દૂધ વધુ પૌષ્ટિક
દૂધને સંપૂર્ણ ખોરાક માનવામાં આવે છે જેમાં તમામ પ્રકારના પોષક તત્વો મળી આવે છે, પરંતુ સામાન્ય રીતે કેલ્શિયમ, વિટામિન ડી અને પ્રોટીન મેળવવા માટે તેને પીવામાં આવે છે. જે લોકો બકરીનું દૂધ પીવે છે તેમને આ પોષક તત્વો મોટી માત્રામાં મળે છે.
આ બિમારી પર પ્રહાર
બકરીનું દૂધ પીવાથી ઘણી બિમારીઓમાં રાહત મળે છે જેમ કે
1. ડેન્ગ્યુ તાવ 2. શારીરિક નબળાઈ 3. ચેપ 4. ઑસ્ટિયોપોરોસિસ 5. હાથ અને પગ સુન્ન થઈ જવા
પ્રોટીન અને કેલ્શિયમ વધુ મળશે
અમેરિકાના ફૂડ ડેટા સેન્ટ્રલ (FoodData Central) અનુસાર, 100 મિલીલીટર ગાય-ભેંસના દૂધમાં 3.28 ગ્રામ પ્રોટીન અને 123 મિલિગ્રામ કેલ્શિયમ જોવા મળે છે, જ્યારે 100 મિલિલિટર બકરીના દૂધમાં 3.33 ગ્રામ પ્રોટીન અને 125 મિલિગ્રામ કેલ્શિયમ હોય છે.
વિટામિન ડી મળશે
જો કે વિટામિન ડી સૂર્યપ્રકાશ દ્વારા મેળવી શકાય છે, પરંતુ શિયાળામાં અથવા એવા દેશોમાં જ્યાં ઘણા મહિનાઓ સુધી સૂર્ય ઉગતો નથી, ત્યાં આ પોષક તત્ત્વો ખાદ્ય પદાર્થો દ્વારા મેળવવાના હોય છે. તમને જણાવી દઈએ કે 100 મિલી બકરીના દૂધમાં 42 IU વિટામિન D મળે છે.
વિટામિન એ મળશે
વિટામિન A આપણી દૃષ્ટિ વધારવામાં અને રોગપ્રતિકારક શક્તિ વધારવામાં મદદરૂપ છે, 125 IU વિટામિન A 100 મિલી બકરીના દૂધમાં હોય છે, જે ગાય-ભેંસના દૂધ કરતાં વધુ હોય છે.
Trending Photos
- 5
- 6
- 5
- 5
